1. Σόσκε ισί ο Μάρτυρες ι Ιεχωβάσκε εκ ευτυχισμέ λαός; (Ντικχ ι φωτογραφία σο ισί κι αρχή)

Ο ΜΑΡΤΥΡΕΣ Ι ΙΕΧΩΒΑΣΚΕ ισί εκ ευτυχισμέ λαός. Κάνα ισί γιεκ κο συναθροίσεις, κο συνελεύσεις ή κο παρέες, κερένα λάφι ντα ασάνα. Σόσκε ισί ευτυχισμέ; Ο πιο σημαντικός λόγος ισί επειδή τζανένα ι Ιεχωβάς, “ι ευτυχισμέ Ντεβλές”. Υπηρετίνενα-λες ντα προσπαθίνενα τι μοιάζεν λέστε. (1 Τιμόθεο 1:​11· Ψαλμός 16:​11) Η ευτυχία αβέλα κατά Ιεχωβά, οτθάρ μανγκέλα τι αβάς ευτυχισμέ ντα ντέλα-αμέν μπουτ λόγους για τι χαιρίνας.​—Δευτερονόμιο 12:7· Εκκλησιαστής 3:​12, 13.

2, 3. (α) Σο ισί ευτυχία; (β) Σόσκε μπορεί τι αβέλ δύσκολος τι αβάς ευτυχισμέ;

² Τουμέν ισινέν ευτυχισμέ; Ευτυχία ισί τι νιωθίνεν λατσσές, τι αβέν ικανοποιημέ τουμαρέ ζωγιάσαρ ή μπουτ χαρούμενοι. Η Αγία Γραφή σικαβέλα ότι οντουλά σο τθερένα ι ευλογία ι Ιεχωβάσκι μπορίνενα τι αβέν μπαγιά ευτυχισμέ. Αλλά σόσκε μπορεί τι αβέλ δύσκολος τι αβάς ευτυχισμέ κο ντουνιάς αντιβές;

³ Μπορεί τι αβέλ δύσκολος τι αβάς ευτυχισμέ κάνα νακχάσα πράγματα σο ανένα αμένγκε άγχος, σαρ για παράδειγμας άμα  εκ τζενό σο μανγκάσα-λες μουλό ή χαλάς αποκοπή, άμα χωρισάλαμ ή άμα χασαρντάμ αμαρί μπουτί. Μπορεί επίσης τι αβέλ δύσκολος τι αβάς ευτυχισμέ κάνα να τθεράσα ειρήνη κι φαμιλί επειδή αβένα-πες μπουτ καβγκάδες, κάνα ο τζενέ σο κεράσα λέντζαρ μπουτί ή αμαρέ συμμαθητές πρασάνα-αμέν ή κάνα τθεράσα διωγμός ή τσσουβένα-αμέν κι φυλακή επειδή υπηρετίνασα ι Ιεχωβάς. Ή μπορεί μα τι αβέλ λατσσί αμαρί υγεία, μπορεί τι τθεράσα μπουτ μπρεσά εκ νασφαλιπέ ή τι τθεράσα κατάθλιψη. Αλλά ντεν-τουμέν γκοντί ότι ο Ιησούς Χριστός, «ο ευτυχισμέ ντα μοναδικός Αρχηγός», χαιρίνελας τι ντελ παρηγοριά ντα ευτυχία κο τζενέ. (1 Τιμόθεο 6:​15· Ματθαίος 11:​28-30) Κι Επί του Όρους Ομιλία, ο Ιησούς βακερντάς κάποιες ιδιότητες σο μπορίνενα τι βοηθίνεν-αμέν τι αβάς ευτυχισμέ ατζέ-ντα κάνα τθεράσα μπουτ προβλήματα επειδή τζουβντιάσα κι Μπενγκέσκο ντουνιάς.

