Εκ αθλητής πρέπει τι γυμνάνελ-πες για τι τθερέλ εκ ζουρανό σώμας. Αντικάς αμέν-ντα, πρέπει μα τι τσσιναβάς τι «γυμνάνας» αμαρί γκοντί για τι αγαβάς καβά ισί ο σωστός ντα καβά ισί ο λάθος. (Εβρ 5:​14) Μπορεί τι αβάς σικλέ τι κεράς απλά οντουβά σο κερένα ο γιαβερά. Όμως, ο λατσσό ισί τι τσσουβάς αμαρί γκοντί τι κχελέλ ντα τι λας αμαρέ αποφάσεις. Σόσκε; Επειδή ο κάθε εκ αμένταρ κα ντελ λογαριασμός οντουλένγκε σο αποφασίνελα τι κερέλ.​—Ρω 14:12.

Δεν πρέπει τι πακιάς ότι κα λας λατσσέ αποφάσεις απλά επειδή ισινάμ μπουτ μπρεσά μπολντέ. Για τι λας γκοντιαβέρ αποφάσεις, πρέπει τι ντας σαρί αμαρί μπέσα κο Ιεχωβά, λέσκε Λαφίστε ντα κι οργάνωση λέσκι.​—Ιη 1:7, 8· Παρ 3:5, 6· Ματ 24:45.

ΝΤΙΚΧΕΝ Ο ΒΙΝΤΕΟΣ «ΤΙ ΑΤΣΣΙΚΙΑΡΕΝ ΠΑΚΙ ΣΥΝΕΙΔΗΣΗ» ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καγιά απόφαση έπρεπε τι λελ η Έμα;

• Σόσκε δεν πρέπει τι βακεράς οντουβά σο πακιάσα κο θέματα σο τθερένα τι κερέν με τη συνείδηση;

• Καγιά γκοντιαβέρ συμβουλή ντινάς εκ αντρόγυνος κι Έμα;

• Κατέ αρακχλάς η Έμα πληροφορίες για τι αποφασίνελ σο κα κερέλ;