ΚΙ ΤΕΤΑΡΤΗ 24 Ιανουαρίου 2018, η φαμιλί Μπέθελ κο Ηνωμένες Πολιτείες ντα κο Καναδάς ασουντέ με χαρά εκ ειδική ανακοίνωση: Ο πφραλ Κένεθ Κουκ διορισάλο τι υπηρετίνελ κο Κυβερνών Σώμας.

Ο πφραλ Κουκ μπιάντιλο ντα μπαριλό κι Πενσυλβανία σο ισί κι Αμερική. Σικλιλό ι αλήθεια εκχέ συμμαθητίσταρ χάνικ πριν τι τελειώνελ ο σχολείος ντα μπολντιλό 7 Ιουνίου 1980. Αρχισάλο ο σκαπανικός 1η Σεπτεμβρίου 1982. Αφού κερντάς ο σκαπανικός ντούι μπρεσά, καλιντέ-λες κο Μπέθελ ντα αρχισάλο τι υπηρετίνελ κο Γουόλκιλ σο ισί κι Νέα Υόρκη 12 Οκτωβρίου 1984.

Ο γιαβερά 25 μπρεσά, ο πφραλ Κουκ τθερέλας μπουτ διορισμούς εμ κο Τυπογραφείος εμ κο Γραφείος Μπέθελ. Παντρισάλο πι ρομνιάσαρ, με την Τζέιμι, κο 1996, ντα αρχισάλι τι υπηρετίνελ βόι-ντα κο Μπέθελ κο Γουόλκιλ. Κο Δεκέμβριος 2009, ο πφραλ ντα η πφεν Κουκ γκιλέ κο Εκπαιδευτικός Κέντρος της Σκοπιάς κο Πάτερσον κι Νέα Υόρκη, σο οτθέ ο πφραλ Κουκ διορισάλο τι υπηρετίνελ κο Γραφείος Αλληλογραφίας σο τθερέλα ο Συγγραφικός Τμήμας. Κο Απρίλιος 2016, αφού βουρτισάλε για χάνικ κο Γουόλκιλ, ο πφραλ ντα η πφεν Κουκ γκιλέ κο Μπρούκλιν κι Νέα Υόρκη. Παντς μάσεκ πιο σοράν, γκιλέ κο κεντρικά γραφεία κο Γουόργουικ κι Νέα Υόρκη. Κο Ιανουάριος 2017, ο πφραλ Κουκ διορισάλο τι υπηρετίνελ σαρ βοηθός κι Επιτροπή Συγγραφής σο τθερέλα ο Κυβερνών Σώμας.