4, 5. Σαρ μπορίνασα τι τθεράς ευτυχία ντα τι ατσσικιαράς-λα;

⁴ Ο πρώτος πράγμας σο βακερντάς ο Ιησούς ισί μπουτ σημαντικός. Βοβ βακερντάς: «Ευτυχισμέ ισί οντουλά σο αγαβένα ότι τθερένα ανάγκη ο πνευματικά πράγματα, σόσκε η Βασιλεία σο ισί κο ουρανός ισί λένγκι». (Ματθαίος 5:3) Αν αγαβάσα ότι τθεράσα ανάγκη ο πνευματικά πράγματα, αγαβάσα ότι χρειαζίντιβασα τι σικλιάς ι Ντεβλέσκε ντα ότι τθεράσα ανάγκη λέσκι βοήθεια ντα λέσκι κατεύθυνση. Σαρ σικαβάσα-λες ανταβά; Κάνα διαβάνασα προσεκτικά ι Γραφή, ντάσα καν ι Ντεβλές ντα τσσουβάσα λέσκι λατρεία πρώτα αμαρέ ζωγιάτε. Αν κεράσα ανταλά πράγματα, κα βοηθίντιβας τι αβάς ευτυχισμέ. Η πίστη σο τθεράσα ότι ατζεχάνικ ο υποσχέσεις ι Ντεβλέσκε κα νικιόν μπαγιά κα αβέλ πιο ζουρανί. Ντα η «ελπίδα σο ανέλα χαρά» σο ισί κι Γραφή κα ενθαρρύνελ-αμέν.​—Τίτο 2:13.

⁵ Αν μανγκάσα τι αβάς ευτυχισμέ σο-ντα αβέλα-πες αμαρέ ζωγιάτε, πρέπει τι συνεχίνας τι κεράς πιο ζουρανί αμαρί φιλία ι Ιεχωβάσαρ. Ο απόστολος Παύλος γραφιντάς: «Πάντα χαιρίνεν ι πραγματέντζαρ σο τθερένα τι κερέν ι Κυριόσαρ. Πάλι κα βακεράβ: Χαιρίνεν!» (Φιλιππησίους 4:4) Για τι αβάς λατσσέ αμαλά ι Ιεχωβάσαρ, πρέπει τι τθεράς λέσκι σοφία. Ο Λάφι ι Ντεβλέσκο βακερέλα: «Ευτυχισμέ ισί ο τζενό σο αρακχέλα σοφία ντα ο τζενό σο αγαβέλα. Ισί δέντρος σο ντέλα ζωή οντουλέντε σο ντένα-λα αγκάλι, ντα οντουλά σο ασταρένα-λα σικίς κα βακέρντιβεν ευτυχισμέ».​—Παροιμίες 3:​13, 18.

6. Σο γιαβέρ πρέπει τι κεράς για τι ατσσόλ αμαρί ευτυχία;

⁶ Όμως για τι ατσσόλ αμαρί ευτυχία, ισί μπουτ σημαντικός τι συνεχίνας τι κεράς οντουλά σο σικλιάσα κατά Γραφή. Ο Ιησούς σικαντάς καζόμ σημαντικός ισί ανταβά κάνα βακερντάς: «Αν τζανένα ανταλά πράγματα, ευτυχισμέ κα αβέν αν κα κερέν-λεν». (Ιωάννης 13:​17· διαβάνεν Ιακώβου 1:​25) Ανταβά ισί απαραίτητος αν μανγκάσα τι τθεράς ο πνευματικά πράγματα σο χρειαζίντιβασα ντα τι συνεχίνας τι αβάς ευτυχισμέ. Αλλά σαρ μπορίνασα τι  αβάς ευτυχισμέ κάνα υπαρχίντιβενα αζόμ πράγματα σο μπορίνενα τι λεν αμαρί ευτυχία; Για τι ντικχάς σο βακερντάς πιο σοράν ο Ιησούς κι Επί του Όρους Ομιλία.

