1, 2. Σόσκε ο Μάρτυρες του Ιεχωβά τθερένα κανόνες ι ιριαϊμάσκε; (Ντικχ ι φωτογραφία σο ισί κι αρχή.)

ΕΚ ΕΦΗΜΕΡΙΔΑ κατά Ολλανδία γραφιντάς σαρ ισινέ ιριαντέ ο παπάζια σε εκ συνάντηση σο τθερένας. Βακερέλα: «Μπουτ λένταρ να ιριαβένας-πες σουκάρ, επειδή κερέλας κάψα». Όμως η ίδια εφημερίδα γραφιντάς ότι να ιριαβένας-πες αντικάς ο Μάρτυρες του Ιεχωβά κι συνέλευση σο τθερένας. Βακερντάς ότι ο τσσαβέ ντα ο μουρσά ιρίνας σακάκι ντα γραβάτα, ενώ ο τσσαγιά ντα ο τζουβλιά ιρίνας σουκάρ ντα μοντέρνες φούστες σο να ισινέ μπουτ χαρνέ. Μπουτ φαρ ο τζενέ ισαρένα τους Μάρτυρες του Ιεχωβά για το σουκάρ τρόπος σο ιριαβένα-πες. Ο απόστολος Παύλος βακερντάς ότι ο Χριστιανοί πρέπει τι ιριαβέν-πες «σεμνά ντα με λογική», σαρ ισί σωστός τι κερέν ο τζενέ σο υπηρετίνενα ι Ντεβλές. (1 Τιμόθεο 2:9, 10) Παρόλο σο ο Παύλος κερέλας λάφι ι τζουβλιένγκε, ανταβά κανόνας ισί ι Χριστιανέ μουρσένγκε-ντα.

² Ο σωστοί κανόνες ι ιριαϊμάσκε ισί σημαντικοί εμ αμένγκε, σο ισινάμ ο λαός ι Ιεχωβάσκο, εμ ι Ντεβλέσκε σο πακιάσα. (Γένεση 3:​21) Η Αγία Γραφή βακερέλα ξεκάθαρα ότι ο Ιεχωβά,  σο ισί ο Βασιλιάς σαρό κο σύμπαν, τθερέλα κανόνες σο σικαβένα σαρ πρέπει τι ιριαβέν-πες ο τζενέ σο υπηρετίνενα-λες. Οτθάρ, όταν τραμπίνασα σέα, δεν πρέπει τι μπεϊντίνας-λεν σάντε αμέν, αλλά, ο πιο σημαντικός ισί τι μπεϊντίνελ-λεν ο Ιεχωβά.

3. Σο μπορίνασα τι σικλιάς ι σεΐνγκε σο ιριάσα κατά Νόμος σο ντινάς ο Ντεβέλ κο Ισραηλίτες;

³ Ο Μωσαϊκός Νόμος τθερέλας κανόνες σο αρακχαβένας ι Ισραηλιτέν κατά μπέτι τρόπος σο τζουβντιόνας ο τζενέ κατά γιαβερά τθεμά. Ο Νόμος σικαβέλας ότι ο Ιεχωβά μισίνελα ο σέα σο να σικαβένα ξεκάθαρα κον ισί μουρς ντα κον ισί τζουβέλ. Αμαρέ ντιβεσέντε, ο σέα σο ακολουθίνενα ασακί μόδα βακέρντιβενα «γιούνισεξ». (Διαβάνεν Δευτερονόμιο 22:5) Κατά Νόμος, σικλιάσα ότι ο Ιεχωβά να μπεϊντίνελα ο σέα σο κερένα ι μουρσέν τι μοιάζεν τζουβλιά, ι τζουβλιέν τι μοιάζεν μουρσά ή σο κερένα δύσκολος τι ξεχωρίνες κον ισί ο μουρς ντα κον ισί η τζουβέλ.

