1. Σο βοηθίνελα-αμέν τι κεράς εκ γκιλί;

ΕΚ ΔΙΑΣΗΜΟΣ τζενό σο γραφίνελας γκιλιά βακερντάας: «Ο λέξεις κερένα-τουτ τι σκεφτίνες. Η μουσική κερέλα-τουτ τι νιωθίνες. Αλλά εκ γκιλί κερέλα-τουτ τι νιωθίνες οντουβά σο σκεφτίνεσα». Όταν γκιλιαβάσα ύμνους δοξάνασα ντα σικαβάσα αγάπη αμαρέ Νταντέσκε σο ισί κο ουρανός, ι Ιεχωβάσκε. Κερένα-αμέν τι νιωθίνας πιο πασέ λέστε. Άρα, ισί εύκολος τι αγαβάς σόσκε ο ύμνοι ισί αζόμ σημαντικοί κι αληθινή λατρεία, είτε γκιλιαβάσα-λεν κορκορέ είτε αμαρέ πφραλέντζαρ ντα πφενίντζαρ.

2, 3. (α) Σαρ μπορεί τι νιωθίνενα μερικοί όταν βακερένα ύμνους ζουρανές ι πφραλέντζαρ κι εκκλησία; (β) Καλά ερωτήσεις κα ντικχάς ανταλέ μαθημάστε;

² Σαρ νιωθίνενα όμως όταν βακερένα ύμνους ζουρανές ι πφραλέντζαρ κι εκκλησία; Μήπως νιωθίνενα άβολα; Μερικέ τθεμέντε, ο μουρσά μπορεί τι λατζάνα τι γκιλιαβέν ανγκλάλ γιαβερέντε. Ανταβά μπορεί τι επηρεάνελ σαρί ι εκκλησία, ειδικά άμα ο πρεσβύτεροι σακιντίνενα τι γκιλιαβέν ή άμα ασχολίντιβενα γιαβερέ πραγματέντζαρ όταν βακέρντιβενα ο ύμνοι.​—Ψαλμός 30:12.

³ Όταν βακεράσα ύμνους, ντάσα λατρεία ι Ιεχωβάς. Άρα, σίγουρα να μανγκάσα τι νικιάς κατά αίθουσα όταν βακέρντιβελα εκ ύμνος ή τι χασαράς ανταβά μέρος ι συναθροισιάκο. Οτθάρ,  σαρέ πρέπει τι πουτσάς αμαρό νεαυτός: “Σαρ νιωθίναβα με για το ύμνοι σο βακεράσα κο συναθροίσεις; Σο μπορίναβα τι κεράβ άμα σακιντίναβα τι γκιλιαβάβ ανγκλάλ γιαβερέντε; Ντα σαρ μπορίναβα τι γκιλιαβάβ ο ύμνοι μι γκίσαρ;”

4, 5. Σο κανονισάλοας για τι βακέρντιβεν ύμνοι κο ναός κο πουρανό Ισραήλ;

⁴ Κατά πουρανέ μπρεσά, ο υπηρέτες ι Ιεχωβάσκε χρησιμοποιήνενας ι μουσική για τι δοξάνεν-λες. Ισί σημαντικός ότι, όταν ο Ισραηλίτες ισινέ πιστοί κο Ιεχωβά, ο ύμνοι τθερένας μπαρί σημασία κι λατρεία σο ντένας. Για παράδειγμας, όταν ο Δαβίδ κερέλας ετοιμασίες ι ναόσκε, οργανωντάς 4.000 Λευιτέν για τι δοξάνεν ι Ιεχωβάς με μουσική. Ο 288 λένταρ ισινέ «εκπαιδευμέ για τι γκιλιαβέν ι Ιεχωβάσκε [ντα] σαρέ τθερένας εμπειρία».​—1 Χρονικών 23:5· 25:7.

⁵ Επίσης, όταν αβιλί η αφιέρωση ι ναόσκι, η μουσική ντα ο ύμνοι τθερένας μπαρί σημασία. Η Αγία Γραφή βακερέλα αμένγκε: «Όταν οντουλά σο κχελένας ο σάλπιγγες ντα οντουλά σο βακερένας ύμνους δοξάνενας ντα ευχαριστίνενας ι Ιεχωβάς σαρέ γιεκ, ντα καζόμ ασούντιβελας ο ήχος κατά σάλπιγγες, κατά κύμβαλα ντα κατά γιαβερά μουσικά όργανα ενώ βον δοξάνενας ι Ιεχωβάς, . . . η δόξα ι Ιεχωβάσκι πφερντάς ο κχερ ι αληθινέ Ντεβλέσκο». Σκεφτίνεν καζόμ μπουτ πρέπει τι μπαριαρντάς ανταβά ι πίστη ι Ισραηλιτένγκι!​—2 Χρονικών 5:​13, 14· 7:6.