7. Σαρ μπορίνενα τι αβέν ευτυχισμέ οντουλά σο τθερένα λύπη;

⁷ «Ευτυχισμέ ισί οντουλά σο τθερένα λύπη, σόσκε βον κα παρηγορίντιβεν». (Ματθαίος 5:4) Μπορεί τι σκεφτίνασα: “Σαρ αβέλα-πες τι αβέν ευτυχισμέ οντουλά σο τθερένα λύπη;” Ο Ιησούς να βακερέλας σαρέ οντουλένγκε σο τθερένα λύπη. Μπουτ γκεραλέ τζενέ τθερένα λύπη ή ισί στεναχωριμέ, σόσκε νακχένα μπαρέ προβλήματα ανταλέ “τελευταίε ντιβεσέντε” σο ισί αζόμ «δύσκολα ντα επικίνδυνα». (2 Τιμόθεο 3:1) Αλλά σκεφτίνενα σάντε πουμαρό νεαυτός ντα όχι ι Ιεχωβάς, οτθάρ να τθερένα φιλία λέσαρ ντα να μπορίνενα τι αβέν ευτυχισμέ. Ο Ιησούς βακερέλας οντουλένγκε σο αγαβένα ότι τθερένα ανάγκη ο πνευματικά πράγματα. Βον τθερένα λύπη επειδή ντικχένα ότι αζόμ μπουτ τζενέ μουκχλέ κι νάκρη ι Ντεβλές ή να τζουβντιόνα σαρ μανγκέλα Βοβ. Επίσης, αγαβένα ότι ισί αμαρτωλοί ντα ντικχένα ο μπέτι πράγματα σο αβένα-πες κο ντουνιάς. Ο Ιεχωβά ντικχέλα οντουλέν σο ισί μπαγιά λυπημέ, παρηγορίνελα-λεν αντράλ πι Λαφίσταρ ντα ντέλα-λεν ευτυχία ντα ζωή.​—Διαβάνεν Ιεζεκιήλ 5:​11· 9:4.

8. Σαρ μπορίνελα η ηρεμία τι βοηθίνελ-τουμέν τι αβέν ευτυχισμέ;

⁸ «Ευτυχισμέ ισί ο ήρεμα τζενέ, σόσκε βον κα τθερέν πουμένγκε ι πφουβ». (Ματθαίος 5:5) Σαρ μπορίνελα η ηρεμία τι βοηθίνελ-τουμέν τι αβέν ευτυχισμέ; Μπουτ τζενέ να τθερένα λατσσί συμπεριφορά ντα τζάνα κόντρα ι γιαβερέντζαρ, κάτι σο μπορίνελα τι ανέλ μπουτ προβλήματα. Αλλά κάνα σικλιόνα ι αλήθεια, αλλάνενα ντα ιρίνα «ο νεβό χαρακτήρας». Ακανά σικαβένα “συμπόνια ντα πουμαρέ σουκάρ αισθήματα, ο λατσσιπέ, ι ταπεινότητα, ι ηρεμία ντα ι υπομονή”. (Κολοσσαείς 3:​9-12) Οτθάρ, τθερένα ειρήνη, λατσσέ σχέσεις ι γιαβερέντζαρ ντα ισί ευτυχισμέ. Επίσης, ο Λάφι ι Ντεβλέσκο βακερέλα ότι «κα τθερέν πουμένγκε ι πφουβ».​—Ψαλμός 37:​8-10, 29.

9. (α) Σο μανγκέλας τι βακερέλ ο Ιησούς κάνα βακερντάς ότι ο ήρεμα τζενέ «κα τθερέν πουμένγκε ι πφουβ»; (β) Σόσκε μπορίνενα τι αβέν ευτυχισμέ «οντουλά σο μανγκένα αζόμ μπουτ ι δικαιοσύνη σαρ τι αβένας μποκχαλέ ντα τι μερένας πανίσκε»;

