Διαβαντέν προσεκτικά ανταβά μπρες ο περιοδικά Σκοπιά; Ντικχέν άμα ντένα-τουμέν γκοντί ο απαντήσεις ακαλέ ερωτησιέντε:

Καγιά σιγουριά ντέλα-αμέν ο εδάφιος Έξοδος 34:6 κάνα βακερέλα ότι ο Ιεχωβά ισί «πφερντό αφοσιωμέ αγάπη» ντα «τζιτζίνελα»;

Τζανάσα ότι ο Ιεχωβά, σο τζιτζίνελα αμένγκε, μανγκέλα τι συγχωρίνελ αμαρέ λάθη. Ο εδάφιος Έξοδος 34:6 ντέλα-αμέν ι σιγουριά-ντα ότι βοβ μανγκέλα τι βοηθίνελ-αμέν λατσσιμάσαρ. Αμέν ισί λατσσό τι μοιάζας λέστε.​—w21.01, σελ. 21.

Σόσκε τσσουβέλα ο Ιεχωβά γιαβερέν-ντα τι κερέν κουμάντος;

Κερντάς-λες ανταβά σόσκε μανγκέλα-αμέν. Αντικάς, βοηθίνελα πι αφοσιωμέ φαμιλί τι τθερέλ ειρήνη ντα τι αβέλ οργανωμέ. Κάθε φαμιλί σο τθερέλα εκχέ τζενές τι κερέλ κουμάντος τζανέλα κον πρέπει τι λελ ο αποφάσεις ντα κον πρέπει τι κερέλ κουμάντος για τι αβέν-πες ανταλά αποφάσεις.​—w21.02, σελ. 3.

Σόσκε πρέπει ο Χριστιανοί τι αβέν προσεκτικοί κάνα χρησιμοποιήνενα εφαρμογές για τι μπουτσσαβέν μηνύματα;

Άμα εκ Χριστιανός τραμπίνελα τι χρησιμοποιήνελ ασακέ εφαρμογές πρέπει τι αβέλ προσεκτικός κάσαρ κερέλα παρέα. Ανταβά ισί δύσκολος κάνα μπουτσσάντιβενα μηνύματα μπαρέ ομαδέντε. (1 Τιμ. 5:​13) Επίσης, υπαρχίντιβελα ο κίνδυνος τι βακέρντιβεν πράγματα σο νανέ μπαγιά ντα τι χρησιμοποιήντιβεν ο πφραλά ντα ο πφενιά κι κχανγκιρί για τι μπικίντιβεν ή τι κιντιόν πράγματα.​—w21.03, σελ. 31.

Σόσκε μουκχλάς ο Ντεβέλ τι ταλαιπωρίντιβελ ντα τι μερέλ ο Ιησούς;

Πρώτον, ο Ιησούς έπρεπε τι καρφώντιβελ κο κας για τι λελ κατά Ιουδαίους εκ αρμάν σο τθερένας. (Γαλ. 3:​10, 13) Δεύτερον, ο Ιεχωβά σικλιαρέλας ι Ιησούς τι αβέλ Αρχιερέας. Τρίτον, επειδή ο Ιησούς ατσσιλό πιστός μέχρι κο μεριπέ σικαντάς ότι ο τζενέ μπορίνενα τι ατσσόν πιστοί ατζέ-ντα άμα νακχένα μπαρέ δοκιμασίες. (Ιώβ 1:​9-11)​—w21.04, σελ. 16, 17.

Σο μπορίνενα τι κερέν άμα ισί δύσκολος τι αρακχέν τζενέν κο έργος;

Μπορίνενα τι προσπαθίνεν τι αρακχέν-λεν εκ σαάτι σο ισί πο σίγουρος ότι κα αβέν πουμαρέ κχερέντε. Μπορίνενα επίσης τι κερέν έργος γιαβερέ τθανέστε. Ντα μπορίνενα τι δοκιμάνεν γιαβέρ τρόπος, σαρ για παράδειγμας τι γραφίνεν επιστολές οντουλένγκε σο να αρακχένα κο κχερ.​—w21.05, σελ. 15, 16.

Σο μανγκέλας τι βακερέλ ο απόστολος Παύλος κάνα βακερντάς: «Αντράλ κατά νόμος μουλόμ κο πράγματα σο τθερένα τι κερέν ι νομόσαρ»; (Γαλ. 2:19)

Ο Μωσαϊκός Νόμος σικαβέλας ότι ο τζενέ ισί ατελείς ντα γκερντάς ι Ισραηλιτέν κο Χριστός. (Γαλ. 3:​19, 24) Ανταβά κερντάς ι Παυλός τι δεχτίνελ ι Χριστός. Κάνα κερντάς-λες ανταβά, ο Παύλος “μουλό κο πράγματα σο τθερένα τι κερέν ι νομόσαρ”. Τσσιναντάας τι ντελ καν κο Νόμος.​—w21.06, σελ. 31.

Σαρ ντέλα-αμέν ο Ιεχωβά ο πο λατσσό παράδειγμας για τι νταϊντίνας;

Ο Ιεχωβά νταϊντίνελα ι λατζ σο αβιλί λέσκε ναβέστε, ι κόντρα σο τζάνα κο δικαίωμας σο τθερέλα τι κερέλ κουμάντος, ι κόντρα σο γκιλέ λέσαρ μερικοί λέσκε τσσαβένταρ, ο ψέματα ι Μπενγκέσκε, οντουλά σο τσσίντενα λέσκε υπηρέτες σο μανγκέλα-λεν μπουτ, ο μεριπέ πι αμαλένγκο, ι πφιρνέ τζενέν σο κερένα ζιάνι κο γιαβερά ντα ι καταστροφή σο κερένα ο τζενέ κι πφουβ ντα κο ζώα.​—w21.07, σελ. 9-12.

Σαρ βοηθίνελα-αμέν ο παράδειγμας ι Ιωσηφίσκο τι νταϊντίνας;

Λέσκε πφραλά αδικιντέ-λες σινανέ. Ντα σοράν βακέρντιλε ψέματα λέσκε ντα τσσουντέ-λες φυλακή κι Αίγυπτος μπουτ μπρεσά.​—w21.08, σελ. 12.

Σο σεισμός βακερένα ο εδάφια Αγγαίος 2:​6-9, 20-22 ότι κα αβέλας-πες αμαρέ ντιβεσέντε;

Ο τθεμά να μπεϊντίνενα ο αμπέρια ι Βασιλειάκε, αλλά μπουτ τζενέ μανγκλέ τι ασουνέν ι αλήθεια. Ατζεχάνικ, ο τθεμά κα ντικχέν ο τελευταίος έργος σο κουνιαβέλα ζουρανές ο τθεμά σο αζομάν κα αβέν καταστροφή.​—w21.09, σελ. 15-19.

Σόσκε δεν πρέπει τι τσσιναβάς τι κεράς ο πο λατσσό κο έργος;

Ο Ιεχωβά ντικχέλα οντουλά σο κεράσα ντα αβέλα λέσκο γκι. Άμα να τσσιναβάσα τι κεράς έργος, κα τθεράς ζωή για πάντα.​—w21.10, σελ. 25, 26.

Σαρ βοηθίνελα-αμέν ο Λευιτικός κεφάλαιος 19 τι κεράς ι συμβουλή: «Τι αβέν τουμέν-ντα άγιοι σαρέ κο πράγματα σο κερένα»; (1 Πέτρ. 1:15)

Ο λάφια ανταλέ εδαφιόσκε ντικχίντιβελα ότι ισί κατά εδάφιος Λευιτικό 19:2. Ο κεφάλαιος 19 τθερέλα μπουτ παραδείγματα σο σικαβένα αμένγκε σαρ τι κεράς ο εδάφιος 1 Πέτρου 1:​15 κάθε ντιβές αμαρέ ζωγιάτε.​—w21.12, σελ. 3, 4.