4. Σο μπορίνελα τι βοηθίνελ ι Χριστιανόν τι λεν σωστές αποφάσεις κάνα τραμπίνενα σο κα ιρίν;

⁴ Ο συμβουλές σο τθερέλα η Γραφή μπορίνενα τι βοηθίνεν-αμέν τι λας σωστές αποφάσεις κάνα τραμπίνασα σο κα ιριάς. Ανταλά συμβουλές μπορίνασα τι κεράς-λεν σαρέ κο τθεμά, ατζέ-ντα άμα κερέλα ή να κερέλα κάψα αμαρέ τθεμέστε ή άμα αμαρί κουλτούρα ισί διαφορετική. Να χρειαζίντιβασα εκ μπαρό κατάλογος για τι σικαβέλ αμένγκε καλά σέα πρέπει ή δεν πρέπει τι ιριάς. Απλά, χρειαζίντιβασα ο συμβουλές κατά Γραφή, σο μουκχένα-αμέν τι τραμπίνας σέα σο μπεϊντίνασα. Κα ντικχάς ακανά μερικές συμβουλές κατά Γραφή σο μπορίνενα τι βοηθίνεν-αμέν τι αγαβάς «οντουβά σο . . . ισί λατσσό ντα σωστός ντα τέλειος» κι Ντεβλέσκε γιακχά, κάνα πρέπει τι αποφασίνας σαρ κα ιριαβάς-αμέν.​—Ρωμαίους 12:​1, 2.

5, 6. Σαρ πρέπει τι επηρεάνεν αμαρέ σέα ι γιαβερέν;

⁵ Ο Ντεβέλ ντινάς κο απόστολος Παύλος πο άγιος πνεύμας για τι γραφίνελ ι συμβουλή σο ισί κο εδάφιος 2 Κορινθίους 6:4. (Διαβάνεν) Ο τρόπος σο ιριαβάσα-αμέν σικαβέλα μπουτ πράγματα αμένγκε, ντα μπουτ τζενέ νικαβένα συμπεράσματα όταν ντικχένα-αμέν. (1 Σαμουήλ 16:7) Αφού ισινάμ υπηρέτες ι Ντεβλέσκε, δεν πρέπει απλά τι τραμπίνας σέα επειδή ισί άνετα ή επειδή μπεϊντίνασα-λεν. Άμα κα κεράς ο συμβουλές σο ισί κι Γραφή, να κα ιριάς μπουτ στενά σέα ή σέα σο ισί πουταρντέ ή σο κερένα ι γιαβερέν τι ντικχέν-αμέν πφιρνικανές. Ανταβά μανγκέλα τι βακερέλ ότι να ιριάσα σέα σο ντικχίντιβασα. Καέκ τζενό δεν πρέπει τι νιωθίνελ άβολα ή τι αναγκάντιβελ τι βουρτίνελ οκιά μπάνταρ όταν ντικχέλα σαρ ισινάμ ιριαντέ.

⁶ Όταν αμέν, σαρ υπηρέτες ι Ιεχωβάσκε, ισινάμ πάκι, περιποιημέ ντα αμαρέ σέα ισί σουκάρ ντα σεμνά ο τζενέ κα σεβάνεν-αμέν πιο μπουτ. Αντικάς, μπορεί τι πλησιάνεν ι Ντεβλές σο πακιάσα, τι σεβάνεν πιο μπουτ  αμαρί οργάνωση ντα τι ασουνέν ο λατσσέ αμπέρια σο ντένα ζωή.

7, 8. Κάνα πρέπει τι προσοχίνας πιο μπουτ σαρ ιριαβάσα-αμέν;

⁷ Αμαρό ιριαϊπέ επηρεάνελα αμαρέ Ντεβλές σο ισί άγιος, αμαρέ πφραλέν ντα πφενίν ντα ι τζενέν σο αρακχάσα κο έργος κι Ντεβλέσκο, οτθάρ πρέπει τι ιριαβάς-αμέν σεΐντζαρ σο ντένα δόξα κο Ιεχωβά ντα κο λατσσέ αμπέρια. (Ρωμαίους 13:​8-10) Ανταβά ισί ατζέκ πιο σημαντικός όταν τζάσα κο συναθροίσεις ή κο έργος κι Ντεβλέσκο. Πρέπει τι ιριαβάς-αμέν με τρόπος σο ταιριάνελα τζενέντε σο πακιάνα κο Ντεβέλ. (1 Τιμόθεο 2:​10) Ισί μπαγιά ότι μερικά σέα σο ισί σωστός τι ιριάς-λεν εκ τθανέστε να μπορίνασα τι ιριάς-λεν κάπου γιαβερτθέ. Άρα, αμέν ο Μάρτυρες του Ιεχωβά, κατέ-ντα τι τζουβντιάς, δεν πρέπει τι προσβαλίνας ι γιαβερέν αμαρέ σεΐντζαρ.