6. Όταν ο Νεεμίας κυβερνίνελας κι Ιερουσαλήμ, σαρ οργανωντάς οντουλέν σο κχελένας μουσικά όργανα ντα βακερένας ύμνους;

⁶ Ο Νεεμίας, σο οργανωντάς ι Ισραηλιτέν για τι ξανακερέν ο βουτσσέ ντουβάρια κι Ιερουσαλήμ, οργανωντάς επίσης ι Λευιτέν για τι βακερέν ύμνους ντα τι κχελέν μουσικά όργανα. Ανταβά κερντάς ι λαός τι χαιρίνελ ατζέ πιο μπουτ όταν αβιλί-πες η αφιέρωση ι βουτσσέ ντουβαρίνγκε. Ο Νεεμίας τσσουντάας «ντούι μπαρέ χορωδίες σο βακερένας ύμνους για τι ευχαριστίνεν ι Ντεβλές». Ο χορωδίες πφιρένας οπράλ κο βουτσσέ ντουβάρια της πόλης σε αντίθετες κατευθύνσεις μέχρι σο αρακχλέ-πες κο τθαν κι ντουβαρίνγκο σο ισινέ πιο πασέ κο ναός. Λένγκο ήχος ισινέ αζόμ ζουρανό σο ο τζενέ μπορίνενας τι ασουνέν-λες ντουράλ. (Νεεμίας 12:​27, 28, 31, 38, 40, 43) Μπορίνασα τι αβάς σίγουροι ότι ο Ιεχωβά χαιρισάλο σο ασουνέλας πι υπηρετόν τι βακερέν λέσκε ύμνους με ενθουσιασμός για τι δοξάνεν-λες.

7. Σαρ σικαντάς ο Ιησούς ότι ο ύμνοι κα αβένας μπουτ σημαντικοί κι Χριστιανική λατρεία;

⁷ Κο ντιβεσά κι Ιησούσκε, η μουσική συνεχίνελας τι αβέλ μπουτ σημαντική κι αληθινή λατρεία. Σκεφτίνεν σο αβιλό-πες κι πιο σημαντική ιράτ κι ιστορία. Αφού ο Ιησούς κερντάς ο Δείπνος ι Κυριόσκο πι μαθητέντζαρ, σαρέ βακερντέ ύμνους για τι δοξάνεν ι Ιεχωβάς.​—Διαβάνεν Ματθαίος 26:30.

8. Σαρ ντινέ λατσσό παράδειγμας ο πρώτοι Χριστιανοί όταν δοξάνενας ι Ντεβλές με ύμνους;

⁸ Ο πρώτοι Χριστιανοί ντινέ λατσσό παράδειγμας όταν δοξάνενας ι Ντεβλές με ύμνους. Βον να ντένας λατρεία ι Ιεχωβάς κο ναός σαρ ο Ισραηλίτες, αλλά κερένας συναθροίσεις κχερέντε. Παρόλο σο οντουλά κχερά να ισινέ αζόμ σουκάρ ντα εντυπωσιακά σαρ ισινέ ο ναός, ο πφραλά συνεχίνενας τι γκιλιαβέν πουμαρέ γκίσαρ. Ο απόστολος Παύλος βακερντάς πι Χριστιανέ πφραλένγκε: «Τι σικλιαρέν ντα τι ντεν ζορ ο εκ ι γιαβερές ψαλμόντζαρ, γκιλίντζαρ σο ντένα δόξα ι Ντεβλές ντα με πνευματικούς ύμνους σο βακέρντιβενα με εκτίμηση. Βακερέν ύμνους αντράλ τουμαρέ  γκίσταρ ι Ιεχωβάσκε». (Κολοσσαείς 3:​16) Ο ύμνοι σο τθερέλα αμαρό υμνολόγιος σίγουρα πρέπει “τι βακέρντιβεν με εκτίμηση”. Ισί κομμάτι κατά πνευματικός “χαμπέ σο ντέλα ο πιστός ντα φρόνιμος δούλος αζομάν σο πρέπει τι ντελ-λες”.​—Ματθαίος 24:45.

