I doosh, i bibacht, un o merepen wan ap mende, har o Adam un i Eva gar ap o Debleste shunan. a I bacht: Mer ham gar nashedo! O Jehowah bitchras peskro tchawes — i Jeses, kai hi o Christo — ap i phub, te lell lo men dran i doosh un o merepen win. O Jeseskro djipen hi har i win-gindo-lowe. I win-gindo-lowe wella plaissedo, te nai ginell jek i wawares dran i tchilatcheskro wast win. Doleske, kai his ap i Jeseste kek doosh, nai his leskro moldo un kutch djipen ko lowe, hoi hunte was plaissedo (Dikenn pal an Mateo 20:28). O Jesus nai djiwals hake tsireske ap i phub. Ko djipen das job pre, un meras menge, te nai well menge kowa pale, hoi o Adam un i Eva nashran. Jaake sikeras o Jesus, har bud kamlepen les un i Jehowes hi. Tu te haiwal an kaja lektiona, hoi o Jeseskro merepen tuke nai krella, well tiro parkepen an o dji bareder.

1. Hoi lah mer an maro tsiro dran o Jeseskro merepen?

Dran i doosh krah mer bud kope kowa, hoi o Jehowah gar kamella. Hoi hunte kras doleske, te nai atchas mer latche mala lestar? Mer hunte penas leske, kai khaitell menge kowa tchatchepah, hoi mer kram, un hunte mangas dran o lab o Jesus Christestar, te bistrell o Jehowah, hoi mer kram. Palle hunte mukas mer ninna mari tseli sorjah o tchilatchepen (1. Johanni 2:1). Pral i Jeseste hi tchinlo, kai meras lo menge “un mari doosh ap peste las. Job his i latcho, un meras i tchilatchenge,” te anell lo men pash o Debleste (1. Petro 3:18)

2. Hoi lah dran o Jeseskro merepen an o tsiro glan mende?

O Jehowah bitchras i Jeses ap i phub, te dell lo peskro djipen. I bibla penella: “Hakeno, koon patsell ap leste, djal gar nashedo. Job lell ko djipen” hake tsireske (Johanni 3:16). Doleske, kai meras o Jesus menge, nai lell o Jehowah halauter krik, hoi o Adam an peskro tchilatchepen ap mende anas. Mer te patsah ap ko latchepen, hoi o Jeseskro merepen men anella, nai djiwah mer hake tsireske an i paradiso ap i phub (Jesaja 65:21-23)!

 RODAS DUREDER

3. O Jeseskro merepen lell i doosh un o merepen mendar krik

1. Ap i Adameste his kek doosh. Har job ap i Debleste gar shunas, anas job i doosh un o merepen ap peste un pral i tsele menshende

2. Ap i Jeseste his kek doosh. Job shunas ap i Debleste un las i menshendar i doosh krik, te nai well lenge koi chanca, te nai djiwenn le hake tsireske

4. O Jeseskro merepen nai anell i tsele menshenge latchepen

 5. O win-gindo-lowe hi ko prossepen, hoi o Jehowah tuke della

Mala i Jehowestar haiwenn, kai hi o win-gindo-lowe i prossepen, hoi lenge dino was. Dikenn pal an Galatarja 2:20, un rakrenn khetne pral:

• Hawe labentsa sikras o Paulo, kai tserdas job o win-gindo-lowe ap peste?

Har las o Adam i doosh ap peste, was o merepen pral leste un leskre tsele tchawende. An peskro kamlepen bitchras o Jehowah peskro tchawes ap i phub, te merell lo menge. Jaake hi men pale koi chanca, te nai djiwas hake tsireske.

Har hunte his i Jehoweske kowa, har job dikas, hawi duk ap peskro tchaweste his? Muk tuke kowa trul o shero te djal, te dikenn pal an Johanni 19:1-7, 16-18, un rakrenn khetne pral:

• Har hi tuke kowa, kai djineh kanna, hoi o Jehowah un o Jesus tuke kran?

 HOI KATE PENLO WAS

O Jeseskro merepen hi koi basis, te nai bistrell o Jehowah mari doosh. Doleske, kai das o Jesus peskro djipen menge an o merepen, hi men koi chanca, te nai djiwas bachteles hake tsireske.

Hoi penals tu?

• Hoske meras o Jesus?

• Hoske his i Jeses ko win-gindo-lowe, te nai ginell o Dewel men dran o tchilatchepen un o merepen win?

• Har nai well tuke ko latchepen dran o Jeseskro merepen?