⁸ Διαβάνεν 1 Κορινθίους 10:​31. Όταν τζάσα κο συνελεύσεις, αμαρέ σέα πρέπει τι αβέν σουκάρ ντα σεμνά. Δεν πρέπει τι ιριάς ο υπερβολικά σέα σο συνηθίνενα τι ιρίν ο τζενέ κο ντουνιάς. Ατζέ-ντα πριν ντα μετά κατά πρόγραμμας της συνέλευσης ντα όταν ερεσάσα κο ξενοδοχείος ή νασάσα οτθάρ, δεν πρέπει τι ιριαβάς-αμέν  σαρ τι αβέλ, αλλά πρέπει αμαρέ σέα τι αβέν περιποιημέ. Αντικάς, με καμάρι κα μπορίνας τι βακεράς ότι ισινάμ Μάρτυρες του Ιεχωβά, ντα κα νιωθίνας άνετα τι βακεράς ο λατσσέ αμπέρια όταν ντιντιόλα-αμέν η ευκαιρία.

9, 10. Σόσκε ο εδάφιος Φιλιππησίους 2:4 πρέπει τι επηρεάνελ ο τρόπος σο ιριαβάσα-αμέν;

⁹ Διαβάνεν Φιλιππησίους 2:4. Σόσκε πρέπει τι σκεφτίνας σαρ επηρεάνενα αμαρέ σέα οντουλέν σο τθερένα ι ίδια πίστη αμέντζαρ; Εκ λόγος ισί ότι ο λαός ι Ντεβλέσκο προσπαθίνελα μπουτ για τι κερέλ πι ζωγιάτε ακαγιά συμβουλή: «Οτθάρ, τουμαρό σώμας τι αβέλ σαρ μουλό, για μα τι κερέν λουμνιπέ ή μαγαριπέ, μα τι μανγκέν τι σοβέν γιαβερέντζαρ». (Κολοσσαείς 3:​2, 5) Μερικά πφραλά ντα πφενιά, παρόλο σο φουρτιντέ οπρά-πουμένταρ ο μπίλατζανε πράγματα σο κερένας, μπορεί τι προσπαθίνενα ατζέκ για μα τι μανγκέν μπέτι πράγματα. Άμα να προσοχιντάμ σαρ ιριαβάσα-αμέν, μπορεί τι δυσκολίνας αμαρέ πφραλέν τι κερέν πουμαρέ ζωγιάτε ανταγιά συμβουλή ντα τι τζαν κόντρα κο μπέτι πράγματα σο μανγκένα. (1 Κορινθίους 6:9, 10) Να μανγκάσα τι κεράς λένγκο αγώνας πιο δύσκολος, αντικάς νανέ;

¹⁰ Όταν ισινάμ αμαρέ πφραλέντζαρ ντα αμαρέ πφενίντζαρ, ισινάμ ασφαλείς κατά τζενέ σο σκεφτίνενα πφιρνικανές. Αμέν-ντα με το τρόπος σο ιριαβάσα-αμέν, είτε ισινάμ κο συναθροίσεις είτε κάπου γιαβερτθέ, πρέπει τι βοηθίνας τι νιωθίνεν ασφαλείς σαρέ ο πφραλά αντρέ κι εκκλησία. Παρόλο σο τθεράσα ι ελευθερία τι τραμπίνας σο κα ιριάς, τθεράσα ι ευθύνη-ντα τι ιριάς σέα σο βοηθίνενα αμαρέ πφραλέν τι ατσσικιαρέν πουμαρέ σκέψεις, πουμαρέ λάφια ντα πουμαρί συμπεριφορά πάκι κο γιακχά κι Ντεβλέσκε. (1 Πέτρου 1:​15, 16) Η αληθινή αγάπη «να τθερέλα μπέτι συμπεριφορά, να ντικχέλα πο συμφέρον».​—1 Κορινθίους 13:​4, 5.

