Κο παρελθόν πακιάας ότι ανταβά ισινέ μπαγιά επειδή ο εδάφιος Εβραίους 12:​16 βακερέλα ότι ο Ησαύ “να εκτιμίνελας ο ιερά πράγματα” ντα ότι ντινάς κο Ιακώβ «ο δικαιώματα σο τθερέλας σαρ ο πρώτος τσσαβό για εκ τσαρό χαμπέ». Οτθάρ πακιάας ότι όταν ο Ιακώβ λιντάς “ο δικαιώματα σο τθερέλας ο πρώτος τσσαβό”, ανταβά σικαβέλας ότι κα τθερέλας ο προνόμιος τι αστάρντιβελ λέσταρ ο Μεσσίας.​—Ματθαίος 1:2, 16· Λουκάς 3:​23, 34.

Όμως, άμα διαβαντάμ προσεκτικά κάποια πράγματα κατά Γραφή κα αγαβάς ότι να χρειαζίντιβελας κάποιος τι αβέλας ο πρώτος τσσαβό για τι αστάρντιβελ λέσταρ ο Μεσσίας. Ελάν τι ντικχάς μερικά παραδείγματα:

Ο πρώτος τσσαβό του Ιακώβ κατά Λεία ισινέ ο Ρουβήν. Ο πρώτος τσσαβό του Ιακώβ κατά Ραχήλ ισινέ ο Ιωσήφ. Όταν ο Ρουβήν γκιλό γιαβεράσαρ, χασαρντάς ο δικαίωμας τι λελ ο ευλογίες σο λέλας ο πρώτος τσσαβό, οτθάρ ο Ιωσήφ λιντάς λέσκι θέση. (Γένεση 29:​31-35· 30:​22-25· 35:​22-26· 49:​22-26· 1 Χρονικών 5:1, 2) Όμως, ο Μεσσίας να αβιλό κατά Ρουβήν ούτε κατά Ιωσήφ. Αβιλό κατά Ιούδας, σο ισινέ ο τέταρτος τσσαβό του Ιακώβ κατά Λεία.​—Γένεση 49:10.

Ο εδάφιος Λουκάς 3:​32 βακερέλα παντζέ τζενένγκε σο αστάρντιβελας λένταρ ο Μεσσίας ντα ο κάθε εκ λένταρ ντικχίντιβελα ότι ισινέ ο πρώτος τσσαβό. Για παράδειγμας, ο Βοόζ αβιλό ντατ του Ωβήδ, ντα ο τσσαβό του Ωβήδ ισινέ ο Ιεσσαί.​—Ρουθ 4:​17, 20-22· 1 Χρονικών 2:​10-12.

Αλλά ο τσσαβό του Ιεσσαί ο Δαβίδ να ισινέ λέσκο πρώτος τσσαβό. Ισινέ ο όγδοος ντα τελευταίος τσσαβό. Όμως, ο Μεσσίας αβιλό κατά Δαβίδ. (1 Σαμουήλ 16:​10, 11· 17:​12· Ματθαίος 1:5, 6) Επίσης, εκ γιαβέρ τζενό σο αστάρντιβελας λέσταρ ο Μεσσίας ισινέ ο Σολομών, παρόλο σο να ισινέ ο πρώτος τσσαβό του Δαβίδ.​—2 Σαμουήλ 3:​2-5.

 Ανταβά να μανγκέλα τι βακερέλ ότι να ισινέ σημαντικός τι αβέλ κάποιος ο πρώτος τσσαβό. Ο πρώτος τσσαβό τθερέλας προνόμια σο να τθερένας ο γιαβερά τσσαβέ. Όταν μερέλας ο ντατ, ο πιο μπουτ φαρ ο πρώτος τσσαβό αβέλας ο σορό ι κχερέσκο ντα λέλας ι διπλάσια περιουσία κατά γιαβερά.​—Γένεση 43:​33· Δευτερονόμιο 21:​17· Ιησούς του Ναυή 17:1.

Όμως, ο δικαιώματα σο τθερέλας ο πρώτος τσσαβό μπορίνελας τι λελ-λεν κάποιος γιαβέρ-ντα τσσαβό. Όταν ο Αβραάμ παλντιντάς τον Ισμαήλ, ο δικαιώματα σο τθερέλας σαρ ο πρώτος τσσαβό γκιλέ κο Ισαάκ. (Γένεση 21:​14-21· 22:2) Ντα σαρ βακερντάμ πιο οπρέ, ο προνόμια σο τθερέλας ο Ρουβήν σαρ ο πρώτος τσσαβό γκιλέ κο Ιωσήφ.

Άρα, καβά σημείος μανγκέλας τι σικαβέλ ο απόστολος Παύλος κο εδάφιος Εβραίους 12:​16; Οτθέ διαβάνασα: «Μα τι υπαρχίντιβελ κάποιος τουμένταρ σο κερέλα λουμνιπέ ή σο να εκτιμίνελα ο ιερά πράγματα, σαρ ο Ησαύ, σο ντινάς ο δικαιώματα σο τθερέλας σαρ ο πρώτος τσσαβό για εκ τσαρό χαμπέ».

Ατθέ, ο Παύλος να κερέλας λάφι ι τζενένγκε σο κα αβέλας λένταρ ο Μεσσίας. Ντέλας κο Χριστιανοί εκ προειδοποίηση. Βακερντάς λένγκε: «Συνεχίνεν τι κερέν ίσια ο ντρομά τουμαρέ πιντρένγκε» για «μα τι υπαρχίντιβελ καέκ σο να κα μπορίνελ τι λελ ι Ντεβλέσκο λατσσιπέ σο να αξίνασα-λες». Δυστυχώς, ανταβά κα αβέλας-πες άμα κα κερένας λουμνιπέ. (Εβραίους 12:​12-16) Άμα κα κερένας-λες ανταβά, κα μοιάζενας με τον Ησαύ, σο “να εκτιμίνελας ο ιερά πράγματα”, αλλά κερντάς οντουβά σο μανγκέλας λέσκο σώμας.

Αντικάς σαρ τθερένας ο έθιμος αζομάν, ο Ησαύ μπορεί τι τθερέλας μερικές φορές ο προνόμιος τι κερέλ θυσίες κο Ιεχωβά. (Γένεση 8:​20, 21· 12:7, 8· Ιώβ 1:4, 5) Αλλά ο Ησαύ ισινέ αζόμ αφοσιωμέ οντουλέντε σο μανγκέλας βοβ, σο ερεσλό κο σημείος τι ντελ σαρέ ανταλά προνόμια σο τθερέλας σαρ ο πρώτος τσσαβό για εκ τσαρό χαμπέ. Ο Ησαύ μπορεί μα τι μανγκέλας τι νακχέλ ο βάσανα σο βακερντάας ο Ιεχωβά ότι κα νακχένας ο προσάγγονα του Αβραάμ. (Γένεση 15:​13) Σικαντάς επίσης ότι να εκτιμίνελας ο ιερά πράγματα, κάνα παντρισάλο ντουέ ρομνίντζαρ σο πακιάνας ψεύτικε ντεβλέντε, κάτι σο αντάς μπαρί στεναχώρια λέσκε νταντέσκε ντα λέσκε νταγιάκε. (Γένεση 26:​34, 35) Καζόμ διαφορετικός ισινέ κατά Ιακώβ, σο παντρισάλο εκχέ ρομνιάσαρ σο πακιάλας ι αληθινέ Ντεβλές!​—Γένεση 28:6, 7· 29:​10-12, 18.

Σο σικλιαρένα-αμέν ανταλά παραδείγματα κατά Γραφή ι τζενένγκε σο αστάρντιβελας λένταρ ο Μεσσίας; Μερικοί ισινέ ο πρώτα τσσαβέ ντα μερικοί να ισινέ. Ανταβά ισινέ κάτι σο ο Ιουδαίοι τζανένας-λες ντα δεχτίνενας-λες. Σαρ τζανάσα-λες ανταβά; Επειδή ο ίδιοι βακερντέ ότι ο Χριστός κα αβέλας προσάγγονος του Δαβίδ, σο ισινέ ο τελευταίος τσσαβό του Ιεσσαί.​—Ματθαίος 22:42.