9. (α) Σόσκε μπορεί τι σακιντίνεν μερικοί τι γκιλιαβέν ύμνους με χαρά κο συναθροίσεις ντα κο συνελεύσεις; (β) Σαρ πρέπει τι γκιλιαβάς ύμνους για τι δοξάνας ι Ιεχωβάς, ντα κον πρέπει τι ντελ ο παράδειγμας ανταλέσκε; (Ντικχ ι φωτογραφία σο ισί κι αρχή)

⁹ Σόσκε μπορεί τι σακιντίνενα τι βακερέν ύμνους; Μπορεί μα τι συνηθίνενα τι γκιλιαβέν τουμαρέ φαμιλιάτε ή τουμαρέ τθεμέστε. Ή μπορεί τι ασουνένα ι τραγουδιστέν κο ραδιόφωνος ή κι τηλεόραση, ντα όταν συγκρίνενα τουμαρί φωνή λένγκε φωνιάσαρ, μπορεί τι λατζάνα ή τι στεναχωρίντιβενα. Όμως, σαρέ τθεράσα ι ευθύνη τι γκιλιαβάς ύμνους για τι δοξάνας ι Ιεχωβάς. Οτθάρ, λεν τουμαρό υμνολόγιος, βάντεν οπρέ τουμαρό σορό ντα γκιλιαβέν με ενθουσιασμός! (Έσδρας 3:​11· διαβάνεν Ψαλμός 147:1) Αντιβές, σε μπουτ Αίθουσες Βασιλείας υπαρχίντιβενα οθόνες σο σικαβένα ο λάφια σο τθερένα ο ύμνοι, ντα ανταβά βοηθίνελα-αμέν τι γκιλιαβάς με ενθουσιασμός. Ισί επίσης ενδιαφέρον ότι ακανά βακέρντιβενα ύμνοι κι Σχολή Διακονίας της Βασιλείας ι πρεσβυτερόνγκε. Ανταβά σικαβέλα καζόμ σημαντικός ισί ο πρεσβύτεροι τι ντεν λατσσό παράδειγμας κο γιαβερά όταν βακέρντιβενα ο ύμνοι κο συναθροίσεις.

10. Σο πρέπει τι ντας-αμέν γκοντί άμα νταράσα τι γκιλιαβάς ζουρανές;

¹⁰ Μπουτ τζενέ νταρένα τι γκιλιαβέν ζουρανές επειδή αμντίνενα ότι κα ασούντιβεν μπουτ ή ότι να τθερένα λατσσί φωνή. Όμως, σκεφτίνεν ακαβά: «Σαρέ κεράσα λάθη μπουτ φαρ» όταν κεράσα λάφι, αλλά ανταβά να τσσιναβέλα-αμέν τι κεράς λάφι.  (Ιακώβου 3:2) Άρα, σόσκε τι μουκχάς αμαρέ φωνές, σο νανέ τέλειες, τι τσσιναβέν-αμέν τι βακεράς ύμνους για τι δοξάνας ι Ιεχωβάς;

11, 12. Σαρ μπορίνασα τι γκιλιαβάς πιο λατσσές;

¹¹ Μπορεί τι νταράσα τι βακεράς ύμνους επειδή να τζανάσα σαρ τι γκιλιαβάς. Όμως, μπορίνασα τι κεράς κάποια απλά πράγματα για τι γκιλιαβάς πιο λατσσές. *​—Ντικχ ι υποσημείωση.

¹² Μπορίνενα τι γκιλιαβέν ζουρανές άμα κα σικλιόν τι λεν σωστές ανάσες. Σαρ ο ρεύμας κερέλα εκ λάμπα τι πφαμπόλ, αντικάς η ανάσα-ντα κερέλα τουμαρί φωνή τι ασούντιβελ όταν κερένα λάφι ή γκιλιαβένα. Πρέπει τι γκιλιαβέν αζόμ ζουρανές καζόμ κερένα λάφι ή ατζέ πιο μπουτ. (Ντικχέν ο συμβουλές κο βιβλίος Ωφεληθείτε από την Εκπαίδευση της Σχολής Θεοκρατικής Διακονίας, σελίδες 181 μέχρι 184, τελάλ κατά υπότιτλος «Κατάλληλος Έλεγχος της Παροχής Αέρα») Κι πραγματικότητα, η Γραφή μερικές φορές βακερέλα κο υπηρέτες κι Ιεχωβάσκε τι «ντεν βίκος χαράσαρ» όταν γκιλιαβένα για τι δοξάνεν-λες.​—Ψαλμός 33:​1-3.

13. Εξηγίνεν σαρ μπορίνασα τι γκιλιαβάς με πιο μπουτ σιγουριά.