⁹ Σο μανγκέλας τι βακερέλ ο Ιησούς κάνα βακερντάς ότι ο ήρεμα τζενέ «κα τθερέν πουμένγκε ι πφουβ»; Ο χρισμέ κα τθερέν πουμένγκε ι πφουβ κάνα κα κυβερνίνεν-λα σαρ βασιλιάδες ντα ιερείς. (Αποκάλυψη 20:6) Εκατομμύρια γιαβερά τζενέ σο να τθερένα ι ελπίδα τι τζαν κο ουρανός κα τθερέν πουμένγκε ι πφουβ κάνα κα τζουβντιόν για πάντα λάτε. Κα αβέν τέλειοι ντα κα τθερέν ειρήνη ντα ευτυχία. Επίσης, ο Ιησούς βακερντάς ότι ο χρισμέ ντα ο γιαβερά μπρακέ ισί ευτυχισμέ επειδή «μανγκένα αζόμ μπουτ ι δικαιοσύνη σαρ τι αβένας μποκχαλέ ντα τι μερένας πανίσκε». (Ματθαίος 5:6) Κα τσαλιόν δικαιοσύνη κάνα ο Ιεχωβά κα νασκιαρέλ σαρό ο πφιρνιπέ. (2 Πέτρου 3:​13) Κο νεβό ντουνιάς, ο δίκαια τζενέ κα αβέν ευτυχισμέ ντα να κα τθερέν ατζέκ φαρ λύπη κατά μπέτι πράγματα σο κερένα ο πφιρνέ τζενέ.​—Ψαλμός 37:17.

10. Σο μανγκέλα τι βακερέλ τι σικαβέλ κάποιος έλεος;

¹⁰ «Ευτυχισμέ ισί οντουλά σο σικαβένα έλεος, σόσκε λέντε κα σικάντιβελ έλεος». (Ματθαίος 5:7) Κάνα εκ τζενό σικαβέλα έλεος, πφαμπόλα ι γιαβερένγκε, τθερέλα λατσσέ αισθήματα ντα τζιτζίνελα  οντουλένγκε σο υποφερίνενα. Όμως, ο έλεος νανέ απλά εκ συναίσθημας. Η Γραφή σικλιαρέλα ότι εκ τζενό σικαβέλα έλεος κάνα κερέλα πράγματα για τι βοηθίνελ ι γιαβερέν.

11. Σο σικλιαρέλα-αμέν η παραβολή ι λατσσέ Σαμαρειτίσκι;

¹¹ Διαβάνεν Λουκάς 10:​30-37. Η παραβολή ι λατσσέ Σαμαρειτίσκι σο βακερντάς ο Ιησούς σικαβέλα σο μανγκέλα τι βακερέλ τι σικαβέλ κάποιος έλεος. Ο Σαμαρείτης τζιτζισάλο ι τζενέσκε σο υποφερίνελας ντα οτθάρ μανγκέλας τι βοηθίνελ-λες. Κάνα ο Ιησούς τελειωντάς ι παραβολή, βακερντάς: «Τζα ντα κερ τούι-ντα ο ίδιος». Οτθάρ, μπορεί τι πουτσάς-αμέν: “Κεράβα με ο ίδιος; Κεράβα οντουβά σο κερντάς ο λατσσό Σαμαρείτης; Κάνα ο γιαβερά υποφερίνενα, μπορίναβα τι κεράβ κάτι για τι βοηθίναβ-λεν; Για παράδειγμας, μπορίναβα τι βοηθίναβ ι πφουρέν κι κχανγκιρί, ι χηρέν, ή ι χουρντέν σο ο νταντά ντα ο νταγιά λένγκε να υπηρετίνενα ι Ιεχωβάς; Μπορίναβα τι «λοκχιαράβ μι λαφίντζαρ οντουλέν σο τθερένα πφανγκό γκι»;”​—1 Θεσσαλονικείς 5:​14· Ιακώβου 1:27.