11, 12. Σαρ ο εδάφια Εκκλησιαστής 3:1, 17 βοηθίνενα-αμέν τι αβάς λογικοί;

¹¹ Όταν ο υπηρέτες ι Ντεβλέσκε πρέπει τι αποφασίνεν σο κα ιρίν τθερένα πουμαρέ γκοντιάτε ότι «ισί βακίτι κάθε πραγμάσκε ντα για κάθε κατάσταση». (Εκκλησιαστής 3:1, 17) Ο καιρός, ο εποχές, ο τρόπος σο τζουβντιάσα ντα γιαβερά πράγματα μπορεί τι επηρεάνεν ο τρόπος σο ιριαβάσα-αμέν. Όμως ο νόμοι ι Ιεχωβάσκε να αλλάνενα ποτές.​—Μαλαχίας 3:6.

¹² Τθεμέντε σο κερέλα κάψα μπορεί τι αβέλ ατζέκ πιο δύσκολος τι ιριάς σέα σο ισί σουκάρ ντα σεμνά. Οτθάρ αμαρέ πφραλά ντα αμαρέ πφενιά εκτιμίνενα όταν να ιριάσα αζόμ μπουτ στενά ή μπουγλέ σέα σο κα κερένας-αμέν τι ντικχίντιβας. (Ιώβ 31:1) Επίσης, όταν τζάσα κι ντεριάβ ή κι πισίνα, οντουλά σο ιριάσα πρέπει τι αβέν σεμνά. (Παροιμίες 11:2, 20) Ατζέ-ντα άμα ο τζενέ ντικχίντιβενα οντουλέντζαρ σο ιρίνα κι ντεριάβ, αμέν μανγκάσα τι ανάς δόξα αμαρέ άγιε Ντεβλέστε, κο Ιεχωβά.

13. Σόσκε η συμβουλή σο ντένα ο εδάφια 1 Κορινθίους 10:​32, 33 πρέπει τι επηρεάνεν-αμέν όταν τραμπίνασα σο σέα κα ιριάς;

¹³ Ισί ατζέκ εκ σημαντική συμβουλή σο βοηθίνελα-αμέν τι τραμπίνας σο σέα κα  ιριάς. Πρέπει τι αβάς προσεκτικοί για μα τι προσβαλίνας ι συνείδηση ι γιαβερένγκι. (Διαβάνεν 1 Κορινθίους 10:​32, 33) Ισί αμαρί ευθύνη μα τι ιριάς σέα σο μπορεί τι προσβαλίνεν αμαρέ πφραλέν ντα οντουλέν σο να υπηρετίνενα ι Ιεχωβάς. Ο απόστολος Παύλος γραφιντάς: «Ο κάθε εκ αμένταρ τι κερέλ ο γκι ι τζενέσκο σο ισί πασέ λέστε λέσκε λατσσιμάσκε, για τι ντελ-λες δύναμη». Ο Παύλος συνεχιντάς τι βακερέλ: «Ατζέ-ντα ο Χριστός να κερντάς πο γκι». (Ρωμαίους 15:2, 3) Σαρ ισινέ ι Ιησούσκε, αντικάς αμένγκε-ντα, ο θέλημας ι Ντεβλέσκο ντα η βοήθεια σο ντάσα κο γιαβερά πρέπει τι αβέν πιο σημαντικά οντουλένταρ σο μπεϊντίνασα. Οτθάρ αμέν να τραμπίνασα τι ιριάς σέα σο μπορεί τι μπεϊντίνασα-λεν, αλλά κα κερένας ι τζενέν μα τι ασουνέν ο λατσσέ αμπέρια.