¹³ Κι φαμιλιάκι λατρεία ή όταν ισινέν κορκορέ, δοκιμάνεν τι κερέν ακαβά: Τραμπίνεν κατά υμνολόγιος εκ ύμνος σο μπεϊντίνενα. Διαβάνεν ο λάφια ζουρανές ντα με σιγουριά. Σοράν, ζουρανέ φωνιάσαρ, βακερέν με εκ ανάσα ο λάφια σο τθερέλα εκ σαστί φράση. Μετά, χρησιμοποιήνεν ι ίδια ζουρανί φωνή για τι γκιλιαβέν ανταλά λάφια. (Ησαΐας 24:​14) Αντικάς τουμαρί φωνή όταν γκιλιαβένα κα αβέλ πιο ζουρανί ντα ανταβά ισί λατσσό τουμένγκε. Να χρειαζίντιβελα τι νταρέν ή τι λατζάν τουμαρέ φωνιάκε!

14. (α) Σαρ κα βοηθίντιβας τι γκιλιαβάς πιο λατσσές άμα πουτράσα πιο μπουτ αμαρό μούι; (Ντικχέν ο πλαίσιος « Σαρ τι Γκιλιαβέν πιο Λατσσές») (β) Καλά συμβουλές για τι αντιμετωπίνεν ο προβλήματα κι φωνή πακιάνα ότι κα βοηθίνεν-τουμέν;

¹⁴ Για τι τθερέν ζουρανί φωνή όταν γκιλιαβένα, χρειαζίντιβελα τι πουτρέν λατσσές τουμαρό μούι. Άρα, όταν γκιλιαβένα, τι πουτρέν τουμαρό μούι πιο μπουτ από ό,τι πουτρένα-λες όταν κερένα λάφι. Αλλά σο πρέπει τι κερέν άμα πακιάνα ότι τουμαρί φωνή νανέ ζουρανί ή ισί μπουτ σανί; Κα αρακχέν μερικές συμβουλές σο κα βοηθίνεν-τουμέν κο πλαίσιος «Υπερνίκηση Ιδιαίτερων Προβλημάτων» σο ισί κο βιβλίος  Ωφεληθείτε από την Εκπαίδευση της Σχολής Θεοκρατικής Διακονίας, κι σελίδα 184.

15. (α) Καγιά ανακοίνωση αβιλί κι συνέλευση κι μπρεσέσκι κο 2016; (β) Καλά ισί μερικοί λόγοι σο αλλαξάλο ο υμνολόγιος;

¹⁵ Σαρέ οντουλά σο παρακολουθιντέ ι συνέλευση ι μπρεσέσκι κο 2016, χαιρισάλε μπουτ όταν ο πφραλ Στίβεν Λετ κατά Κυβερνών Σώμας ανακοινωντάς ότι νικίστιλο εκ νεβό υμνολόγιος, σο τθερέλα ο θέμας Γκιλιαβέν με Χαρά ι Ιεχωβάσκε. Σαρ εξηγιντάς ο πφραλ Λετ, εκ λόγος σο χρειαζίντιβαας εκ νεβό υμνολόγιος ισινέ ότι νικίστιλι η νεβί Μετάφραση Νέου Κόσμου. Ο λάφια αλλαξάλε για τι νικιόν ο φράσεις σο νανέ ακανά κι νεβί Μετάφραση Νέου Κόσμου. Επίσης, τσσουντέ νεβέ ύμνους για το έργος ντα για το λύτρος. Εκτός ανταλέσταρ, επειδή ο ύμνοι ισί μπουτ σημαντικοί κι λατρεία σο ντάσα, ο Κυβερνών Σώμας μανγκέλας τι νικαβέλ εκ σουκάρ ντα λατσσό υμνολόγιος. Οτθάρ, η ανγκλαϊνί ντα η παλαϊνί σελίδα κο νεβό υμνολόγιος ισί σαρ η ανγκλαϊνί ντα η παλαϊνί σελίδα κι νεβί Μετάφραση Νέου Κόσμου.

16, 17. Καλά γιαβερά αλλαγές αβιλέ-πες κο νεβό υμνολόγιος;

¹⁶ Για τι χρησιμοποιήνας πιο εύκολα ο υμνολόγιος, ο ύμνοι χωρισάλε σε θέματα. Για παράδειγμας, ο πρώτοι 12 ύμνοι βακερένα ι Ιεχωβάσκε, ο γιαβερά 8 ι Ιησούσκε ντα για το λύτρος, ντα ο ίδιος αβέλα-πες με το  γιαβερά-ντα ύμνοι. Κι αρχή υπαρχίντιβελα εκ κατάλογος σο τθερέλα σαρέ ο θέματα. Ανταβά μπορεί τι βοηθίνελ, για παράδειγμας, εκχέ πφραλές όταν χρειαζίντιβελα τι τραμπίνελ ύμνος για εκ δημόσια ομιλία.