12. Σόσκε ισινάμ ευτυχισμέ κάνα σικαβάσα έλεος;

¹² Σόσκε ισινάμ ευτυχισμέ κάνα σικαβάσα έλεος; Κάνα σικαβάσα έλεος ντάσα κο γιαβερά, ντα ο Ιησούς βακερντάς ότι κάνα ντάσα ισινάμ ευτυχισμέ. Επίσης, τζανάσα ότι κεράσα ι Ιεχωβάς τι χαιρίνελ. (Πράξεις 20:​35· διαβάνεν Εβραίους 13:​16) Ο βασιλιάς Δαβίδ βακερντάς ότι οντουλές σο σικαβέλα έλεος «ο Ιεχωβά κα αρακχαβέλ-λες ντα κα ατσσικιαρέλ-λες τζουβντό. Βοβ κα βακέρντιβελ ευτυχισμέ κι πφουβ». (Ψαλμός 41:1, 2) Αν σικαβάσα έλεος ντα τζιτζίνασα ι γιαβερένγκε, κα τθεράς αμέν-ντα ο έλεος ι Ιεχωβάσκο ντα μπορίνασα τι αβάς ευτυχισμέ για πάντα.​—Ιακώβου 2:13.

13, 14. Σόσκε ισί σημαντικός τι αβάς «πάκι κο γκι»;

¹³ Ο Ιησούς βακερντάς: «Ευτυχισμέ ισί οντουλά σο ισί πάκι κο γκι, σόσκε βον κα ντικχέν ι Ντεβλές». (Ματθαίος 5:8) Για τι αβάς πάκι κο γκι, δεν πρέπει τι σκεφτίνας ντα τι μανγκάς πράγματα σο νανέ πάκι. Ανταβά ισί μπουτ σημαντικός αν μανγκάσα ο Ιεχωβά τι δεχτίνελ αμαρί λατρεία.​—Διαβάνεν 2 Κορινθίους 4:2· 1 Τιμόθεο 1:5.

 ¹⁴ Οντουλά σο ισί πάκι κο γκι μπορίνενα τι τθερέν εκ λατσσί φιλία ι Ιεχωβάσαρ. Βοβ βακερντάς: «Ευτυχισμέ ισί οντουλά σο τθοβένα πουμαρέ σέα». (Αποκάλυψη 22:​14) Σο μανγκέλα τι βακερέλ ότι «τθοβένα πουμαρέ σέα»; Ι χρισμέ Χριστιανόνγκε μανγκέλα τι βακερέλ ότι ισί πάκι κι Ιεχωβάσκε γιακχά, ότι βοβ κα ντελ-λεν αθάνατη ζωή κο ουρανός ντα κα αβέν ευτυχισμέ για πάντα. Οντουλένγκε σο ισί κατά μπαρό πλήθος, σο τθερένα ι ελπίδα τι τζουβντιόν κι πφουβ, μανγκέλα τι βακερέλ ότι ο Ιεχωβά μουκχέλα-λεν τι αβέν λέσκε αμαλά επειδή λέσκε γιακχίντε ισί δίκαιοι. Η Γραφή βακερέλα ότι «τθοντέ πουμαρέ σέα ντα κερντέ-λεν παρνέ ι Μπρακέσκε ρατέσαρ».​—Αποκάλυψη 7:9, 13, 14.

15, 16. Σαρ “ντικχένα ι Ντεβλές” οντουλά σο ισί πάκι κο γκι;

¹⁵ Ο Ιεχωβά βακερντάς: «Καέκ τζενό να μπορίνελα τι ντικχέλ-μαν ντα τι τζουβντιόλ». (Έξοδος 33:​20) Άρα, σαρ αβέλα-πες τι ντικχέν ι Ντεβλές οντουλά σο ισί πάκι κο γκι; Ο μπαλαμανό λάφι σο μεταφράντιβελα «ντικχάβα» μπορεί τι μανγκέλα τι βακερέλ ανάβα μι γκοντιάτε, αγαβάβα ή τζανάβα. Άρα, “ντικχένα ι Ντεβλές” μανγκέλα τι βακερέλ ότι αγαβένα κον ισί ντα ότι μανγκένα λέσκε ιδιότητες. (Εφεσίους 1:​18) Ο Ιησούς τθερέλας τέλεια ο ιδιότητες ι Ντεβλέσκε, ντα οτθάρ μπορίνελας τι βακερέλ: «Οντουβά σο τθερέλα ντικχλό μαν τθερέλα ντικχλό ι Νταντές-ντα».​—Ιωάννης 14:​7-9.

