Όχι, νανέ σαρέ ο θρησκείες ίδιες. Η Αγία Γραφή τθερέλα μπουτ παραδείγματα θρησκειένγκε σο πφανγκένα ι Ντεβλέσκο γκι. Ανταλά θρησκείες κερένα ακαλά ντούι πράγματα.

1: Ντένα λατρεία ψεύτικε ντεβλέντε

 Η Αγία Γραφή βακερέλα ότι η λατρεία σο ντέλα εκ τζενό ψεύτικε ντεβλέντε να τθερέλα “αξία” ντα ισί “άχρηστη”. (Ιερεμίας 10:3-5· 16:19, 20) Ο Ιεχωβά a Ντεβέλ ντινάς κο πουρανό Ισραήλ ι εντολή: «Δεν πρέπει τι τθερές γιαβερέ ντεβλέν εκτός μάνταρ». (Έξοδος 20:3, 23· 23:24) Κάνα ο Ισραηλίτες ντένας λατρεία γιαβερέ ντεβλέν, “η χολί ι Ιεχωβάσκι μπαριόλας”.—Αριθμοί 25:3· Λευιτικό 20:2· Κριτές 2:13, 14.

 Ο Ντεβέλ να τσσιναντάς τι νιωθίνελ αντικάς για τη λατρεία σο ντιντιόλα ασακέ “ντεβλέντε”. (1 Κορινθίους 8:5, 6· Γαλάτες 4:8) Κο τζενέ σο μανγκένα τι ντεν-λες λατρεία, ντέλα ι εντολή τι τσσιναβέν τι κερέν παρέα οντουλέντζαρ σο πακιάνα κι ψεύτικη θρησκεία, ντα οτθάρ βακερέλα: «Νικιόν λένταρ ντα νασέν». (2 Κορινθίους 6:14-17) Άμα σαρέ ο θρησκείες ισί ίδιες ντα γκερένα ι τζενέν κο Ντεβέλ, σόσκε τι ντελ ο Ντεβέλ ανταγιά εντολή;

2: Ντένα λατρεία ι αληθινέ Ντεβλές τροπόσαρ σο να μπεϊντίνελα

 Μπάζιμα, ο Ισραηλίτες κερένας ο παραδόσεις ντα ο έθιμα ι ψεύτικε θρησκειένγκε για τι ντεν λατρεία ι Ντεβλές, αλλά ο Ιεχωβά να μανγκέλας τι ανακατούντιβελ η αληθινή θρησκεία ι ψεύτικε θρησκειάσαρ. (Έξοδος 32:8· Δευτερονόμιο 12:2-4) Κάνα ο Ιησούς τζουβντιόλας κι πφουβ, βακερντάς ότι να μπεϊντίνελας ιτς ο τρόπος σο ντένας λατρεία ο παπάζια ι Ντεβλές σόσκε κερένας-λες ανταβά λάθος τροπόσαρ. Κερένας-πες ότι πακιάνας κο Ντεβέλ, αλλά ανταβά ισινέ χουχαϊπέ σόσκε να “χάλας-λεν ανάγκη ι πιο σημαντικέ πραγματένγκε σο ισί κο Νόμος, δηλαδή για τη δικαιοσύνη, για το έλεος ντα για την πίστη”.—Ματθαίος 23:23.

 Αντικάς αντιβές-ντα, σάντε η θρησκεία σο βασίντιβελα κι αλήθεια γκερέλα ι τζενέν κο Ντεβέλ. Ανταγιά αλήθεια ισί αντρέ κι Αγία Γραφή. (Ιωάννης 4:24· 17:17· 2 Τιμόθεο 3:16, 17) Ο θρησκείες σο σικλιαρένα πράγματα σο τζάνα κόντρα ι Γραφιάσαρ κι πραγματικότητα λένα ι τζενέν ντουρ κατά Ντεβέλ. Μπουτ τζενέ πακιάνα ότι ο Ντεβέλ ισί Τριάδα, ότι η ψυχή να μερέλα ντα ότι ο Ντεβέλ βασανίνελα ι τζενέν κι κόλαση. Μάλιστα πακιάνα ότι ανταλά πράγματα σικλιαρέλα-λεν η Γραφή. Ανταβά όμως νανέ μπαγιά σόσκε σαρέ ανταλά λάφια αβένα κατά ψεύτικες θρησκείες. Η θρησκεία σο σικλιαρέλα ασακέ πράγματα κερέλα ι λατρεία σο ντέλα εκ τζενό τι τζαλ «σινανέ», σόσκε ο τζενό να κερέλα οντουλά σο βακερέλα ο Ντεβέλ, αλλά κερέλα οντουλά σο βακερένα ο ψεύτικες θρησκείες.—Μάρκος 7:7, 8.

 Ο Ντεβέλ τζουνγκάλα οντουλένταρ σο κερένα-πες ότι πακιάνα-λες. (Τίτο 1:16) Για τι βοηθίνελ ι τζενέν τι τζαν πιο πασέ κο Ντεβέλ, η θρησκεία πρέπει τι επηρεάνελ λένγκι ζωή όχι απλά τι τθερέλ παραδόσεις ντα έθιμα. Για παράδειγμας, η Αγία Γραφή βακερέλα: «Άμα εκ τζενό αμντίνελα ότι ντέλα λατρεία ι Ντεβλές αλλά να κερέλα κουμάντος πι τσσιπ, χουχαβέλα πο γκι, ντα σινανέ ντέλα λατρεία. Η θρησκεία σο ισί πάκι ντα νανέ μελαλί κο γιακχά κι Ντεβλέσκε, αμαρέ Νταντέσκε, ισί ακαγιά: Τι φροντίνελ κάποιος ι ορφανόν ντα ι χηρέν σο νακχένα στεναχώριες ντα μα τι μουκχέλ ιτς ανταλέ ντουνιάς τι μελιαρέλ-λες». (Ιακώβου 1:26, 27) Κο Πουρανέ Μπαλαμανέ Γραφές ισί ο λάφι «θρησκεία καθαρά» ανταλέ πάκι ντα αληθινέ θρησκειάκε.