¹⁷ Για τι μπορίνεν σαρέ τι γκιλιαβέν αντράλ πουμαρέ γκίσταρ, μερικά λάφια αλλαξάλε για τι αγαβάς πιο εύκολα ο νόημας. Λέξεις σο να χρησιμοποιήνενα μπουτ ο τζενέ αλλαξάλε. Για παράδειγμας, κι μπαλαμανί τσσιπ η λέξη «άσμα» να χρησιμοποιήντιβελα αζόμ μπουτ, οτθάρ λάκε θεσιάτε τσσουντέ ι λέξη «ύμνος». Πουρανέ λέξεις σαρ ισί η λέξη «βοούν» νικίστιλε, ενώ οτθέ σο ισινέ λέξεις σαρ «σκότος» ντα «αληθής» τσσουντέ πιο νεβέ λέξεις. Επίσης, ισινέ λατσσό τι αλλάνελ ο θέμας «Φυλάξτε την Καρδιά Σας» ντα τι αβέλ «Προφυλάσσουμε την Καρδιά Μας». Σόσκε; Επειδή πριν, όταν εκ τζενό γκιλιαβέλας ο λάφια ανταλέ υμνόσκε, βακερέλας κο γιαβερά σο τι κερέν. Ανταβά μπορεί μα τι ασούντιβελας σουκάρ ι νεβέ τζενένγκε, οντουλένγκε σο σικαβένα ενδιαφέρον, ι τερνένγκε ντα ι πφενίνγκε σο αβένα κο συναθροίσεις ντα κο συνελεύσεις. Οτθάρ, ο θέμας ντα ο λάφια αλλαξάλε.

18. Σόσκε πρέπει τι σικλιάς ο ύμνοι σο ισί κο νεβό υμνολόγιος; (Ντικχ ι υποσημείωση)

¹⁸ Μπουτ ύμνοι κατά υμνολόγιος Γκιλιαβέν με Χαρά ι Ιεχωβάσκε ισί σαρ προσευχές. Ανταλά ύμνοι μπορίνενα τι βοηθίνεν-τουμέν τι βακερέν κο Ιεχωβά σαρ νιωθίνενα. Γιαβερά ύμνοι κα βοηθίνεν-αμέν «τι σικαβάς αγάπη ντα τι κεράς λατσσέ πράγματα». (Εβραίους 10:​24) Μανγκάσα τι σικλιάς ι μουσική, ο ρυθμός ντα ο λάφια σο τθερένα αμαρέ ύμνοι. Εκ τρόπος για τι κεράς-λες ανταβά ισί τι ασουνάς ο ηχογραφήσεις ι πφραλένγκε ντα ι πφενίνγκε σο γκιλιαβένα ο ύμνοι. Ανταλά ηχογραφήσεις μπορίνασα τι αρακχάς-λεν κο ιστότοπος jw.org. Άμα κα κερέν πρόβες κο κχερ, κα σικλιόν τι βακερέν ο ύμνους με σιγουριά ντα τουμαρέ γκίσαρ. *​—Ντικχ ι υποσημείωση.

19. Σαρ μπορίνενα σαρέ κι εκκλησία τι ντεν λατρεία κο Ιεχωβά;

¹⁹ Τι ντεν-τουμέν γκοντί ότι ο ύμνοι ισί μπουτ σημαντικοί κι λατρεία σο ντάσα. Ισί εκ μπουτ λατσσό τρόπος τι σικαβάς κο Ιεχωβά ότι μανγκάσα-λες ντα ότι εκτιμίνασα σαρέ οντουλά σο κερντάς αμένγκε. (Διαβάνεν Ησαΐας 12:5) Όταν γκιλιαβένα με ενθουσιασμός, βοηθίνενα γιαβερέν-ντα τι κερέν ο ίδιος. Σαρέ κι εκκλησία, είτε ισί τερνέ, πφουρέ ή νεβέ κι αλήθεια, μπορίνενα τι ντεν λατρεία ι Ιεχωβάς ανταλέ τροπόσαρ. Οτθάρ, μα σακιντίνεν τι γκιλιαβέν αντράλ τουμαρέ γκίσταρ. Ντεν καν οντουλέστε σο βακερντάς ο ψαλμωδός: «Γκιλιαβέν ι Ιεχωβάσκε!» Βα, γκιλιαβέν με χαρά!​—Ψαλμός 96:1.