Τουμέν Ντικχένα ι Δικαιοσύνη σαρ Ντικχέλα-λα ο Ιεχωβά;
«Κα βακεράβ ο ναβ ι Ιεχωβάσκο ανγκλάλ σαριλέντε . . . , ισί Ντεβέλ πιστός, σο νανέ οπρά-λέστε αδικία».
ΥΜΝΟΙ: 15, 2
1, 2. (α) Σαρ αδικιντέ τον Ναβουθέ ντα λέσκε τσσαβέν; (β) Καλά ντούι ιδιότητες κα ντικχάς ανταλέ μαθημάστε;
ΝΤΟΥΙ γκεραλέ τζενέ κατηγορίνενα εκχέ γιαβερέ τζενές για εκ μπουτ μπαρό έγκλημας. Βον βακερένα ψέματα, αλλά ο δικαστήριος βακερέλα ότι οντουβά τζενό φταίνελα, ντα λέλα ι απόφαση τι μουνταρέν-λες. Σκεφτίνεν σαρ νιωσάλε ο τζενέ σο μανγκένα ι δικαιοσύνη, κάνα ντικχένας τι φουρτίνεν μπαρά οντουλέ τζενέσκε ντα λέσκε τσσαβένγκε μέχρι τι μερέν! Ανταβά νανέ απλά εκ μασάλι. Αβιλό-πες μπαγιά εκχέ τζενέστε, κο Ναβουθέ, σο υπηρετίνελας πιστά ι Ιεχωβάς ντα τζουβντιόλας όταν ο Αχαάβ ισινέ βασιλιάς κο Ισραήλ.
2 Ανταλέ μαθημάστε, κα ντικχάς σο αβιλό-πες κο Ναβουθέ. Κα ντικχάς επίσης ο σοβαρός λάθος σο κερντάς εκ πιστός πρεσβύτερος σε εκ κατά πρώτες Χριστιανικές εκκλησίες. Ανταλά ντούι παραδείγματα κα σικαβέν αμένγκε ότι ισί απαραίτητος τι αβάς ταπεινοί ντα τι συγχωρίνας ι γιαβερέν άμα μανγκάσα τι τθεράς ι άποψη σο τθερέλα ο Ιεχωβά για τη δικαιοσύνη.
ΕΚ ΜΠΟΥΤ ΜΠΑΡΙ ΑΔΙΚΙΑ
3, 4. Σο τζενό ισινέ ο Ναβουθέ, ντα σόσκε να μανγκλάς τι μπικινέλ πο αμπέλι κο Βασιλιάς Αχαάβ;
3 Αζομάν σο πακιάλας ο Ναβουθέ κο Ιεχωβά, ο πιο μπουτ Ισραηλίτες ακολουθίνενας ο γκεραλό παράδειγμας του Βασιλιά Αχαάβ ντα λέσκε ρομνιάκο, σο ισινέ η πφιρνί Βασίλισσα Ιεζάβελ. Βον ντένας λατρεία ι ψεύτικε ντεβλές Βάαλ, ντα να σεβάνενας ι Ιεχωβάς ντα λέσκε νόμους. Αλλά ο Ναβουθέ εκτιμίνελας πι σχέση ι Ιεχωβάσαρ πιο μπουτ ατζέ-ντα πι ζωγιάταρ.