¹⁶ Επίσης, “ντικχάσα ι Ντεβλές” κάνα παρατηρίνασα σαρ βοηθίνελα-αμέν αμαρέ ζωγιάτε. (Ιώβ 42:5) Μπορίνασα ατζέ τι “ντικχάς”, ή γιαβέρσοϊ τι τθεράς αμαρέ γκοντιάτε, ο σουκάρ πράγματα σο ντέλα πο λάφι ο Ιεχωβά τι κερέλ οντουλένγκε σο ατσσόνα πάκι ντα υπηρετίνενα-λες πιστά. Ντα ο χρισμέ Χριστιανοί κα ντικχέν μπαγιά ι Ιεχωβάς κάνα κα αναστίντιβεν ντα κα τζαν κο ουρανός.​—1 Ιωάννη 3:2.

17. Σόσκε ισί ευτυχισμέ οντουλά σο κερένα ειρήνη;

¹⁷ Σοράν, ο Ιησούς βακερντάς: «Ευτυχισμέ ισί οντουλά σο κερένα ειρήνη». (Ματθαίος 5:9) Κάνα λάσα ι πρωτοβουλία τι κεράς ειρήνη ι γιαβερέντζαρ, μπορίνασα τι αβάς ευτυχισμέ. Ο μαθητής Ιάκωβος γραφιντάς: «Ο σπόρος σο νικαβέλα δίκαιος καρπός σπειρίντιβελα κάνα ισί ειρήνη, οντουλένγκε σο κερένα ειρήνη». (Ιακώβου 3:​18) Οτθάρ, άμα να τζάνα-λεν λατσσές εκχέ πφραλέσαρ κατά κχανγκιρί ή εκχέ τζενέσαρ τουμαρέ φαμιλιάταρ, μολίνεν ι Ιεχωβάς τι βοηθίνελ-τουμέν τι κερέν ειρήνη. Σοράν, ο Ιεχωβά κα ντελ-τουμέν πο άγιος πνεύμας σο κα βοηθίνελ-τουμέν τι τθερέν Χριστιανικές ιδιότητες, ντα κα αβέν πιο ευτυχισμέ. Ο Ιησούς σικαντάς καζόμ σημαντικός ισί τι λας ι πρωτοβουλία τι κεράς ειρήνη, κάνα βακερντάς: «Οτθάρ, άμα ανέσα το δώρος ανγκλάλ κο θυσιαστήριος ντα οτθέ ντινάν-τουτ γκοντί ότι το πφραλ τθερέλα κάτι τούσαρ, μουκχ το δώρος οτθέ, ανγκλάλ κο θυσιαστήριος, ντα νας. Πρώτα κερ ειρήνη τι πφραλέσαρ ντα σοράν βούρτινε για τι ντες το δώρος».​—Ματθαίος 5:​23, 24.

18, 19. Σόσκε μπορίνενα ο Χριστιανοί τι χαιρίνεν ατζέ-ντα άμα νακχένα διωγμός;

 ¹⁸ «Ευτυχισμέ ισινέν όταν ο τζενέ ιτιρί μάνταρ πρασάνα-τουμέν ντα πάλντενα-τουμέν ντα βακερένα σαβέ τι μανγκές ψέματα για τι κερέν τουμένγκε κακός». Σο μανγκέλας τι βακερέλ ο Ιησούς; Χάνικ πιο σοράν βακερντάς: «Τι χαιρίνεν ντα τι χουτέν από χαρά, επειδή η ευλογία σο κα τθερέν κο ουρανός ισί μπαρί. Σόσκε αντικάς παλντιντέ ι προφητέν-ντα σο τζουβντιλέ πιο τζανγκλέ τουμένταρ». (Ματθαίος 5:​11, 12) Κάνα νταπλέ ι αποστολόν ντα βακερντέ λένγκε τι τσσιναβέν ο έργος, «βον νασλέ κατά Σάνχεδριν χαρούμενοι». Σίγουρα να μπεϊντιντέ σο νταπλέ-λεν. Όμως, χαιρίνενας «επειδή ισινέ άξιοι τι ταλαιπωρίντιβεν» ι Ιησούσκε ναβέσκε.​—Πράξεις 5:41.

¹⁹ Αμαρέ ντιβεσέντε-ντα, ο υπηρέτες ι Ιεχωβάσκε νταϊντίνενα με χαρά κάνα τθερένα διωγμός μάξους ι Ιησούσκε ναβέσκε. (Διαβάνεν Ιακώβου 1:​2-4) Σαρ ο απόστολοι, αντικάς αμέν-ντα να μπεϊντίνασα ο δυσκολίες ή ο διωγμός. Αλλά αν ατσσάσα πιστοί κο Ιεχωβά, βοβ κα ντελ-αμέν ο θάρρος σο χρειαζίντιβασα για τι νταϊντίνας. Σκεφτίνεν σο αβιλό-πες κο Χένρικ Ντόρνικ ντα λέσκε πφραλέστε. Κο 1944 κο Αύγουστος, μπουτσσαντέ-λεν σε εκ στρατόπεδος συγκέντρωσης. Οντουλά σο τζάνας λέντζαρ κόντρα βακερντέ: «Ναστί καταφερίνασα τι τσσουβάς-λεν τι κερέν τίποτα. Οντουλά σο τσσίντενα ντένα-λεν χαρά». Ο Χένρικ εξηγιντάς: «Παρόλο σο να μανγκάβας τι βασανίνεν-μαν, τθεράβας χαρά επειδή νταϊντίναβας με θάρρος ντα αξιοπρέπεια για τι ατσσάβ πιστός κο Ιεχωβά». Επίσης βακερντάς: «Ο προσευχές σο κεράβας αντράλ μι γκίσταρ αντέ-μαν πιο πασέ κο Ιεχωβά, ντα Βοβ σικαντάς ότι ισί εκ Βοηθός σο αξίνελα τι νταβ λέσκε μπέσα».

20. Σόσκε ισινάμ ευτυχισμέ σο υπηρετίνασα ι “ευτυχισμέ Ντεβλές”;

²⁰ Κάνα ο Ιεχωβά, “ο ευτυχισμέ Ντεβέλ”, ισί ευχαριστιμέ αμέντζαρ, μπορίνασα τι αβάς ευτυχισμέ ατζέ-ντα αν τθεράσα διωγμός, αν αμαρί φαμιλί τζάλα αμέντζαρ κόντρα, αν ισινάμ νασφαλέ ή πφουρέ. (1 Τιμόθεο 1:​11) Επίσης, μπορίνασα τι αβάς ευτυχισμέ επειδή αμαρό Ντεβέλ, σο «ναστί βακερέλα ψέματα», ντινάς-αμέν πο λάφι ότι κα κερέλ μπουτ σουκάρ πράγματα. (Τίτο 1:2) Κάνα ο Ιεχωβά κα κερέλ τι νικιόν μπαγιά λέσκε υποσχέσεις, να κα αβέν ιτς αμαρέ γκοντιάτε ο προβλήματα σο τθεράσα ακανά. Κι πραγματικότητα, ναστί νακχέλα αμαρέ γκοντιάταρ καζόμ σουκάρ κα αβέλ η ζωή κο Παράδεισος ντα καζόμ ευτυχισμέ κα αβάς! Βα “κα αβάς ευτυχισμέ επειδή κα τθεράς μπουτ ειρήνη”.​—Ψαλμός 37:11.