14. Σαρ μπορίνενα ο νταντά ντα ο νταγιά τι σικλιαρέν πουμαρέ τσσαβέν τι δοξάνεν ι Ντεβλές πουμαρέ σεΐντζαρ;

¹⁴ Ο νταντά ντα ο νταγιά σο ισί Χριστιανοί τθερένα ι ευθύνη τι σικλιαρέν πουμαρέ τσσαβέν τι ακολουθίνεν ο συμβουλές ι Γραφιάκε. Εκ τρόπος για τι κερέν-λες ανταβά ισί τι αβέν σίγουροι ότι βον ντα ο τσσαβέ λένγκε κερένα χαρούμενος ι Ντεβλές με το σεμνός τρόπος σο ιριαβένα-πες ντα λατσσαρένα-πες. (Παροιμίες 22:6· 27:​11) Σαρ μπορίνενα ο νταντά ντα ο νταγιά τι σικλιαρέν πουμαρέ τσσαβέν τι σεβάνεν αμαρέ άγιε Ντεβλές ντα λέσκε νόμους; Ο νταντά ντα ο νταγιά πρέπει τι ντεν ο λατσσό παράδειγμας πουμαρέ τσσαβέντε. Ντα πρέπει τι σικλιαρέν με αγάπη πουμαρέ τσσαβέν κατέ ντα σαρ μπορίνενα τι αρακχέν σεμνά σέα. Ο τσσαβέ δεν πρέπει τι τραμπίνεν σέα σάντε επειδή μπεϊντίνενα-λεν, αλλά ατζέκ πιο σημαντικός ισί τι τραμπίνεν σέα σο κα ντεν δόξα κο Ιεχωβά, κο Ντεβέλ σο τθεράσα λέσκο ναβ οπρ’ αμέντε.

15. Σο κα βοηθίνελ-αμέν τι λας σωστές αποφάσεις;

¹⁵ Η Γραφή τθερέλα λατσσέ συμβουλές σο μπορίνενα τι βοηθίνεν-αμέν τι λας αποφάσεις σο ισί σωστές ντα ντένα δόξα κο Ντεβέλ. Όμως μπορίνασα τι συνεχίνας τι ιριάς σέα σο μπεϊντίνασα. Να τθεράσα σαρέ ο ίδια γούστα ντα να μπορίνασα τι ντας ο ίδια λοβέ για τι κινάς σέα. Όμως αμαρέ σέα πρέπει τι αβέν πάντα περιποιημέ, πάκι, σεμνά ντα δεν πρέπει τι προσβαλίνεν ι τζενέν κο τθεμ σο τζουβντιάσα.

16. Σόσκε αξίνελα τι προσπαθίνας τι ιριαβάς-αμέν σεμνά ντα σουκάρ;

¹⁶ Νανέ πάντα εύκολος τι αρακχάς σεμνά ντα σουκάρ σέα. Μπουτ μαγαζιά μπικινένα σάντε σέα σο μπεϊντίνενα-λεν ο πιο μπουτ τζενέ ντα ισί κι μόδα. Οτθάρ μπορεί τι χρειαζίντιβελ μπουτ χρόνος ντα προσπάθεια για τι αρακχάς σεμνές φούστες, φορέματα ντα μπλούζες ή τι τραμπίνας κουστούμια ντα παντελόνια σο νανέ μπουτ στενά. Αλλά αμαρέ πφραλά κα ντικχέν ντα κα εκτιμίνεν ο προσπάθειες σο κεράσα για τι αρακχάς σουκάρ ντα σεμνά σέα. Ντα όταν σκεφτίνασα ι χαρά σο λάσα αντρ’ αμέντε επειδή δοξάνασα αμαρέ Νταντές σο ισί κο ουρανός, ισινάμ σίγουροι ότι αξίνελα τι κεράς κάθε προσπάθεια για τι ιριαβάς-αμέν με τρόπος σο κα ντελ-λες δόξα.