4 Διαβάνεν 1 Βασιλέων 21:
5. Σο κερντάς η Ιεζάβελ για τι λελ ο αμπέλι του Ναβουθέ;
5 Όταν ο Ναβουθέ να μανγκλάς τι μπικινέλ πο αμπέλι, ο Βασιλιάς Αχαάβ ντα λέσκι ρομνί κερντέ μπουτ μπέτι πράγματα. Για τι λελ ο αμπέλι, η Βασίλισσα Ιεζάβελ τσσουντάς ντουέ μουρσέν τι βακερέν ότι ο Ναβουθέ κερντάς εκ έγκλημας σο να κερντάας. Ο αποτέλεσμας ισινέ τι μουνταρέν εμ τον Ναβουθέ εμ λέσκε τσσαβέν. Σο κερντάς ο Ιεχωβά ανταλέ άδικε πραγμάσκε;
Η ΔΙΚΑΙΟΣΥΝΗ Ι ΝΤΕΒΛΕΣΚΙ
6, 7. Σαρ σικαντάς ο Ιεχωβά ότι μανγκέλα ι δικαιοσύνη, ντα σόσκε πρέπει τι ντινάς κουράγιος ανταβά κι φαμιλί ντα κο αμαλά του Ναβουθέ;
6 Μπουτ σουγκό, ο Ιεχωβά μπουτσσαντάς ι Ηλιάς για τι αντιμετωπίνελ τον Αχαάβ. Ο Ηλίας βακερντάς κο Αχαάβ ότι ισινέ δολοφόνος ντα τσορ. Σο απόφαση λιντάς ο Ιεχωβά; Τι μουνταρέν τον Αχαάβ, λέσκε ρομνιά ντα λέσκε τσσαβέν, σαρ μουνταρντέ τον Ναβουθέ ντα λέσκε τσσαβέν.
7 Η φαμιλί ντα ο αμαλά του Ναβουθέ στεναχωρισάλε ντα ροντέ ι μπέτι πραγματένγκε σο κερντάας ο Αχαάβ. Αλλά ο Ιεχωβά ντικχλάς ι αδικία ντα να ατσσιλό πφαντέ βαστέντζαρ. Ανταβά πρέπει τι ντινάς-λεν κουράγιος. Αλλά η ταπεινότητα ντα η εμπιστοσύνη σο τθερένας κο Ιεχωβά μάλλον δοκιμάντιλε οντουλέσταρ σο αβιλό-πες σοράν.
Ο Ηλίας βακερντάς κο Αχαάβ ότι, επειδή ταπεινωντάς πο νεαυτός, ο Ιεχωβά να κα τιμωρίνελας-λες
8. Σο κερντάς ο Αχαάβ όταν σικλιλό σο αποφασιντάς ο Ιεχωβά, ντα καβά ισινέ ο αποτέλεσμας;
8 Όταν ο Αχαάβ σικλιλό σο αποφασιντάς λέσκε ο Ιεχωβά, «πφαραντάς πο σέα ντα ιριντάς ράβαλος τελάλ πι σεΐνταρ· ντα αρχισάλο νηστεία ντα ζαντίνελας οπράλ κο ράβαλος ντα πφιρέλας στεναχωριμέ». Ο Αχαάβ ταπεινωντάς πο νεαυτός! Καβά ισινέ ο αποτέλεσμας; Ο Ιεχωβά βακερντάς κο Ηλίας: «Επειδή ταπεινωντάς πο νεαυτός ανγκλά-μάντε, να κα ανάβ ι συμφορά λέσκε ντιβεσέντε. Κο ντιβεσά λέσκε τσσαβέσκε κα ανάβ ι συμφορά οπράλ λέσκε κχερέστε». (1 Βασιλέων 21:
Η ΤΑΠΕΙΝΟΤΟΤΗΤΑ ΑΡΑΚΧΑΒΕΛΑ-ΑΜΕΝ
9. Σόσκε η ταπεινότητα κα αρακχαβέλας ι φαμιλί ντα ι αμαλέν του Ναβουθέ;
9 Όταν η φαμιλί ντα ο αμαλά του Ναβουθέ ασουντέ ότι η φαμιλί του Αχαάβ να κα τιμωρίντιβελας πριν τι μερέλ ο Αχαάβ, λένγκι πίστη κο Ντεβέλ μπορεί τι δοκιμάντιλι. Αλλά η ταπεινότητα κα βοηθίνελας-λεν τι αρακχαβέν πουμαρί πίστη. Σόσκε βακεράσα-λες ανταβά; Άμα ισινέας ταπεινοί, κα συνεχίνενας τι ντεν λατρεία κο Ιεχωβά, ντα κα αβένας σίγουροι ότι ο Ντεβέλ να αβέλα-πες τι σικαβέλ αδικία. (Διαβάνεν Δευτερονόμιο 32:3, 4) Κο μέλλον, η φαμιλί του Ναβουθέ κα τθερέλ ι ευλογία τι ντικχέλ πι αγαπημέ τζενέν κι ανάσταση. Αζομάν ο Ναβουθέ ντα λέσκε τσσαβέ κα τθερέν τέλεια δικαιοσύνη. (Ιώβ 14:
