Ο γιαβερά θέματα σικαντέ ότι ο Ντεβέλ ατζεχάνικ κα κερέλ καταστροφή σαρέ ι πφιρνέ τζενέν γιεκ λένγκε προβληματέντζαρ. Ισινάμ σίγουροι ότι ανταβά κα αβέλ-πες. Σόσκε; Επειδή η Αγία Γραφή ντέλα πο λάφι:

«Ο ντουνιάς χασάρντιβελα».—1 ΙΩΑΝΝΗ 2:17.

Ισινάμ σίγουροι ότι κα σώντιβεν τζενέ σόσκε ο οπραϊνό εδάφιος ντέλα πο λάφι ακαλέσκε-ντα:

«Κον κερέλα οντουβά σο μανγκέλα ο Ντεβέλ ατσσόλα για πάντα».

Άρα, άμα μανγκάσα τι σώντιβας, πρέπει τι κεράς οντουβά σο μανγκέλα ο Ντεβέλ. Για τι τζανάς σο μανγκέλα ο Ντεβέλ, πρέπει πρώτα τι σικλιάς λέσκε.

Ο Ιησούς βακερντάς: «Ανταβά μανγκέλα τι βακερέλ ζωή για πάντα, τι σικλιόν τούκε, σο ισινάν ο μόνος αληθινός Ντεβέλ». (Ιωάννης 17:3) Για τι σώντιβας κατά τέλος ντα τι τζουβντιάς για πάντα, πρέπει τι “σικλιάς” ι Ντεβλέσκε. Ανταβά μανγκέλα τι βακερέλ ότι να ερεσέλα σάντε τι πακιάς κο Ντεβέλ ή τι τζανάς χάνικ πράγματα λέσκε. Πρέπει τι αβάς αμαλά λέσαρ. Άμα μανγκάσα τι αβέλ εκ φιλία ζουρανί, πρέπει τι ντας αμαρέ σαατίσταρ αμαρέ αμαλέντε. Ανταβά αβέλα-πες ι Ντεβλέσαρ-ντα. Ντικχέν χάνικ αλήθειες κατά Γραφή σο βοηθίνενα-αμέν τι αβάς ντα τι ατσσάς λατσσέ αμαλά ι Ντεβλέσαρ.

Για τι τζουβντιάς, χάσα κάθε ντιβές. Αλλά ο Ιησούς βακερντάς: «Ο τζενό δεν πρέπει τι τζουβντιόλ σάντε μαντρέσαρ, αλλά ι κάθε λαφίσαρ σο νικιόλα κατά Ιεχωβάσκο μούι».​—Ματθαίος 4:4.

Αντιβές, αρακχάσα ο λάφια ι Ιεχωβάσκε αντρέ κι Γραφή. Καζόμ σικλιαρένα-τουμέν ανταλέ ιερέ βιβλιόσταρ, κα σικλιόν σο κερντάς ο Ντεβέλ ανγκλέ, σο κερέλα ακανά ντα σο κα κερέλ ανγκλ’ αμέντε.

Σο μπορίνενα τι κερέν άμα μανγκένα τι ντεν καν ι Ντεβλές αλλά ισί τουμένγκε δύσκολος τι τσσιναβέν μερικά πράγματα σο βοβ βακερέλα ότι νανέ λατσσέ; Άμα αβέλα-πες ανταβά, οντουβά σο κα βοηθίνελ-τουμέν μπαγιά ισί τι τζανέν λατσσές ι Ντεβλές.

Ανέν τουμαρέ γκοντιάτε εκχέ τζουβλιά σο κα βακεράς λάκε Σάκουρα ντα κερέλας μπίλατζανε πράγματα πι ζωγιάτε. Κάνα αρχισάλι τι κερέλ μελέτη, σικλιλί ότι ο Ντεβέλ ντινάς ι εντολή “τι νασάς κατά λουμνιπέ”. (1 Κορινθίους 6:​18) Η Σάκουρα κερντάς προσευχή κο Ντεβέλ τι λελ ζορ ντα μπορισάλι τι τσσιναβέλ τι κερέλ οντουλά μπέτι πράγματα πι ζωγιάτε. Αλλά ατζέκ ατζέκ μαρέλα-πες τι τζαλ κόντρα κο πειρασμοί. «Κάνα αβέλα μι γκοντιάτε εκ μπίλατζανο πράγμας», βακερέλα, «πουτράβα μο γκι κο Ιεχωβά αντράλ κατά προσευχή σόσκε τζανάβα ότι ναστί νακχαβάβα-λες κορκορί ανταβά. Η ζορ σο τθερέλα η προσευχή αντάς-μαν πο πασέ κο Ιεχωβά». Εκατομμύρια τζενέ σικλιόνα ι Ντεβλέσκε σαρ κερέλα η Σάκουρα. Βοβ ντέλα-λεν ι ζορ σο χρειαζίντιβενα για τι κερέν αλλαγές πουμαρέ ζωγιάτε ντα τι τζουβντιόν αντικάς σαρ μανγκέλα βοβ.​—Φιλιππησίους 4:13.

Καζόμ πο λατσσές τζανάσα ι Ντεβλές, αζόμ πο λατσσέ αμαλά κα αβάς λέσκε. (Γαλάτες 4:9· Ψαλμός 25:​14) Άμα κα αβέλ-πες ανταβά, κα μπορίνεν τι σώντιβεν ντα κα νακχέν λέσκε νεβέ ντουνιάστε. Αλλά σαρ κα αβέλ ανταβά νεβό ντουνιάς; Βακερέλα-λες ανταβά ο γιαβέρ θέμας.