17. Καλά πράγματα πρέπει τι τθερέλ πι γκοντιάτε εκ πφραλ άμα μανγκέλα τι μουκχέλ τσσορά;

¹⁷ Ισί σωστός τι τθερέν ο πφραλά τσσορά; Ο Μωσαϊκός Νόμος βακερέλας ότι ο μουρσά έπρεπε τι τθερένας τσσορά. Αλλά ο Χριστιανοί νανέ υποχρεωμέ τι κερέν ο πράγματα σο βακερέλα ο Μωσαϊκός Νόμος.  (Λευιτικό 19:​27· 21:5· Γαλάτες 3:​24, 25) Μερικέ τθεμέντε, μπορεί τι ισί φυσιολογικός ντα σουκάρ τι τθερέλ κάποιος περιποιημέ τσσορά, ντα μα τι εμποδίνεν ι τζενέν τι ασουνέν ο λατσσέ αμπέρια. Ατζέκ-ντα κάποια διορισμέ πφραλά τθερένα τσσορά. Παρ’ όλα αυτά, μερικά πφραλά μπορεί τι αποφασίνεν μα τι τθερέν τσσορά. (1 Κορινθίους 8:9, 13· 10:​32) Γιαβερέ τθεμέντε, μπορεί μα τι αβέλ συνηθισμέ τι τθερέλ κάποιος τσσορά ντα μα τι συνηθίντιβελ ούτε για τους Μάρτυρες του Ιεχωβά. Κι πραγματικότητα, ο τσσορά σο τθερέλα εκ πφραλ μπορεί τι αβέν λέσκε εμπόδιος για τι ντελ δόξα κο Ντεβέλ ντα μπορεί τι ντελ δικαιώματα κο γιαβερά τι κατηγορίνεν-λες.​—Ρωμαίους 15:​1-3· 1 Τιμόθεο 3:​2, 7.

18, 19. Σαρ βοηθίνελα-αμέν ο εδάφιος Μιχαίας 6:8;

¹⁸ Σο μπαρί χαρά τθεράσα σο αμαρό Ντεβέλ ο Ιεχωβά να πφερέλα-αμέν με κανόνες σο βακερένα σο κα ιριάς ντα σαρ πρέπει τι λατσσαράς-αμέν. Ντινάς-αμέν, όμως, ι ελευθερία τι λας κορκορέ λογικές αποφάσεις σο βασίντιβενα κο συμβουλές της Γραφής. Αντικάς, ατζέ-ντα όταν τραμπίνασα σο κα ιριάς ή σαρ κα λατσσαράς-αμέν, μπορίνασα τι σικαβάς ότι μανγκάσα τι υπηρετίνας ι Ντεβλές με σεμνότητα.​—Μιχαίας 6:8.

¹⁹ Αγαβάσα ταπεινά ότι ο Ιεχωβά ισί πάκι ντα άγιος ντα ότι λέσκε νόμοι ισί η πιο λατσσί βοήθεια αμένγκε. Άμα μανγκάσα τι αβάς σεμνοί ντα ταπεινοί, κα κεράς λέσκε νόμους αμαρέ ζωγιάτε. Η σεμνότητα επίσης κα βοηθίνελ-αμέν τι σεβάνας ο αισθήματα ντα ο απόψεις ι γιαβερένγκε.

20. Σαρ επηρεάνελα ι γιαβερέν ο τρόπος σο ιριαβάσα-αμέν ντα λατσσαράσα-αμέν;

²⁰ Αμαρέ σέα πρέπει τι σικαβέν ξεκάθαρα κο τζενέ ότι ισινάμ υπηρέτες ι Ιεχωβάσκε. Ο νόμοι ι Ιεχωβάσκε ισί μπουτ σωστοί ντα ισινάμ χαρούμενοι σο ακολουθίνασα-λεν. Μανγκάσα τι ισαράς αμαρέ πφραλέν ντα πφενίν σο λατσσαρένα-πες ντα ιριαβένα-πες σωστά, ντα τθερένα λατσσί συμπεριφορά. Ανταβά κερέλα ι λατσσέ τζενέν τι ασουνέν ο λατσσέ αμπέρια κατά Γραφή ντα ντέλα δόξα ντα χαρά κο Ιεχωβά. Ο σωστές αποφάσεις σο λάσα όταν τραμπίνασα σο σέα κα ιριάς κα συνεχίνεν τι δοξάνεν Οντουλές σο ισί ιριαντό «με τιμή ντα δόξα».​—Ψαλμός 104:​1, 2.