Η ταπεινότητα αρακχαβέλα-αμέν για μα τι χασαράς αμαρί πίστη κο Ιεχωβά
10, 11. (α) Σο κα μπορίνελας τι δοκιμάνελ ι άποψη σο τθεράσα για τη δικαιοσύνη; (β) Σαρ κα αρακχαβέλ-αμέν η ταπεινότητα;
10 Τουμέν σο κα κερέν άμα να αγαβένα ή να συμφωνίνενα με εκ απόφαση σο λιντέ ο πρεσβύτεροι; Για παράδειγμας, σο κα κερέν άμα τουμέν ή εκ τζενό σο μανγκένα κα χασαρέλ εκ διορισμός σο τθερέλα κι υπηρεσία κι Ιεχωβάσκι; Σο κα αβέλ-πες άμα τουμαρό ρομ ή τουμαρί ρομνί, τουμαρό τσσαβό ή τουμαρί τσσάι, ή κάποιος τουμαρέ αμαλένταρ κα χαλ αποκοπή ντα τουμέν να συμφωνίνενα με την απόφαση σο λιντέ ο πρεσβύτεροι; Σο κα κερέν άμα πακιάνα ότι ο πρεσβύτεροι κερντέ λάθος σο σικαντέ έλεος εκχέ πφραλέσκε σο αμαρτιντάς; Ασακέ πράγματα μπορεί τι δοκιμάνεν αμαρί πίστη κο Ιεχωβά ντα κο τρόπος σο οργανωντάς ι εκκλησία αμαρέ ντιβεσέντε. Σαρ κα αρακχαβέλ-τουμέν η ταπεινότητα άμα νακχένα εκ ασακί δοκιμασία; Για τι ντικχάς ντούι τρόπους.
Σο κα κερέν άμα να συμφωνίνενα με εκ απόφαση σο λιντέ ο πρεσβύτεροι; (Ντικχ ο παράγραφοι 10, 11)
11 Πρώτον, άμα ισινάμ ταπεινοί, κα δεχτίνας ότι να τζανάσα σαρέ ο πράγματα σο αβιλέ-πες. Ατζέ-ντα άμα αμντίνασα ότι τζανάσα λατσσές σο αβιλό-πες, σάντε ο Ιεχωβά τζανέλα σο τθερέλα πι γκίστε εκ τζενό. (1 Σαμουήλ 16:7) Όταν τθεράσα-λες αμαρέ γκοντιάτε ανταβά, κα δεχτίνας ταπεινά ότι να τζανάσα-λεν σαρέ ντα ότι πρέπει τι αλλάνας αμαρί άποψη. Δεύτερον, άμα ντικχλάμ ή νακχλάμ εκ αδικία, η ταπεινότητα κα βοηθίνελ-αμέν τι ντας καν, τι τθεράς υπομονή ντα τι μπεκλεντίνας κατά Ιεχωβά τι διορθώνελ ο πράγματα. Η Αγία Γραφή βακερέλα: «Ο πράγματα κα τζαν λατσσές οντουλένγκε σο νταρένα κατά αληθινός Ντεβέλ». Επίσης, βακερέλα: «Αλλά ο πράγματα να κα τζαν λατσσές ι πφιρνέσκε, ούτε κα τζουβντιόλ πιο μπουτ». (Εκκλησιαστής 8:
ΕΚ ΤΖΕΝΟ ΣΟ ΠΡΟΣΠΟΙΗΝΤΑΣ-ΠΕΣ ΑΝΤΡΕ ΚΙ ΕΚΚΛΗΣΙΑ
12. Καγιά ιστορία κα ντικχάς ακανά, ντα σόσκε;
12 Ο πρώτοι Χριστιανοί κι Αντιόχεια, σο ισί κι Συρία, νακχλέ κάτι σο δοκιμαντάς λένγκι ταπεινότητα ντα λένγκι συγχωρητικότητα. Ακανά κα ντικχάς ανταγιά ιστορία ντα κα χρησιμοποιήνας-λα για τι σκεφτίνας άμα ισινάμ έτοιμοι τι συγχωρίνας. Κα βοηθίνελ-αμέν τι αγαβάς σόσκε μπορίνελα ο Ιεχωβά, χωρίς τι αλλάνελ πο νόμους, τι χρησιμοποιήνελ τζενέν σο νανέ τέλειοι.
