Ο ξεκινήματα, σαρ ο γιαβερά-ντα συναθροίσεις, ισί δώρος κατά Ιεχωβά σο τσσίντελα-αμέν τι μανγκάς ι γιαβερέν ντα τι κεράς λατσσέ πράγματα. (Εβρ 10:​24, 25) Πρέπει τι ατσσικιαρέν παντς μέχρι εφτά λεπτά. Αντρέ ανταλέ σαατίστε πρέπει τι κανονίντιβελ κον κα νικιόλ κάσαρ, τι ντιντιόλ τομέας ντα τι αβέλ-πες η προσευχή. (Άμα ο ξεκίνημας αβέλα-πες κο τέλος εκχέ συναθροισιάκο, κα ατσσικιαρέλ ατζέ πο χάνικ). Ο πφραλ σο κερέλα ο ξεκίνημας πρέπει τι προετοιμάντιβελ για τι βακερέλ κάτι σο κα βοηθίνελ οντουλέν σο κα τζαν κο έργος οντουβά ντιβές. Φιρειπείν, κο Σάββατος, σο μπουτ πφραλά τθερένα τι νικιόν κο έργος κατά εβδομάδα σο νακχλί, μπορεί τι ισί λατσσό σάντε τι ανέλ λένγκε γκοντιάτε σο τι βακερέν. Καλά γιαβερά θέματα κα αβέλας λατσσό τι βακέρντιβεν κο ξεκινήματα;

• Εκ θέμας κατά «Σαρ τι Κεράς Συζητήσεις» σο ισί κο Πρόγραμμας ι Συναθροισιάκε ι Χριστιανόνγκι Ζωή ντα ο Έργος

• Σαρ τι πουτράς συζήτηση εκχέ πραγμάσταρ σο αβιλό-πες ακανά σουγκό ή εκχέ αμπερίσταρ

• Σο τι απαντίνας εκχέ λαφίστε σο βακερένα μπουτ τζενέ

• Σο τι βακεράς εκχέ τζενέσκε σο να πακιάλα κο Ντεβέλ ή πακιάλα κι εξέλιξη ή κερέλα γιαβέρ τσσιπ ή τθερέλα εκ θρησκεία σο να τζανένα-λα μπουτ τζενέ αμαρέ τθεμέστε

• Σαρ τι χρησιμοποιήνας κάτι αντράλ κατά ιστότοπος jw.org, κατά εφαρμογή JW Library^® ή κατά Γραφή

• Σαρ τι χρησιμοποιήνας εκ κατά Εργαλεία για τι Σικλιαράς

• Σαρ τι κεράς έργος κατά τηλέφωνος, κατά επιστολές, ανγκλάλ μπουτέ τζενέντε, κο επανεπισκέψεις, κο μελέτες ντα γιαβερέ τροπόντζαρ

• Σαρ τι αρακχαβάς-αμέν, τι αβάς γκοντιαβέρ, τι τθεράς λατσσί συμπεριφορά, τι ντικχάς ι τζενέν σαρ ο Ιεχωβά ή κάτι ασακό

• Εκ μάθημας ή βίντεος κατά βιβλιάριος Τι Συνεχίνεν τι Διαβάνεν ντα τι Σικλιαρέν πιο Λατσσές

• Σαρ τι ντεν ζορ ντα βοήθεια οντουλέστε σο νικίστιλεν γιεκ κο έργος

• Εκ εδάφιος σο τθερέλα τι κερέλ ι εργόσαρ ή εκ εμπειρία κατά έργος σο ντέλα ζορ