Ο δοκιμασίες μπορίνενα τι κερέν-αμέν τι χασαράς αμαρί ζορ, ντα ατζέ πο μπουτ άμα ατσσικιαρένα μπουτ βακίτι. Ο Δαβίδ τζανέλας ότι ο πρόβλημας σο τθερέλας ι Σαουλίσαρ κα τελειώνελας ντα ότι κα αβέλας βασιλιάς σαρ ντινάς πο λάφι ο Ιεχωβά. (1Σα 16:​13) Η πίστη ι Δαβιδίσκι βοηθιντάς-λες τι νταϊντίνελ ντα τι μπεκλεντίνελ τι νασκιαρέλ ο Ιεχωβά λέσκο πρόβλημας.

Κάνα νακχάσα εκ πρόβλημας, ισί λατσσό τι ντικχάς ανγκλάλ, τι χρησιμοποιήνας οντουλά σο τζανάσα ντα τι τσσουβάς αμαρί γκοντί τι κχελέλ για τι λύνας αμαρό πρόβλημας. (1Σα 21:​12-14· Παρ 1:4) Όμως, ισί προβλήματα σο κα ατσσικιαρέν ατζέ-ντα άμα αμέν κερντάμ σο νακχέλα αμαρέ βαστέσταρ ντα αντικάς σαρ βακερέλα η Γραφή. Κάνα αβέλα-πες ανταβά, πρέπει τι νταϊντίνας ντα τι μπεκλεντίνας ι Ιεχωβάσκε. Βοβ μπουτ σουγκό κα ανέλ τέλος σαρέ οντουλέντε σο τσσίντασα ντα «κα νασκιαρέλ σαρέ ο δάκρυα» αμαρέ γιακχίνταρ. (Απ 21:4) Είτε ο πρόβλημας κα νασκιαρέλ-λες ο Ιεχωβά είτε κα νασέλ γιαβέρτουλους, ισινάμ σίγουροι εκχέ πραγμάσκε: Σαρέ ο δοκιμασίες κα αβέλ ο ντιβές σο κα νασέν. Ανταβά μπέκιμ τι λοκχιαρέλ αμαρό γκι.

ΝΤΙΚΧΕΝ Ο ΒΙΝΤΕΟΣ ΕΚ ΕΝΩΜΕ ΛΑΟΣ ΕΚΧΕ ΤΡΟΥΓΙΜΕ ΝΤΟΥΝΙΑΣΤΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά δοκιμασίες νακχαντέ μερικοί Χριστιανοί κο νότιες Ηνωμένες Πολιτείες;

• Σαρ νταϊντιντέ ντα σικαντέ μανγκιπέ;

• Σαρ ατσσικιαρντέ πουμαρέ γιακχά κο «πο σημαντικά πράγματα»;​—Φλπ 1:10