13, 14. Σο διορισμούς τθερέλας ο απόστολος Πέτρος, ντα σαρ σικαντάς ότι τθερέλας θάρρος;
13 Ο απόστολος Πέτρος ισινέ εκ πρεσβύτερος σο τζανένας-λες λατσσές ο πιο μπουτ Χριστιανοί αζομάν. Ισινέ αμάλ ι Ιησούσαρ ντα τθερέλας σημαντικούς διορισμούς. (Ματθαίος 16:
14 Κο 49 Κ.Χ., ο απόστολοι ντα ο πρεσβύτεροι κι Ιερουσαλήμ γκιντισάλε για τι αποφασίνεν άμα ο Χριστιανοί σο ισινέ γιαβερέ τθεμένταρ έπρεπε τι κερέν περιτομή. Οντουλέ συναθροισιάτε, ο Πέτρος βακερντάς με θάρρος κο πφραλά ότι ο ίδιος ντικχλάς τι λεν άγιος πνεύμας τζενέ γιαβερέ τθεμένταρ σο να κερντέ περιτομή. Οντουβά σο βακερντάς ο Πέτρος βοηθιντάς τι λελ ο κυβερνών σώμας πι απόφαση. (Πράξεις 15:
15. Καβά λάθος κερντάς ο Πέτρος καζόμ ισινέ κι Αντιόχεια σο ισί κι Συρία; (Ντικχ ι φωτογραφία σο ισί κι αρχή.)
15 Αφού αβιλί η συνάθροιση κι Ιερουσαλήμ, ο Πέτρος γκιλό κι Αντιόχεια, σο ισί κι Συρία. Καζόμ ισινέ οτθέ, κερέλας παρέα πι πφραλέντζαρ σο ισινέ γιαβερέ τθεμένταρ. Μπορίνασα τι σκεφτίνας καζόμ μπεϊντίνενας τι σικλιόν οντουλά σο τζανέλας ντα νακχλάς ο Πέτρος. Αλλά πρέπει τι σαστισάλε ντα τι στεναχωρισάλε όταν ο Πέτρος ξαφνικά τσσιναντάς τι χαλ λέντζαρ. Ο Πέτρος επηρεαντάς επίσης γιαβερέ-ντα Χριστιανόν σο ισινέ Ιουδαίοι, σαρ ισινέ ο Βαρνάβας, τι κερέν βον-ντα ο ίδιος πράγμας. Σόσκε ανταβά πνευματικός πρεσβύτερος κερντάς εκ μπαρό λάθος σο κα μπορίνελας τι χωρίνελ κο ντούι ι εκκλησία; Ντα ο πιο σημαντικός, σο σικλιάσα κατά λάθος του Πέτρου σο μπορίνελα τι βοηθίνελ-αμέν άμα κα στεναχωρίνελ-αμέν εκ πρεσβύτερος οντουλέντζαρ σο κα βακερέλ ή κα κερέλ;
Σο κα κερένας ο Χριστιανοί κατά γιαβερά τθεμά για την αδικία σο αβιλί-πες όταν προσβαλιντάας-λεν ο Πέτρος;
16. Καγιά διόρθωση λιντάς ο Πέτρος, ντα καλά ερωτήσεις αβένα αμαρέ γκοντιάτε;
16 Διαβάνεν Γαλάτες 2:
ΤΙ ΣΥΓΧΩΡΙΝΕΝ
17. Σαρ βοηθίντιλο ο Πέτρος κατά Ιεχωβάσκι συγχώρηση;
17 Ο Πέτρος ισινέ ταπεινός ντα δεχτιντάς ι διόρθωση σο ντινάς-λες ο Παύλος. Ο Γραφές να βακερένα ότι ο Πέτρος χασαρντάς πο διορισμούς. Αφού νακχλέ κάποια μπρεσά, γραφιντάς με το άγιος πνεύμας ι Ντεβλέσκο ντούι επιστολές σο ισί αντρέ κι Γραφή. Κι δεύτερη επιστολή σο γραφιντάς, βακερέλα ότι ο Παύλος ισί «αμαρό αγαπημέ πφραλ». (2 Πέτρου 3:
18. Κάνα μπορεί τι χρειαζίντιβελ τι τθεράς ι άποψη σο τθερέλα ο Ιεχωβά για τη δικαιοσύνη;
18 Σαρ να ισινέ τέλειοι πρεσβύτεροι κι πρώτη Χριστιανική εκκλησία, αντικάς νανέ τέλειοι πρεσβύτεροι αμαρέ ντιβεσέντε-ντα. Η Γραφή βακερέλα: «Σαρέ κεράσα λάθη μπουτ φαρ». (Ιακώβου 3:2) Ισί εύκολος τι βακεράς-λες ανταβά, αλλά σο κα κεράς όταν αμέν ο ίδιοι κα επηρεάντιβας κατά ατέλειες σο τθερέλα εκ πφραλ; Κα τθεράς ι άποψη σο τθερέλα ο Ιεχωβά για τη δικαιοσύνη; Φιρειπείν, σο κα κερέν άμα κάποιος πρεσβύτερος κα βακερέλ κάτι σο κα σικαβέλ ότι ξεχωρίνελα ι τζενέν; Κα μουκχέν τουμαρό νεαυτός τι χασαρέλ πι πίστη άμα κάποιος πρεσβύτερος, χωρίς τι σκεφτίνελ-λες, κα βακερέλ κάτι σο κα προσβαλίνελ-τουμέν ή κα στεναχωρίνελ-τουμέν; Αντί τι σκεφτίνεν αμέσως ότι ο πφραλ δεν πρέπει τι αβέλ πρεσβύτερος, κα μπεκλεντίνεν ι Ιησούσκε, σο ισί ο σορό ι εκκλησιάκο; Αντί τι κολλίνεν κο λάθος σο κερντάς ο πφραλ, κα ντεν-τουμέν γκοντί ο μπουτ μπρεσά σο υπηρετίνελα πιστά; Άμα εκ πφραλ σο αδικιντάς-τουμέν συνεχίνελα τι αβέλ πρεσβύτερος ή λέλα γιαβερά-ντα διορισμούς, κα χαιρίνεν λέσκε; Άμα ισινέν έτοιμοι τι συγχωρίνεν, σικαβένα ότι τθερένα ι άποψη σο τθερέλα ο Ιεχωβά για τη δικαιοσύνη.
19. Σο πρέπει τι αβάς αποφασισμέ τι κεράς;
19 Επειδή μανγκάσα ι δικαιοσύνη, μπεσάσα σαρ σαρ τι αβέλ ο ντιβές σο κα νασκιαρέλ ο Ιεχωβά σο-ντα αδικία αντάς ο Μπενγκ ντα λέσκο πφιρνό ντουνιάς. (Ησαΐας 65:
