LEKTIONA 36
Ab patewalo an halauter, hoi kreh
Hakeno kamell i maal, koles i patewali shinia hi. Ninna o Jehowah kamell peskre malendar, kai hin le an halauter, hoi jon krenna, patewales. Hoske hi menge kowa mishto, te ham patewalo?
1. Hoske hunte was mer patewale an kowa, hoi krah?
Mer sikrah i Jehowes maro kamlepen un mari respekta, mer te ham patewale menshe. Ma biste: O Jehowah djinell un dikell halauter, hoi an mende hi (Hebrearja 4:13). Mer te rodah menge kowa win, te was tchatcho, dikell lo kowa, un ko krell les bachteles. An i bibla hi tardo, kai dikell o Jehowah “chojedes ap kolende, kai bange dromma djan. I maal hi lo kolenge, kai ap o tchatcho drom djan” (Gosewe Laba 3:32).
2. Har sikrell pes an maro djipen, kai ham patewale?
O Jehowah penell: “Rakrenn o tchatchepen jek o wawareha” (Sacharja 8:16, 17). Hoi penenn menge kola laba? Te rakrah an i familja, ap i budi, mare phralentsa un phenjentsa, un ninna kol budepangrentsa ap i loli: Mer penah o tchatchepen, un bitchrah kekes ap i bango drom. Te hi jek patewalo, ma tchorell lo un ma chochell lo wawaren (Dik pal an Gosewe Laba 24:28, un Efesarja 4:28). Job plaissrell ninna kol tsele themeskre lowe (Remarja 13:5-7). Mer kamah an “hako tsiro … kowa te krell, hoi latcho hi” (Hebrearja 13:18).
3. Hawo latchepen hi men, mer te ham patewalo?
Te penenn wawar pral mende, kai ham patewale, patsenn le men ninna. Ninna krah pash mare phralende un phenjende an i Versammlunga, kai haiwenn le pen pre hadedo pash mende, jaake har an i kamli familja. Un men hi i djudjo Gewissen. Te ham jaake, sikrah mer nai “an hako koowa, har mishto o Debleskro drom hi” (Tito 2:10). Kowa nai krell, kai kamenn wawar i Jehowes ninna te prindjrell.
RODAS DUREDER
Kanna dikeh, har i Jehoweske kowa hi, un hoi tuke kowa anella, tu te sikreh an tiro djipen, kai hal i patewalo mensho.
4. O Jehowah hi bachteles, te ham an halauter tchatcho
Dikenn pal an Gilja 44:21, 22, un Maleachi 3:16, un rakrenn khetne pral:
-
Hoske nashte khatrah o chochepen gar?
-
Te penas o tchatchepen, nai wella phares. Hoi penals tu: Har hi i Jehoweske kowa, te atchah pash o tchatchepen?
Te penenn tchawe o tchatchepen, hi o dad un i dai bachteles. Te penah mer o tchatchepen, hi o Jehowah bachteles
5. An hako tsiro patewalo
Bud penenn, kokres te chochah, nai wah mer an maro djipen dureder. Dik, hoske menge kowa mishto hi, te atchah an hako tsiro pash o tchatchepen. Dikenn o VIDEO.
Dikenn pal an Hebrearja 13:18, un rakrenn khetne, har te rikrass nai ap o tchatchepen an …
-
i familja.
-
ap i budi oder an i sikepaskri.
-
wawar situatione.
6. Te ham patewalo, hi menge kowa mishto
Ninna te patseh, kai anell tuke kowa kanna probleme: Te hal an halauter tchatcho, hi tuke kowa an o tsiro glan tute o fetester, te atcheh tchatcho. Dikenn pal an Gilja 34:12-17, un rakrenn khetne pral:
-
Har krell kowa tiro djipen feteder, te hal an halauter tchatcho?
-
Romedine krenn pengro romedinepen sorleder, te hin le tchatcho ap pende
-
Raja dikenn latches ap pengre budepangre, te hin le patewalo
-
Budepangre o forestar dikenn latches ap kolende, kai rikrenn pen ap kol themeskre laba
BUD PENENNA: “Te chochah gadjen, dikell o Dewel gar chojedes ap kowa. Job djinell, har kowa pash mende hi.”
-
Hoske patseh tu, kai dikell o Jehowah ap hako chochepen tchilatches?
HOI KATE PENLO WAS
O Jehowah kamell peskre malendar, kai hin le an halauter tchatcho.
Hoi penals tu?
-
Har sikrell pes, kai ham patewale?
-
Hoske nashte khatrah mer o chochepen gar?
-
Hoske kameh tu an halauter patewalo te well?
BUDEDER
Kate dikeh, har nai sikrenn dada un daja pengre tchawenge, har te wenn le an halauter tchatcho.
Kate huneh, hoske kowa mishto hi, te rikras maro lab.
Kate drawereh nai, hoske mer o Themeskro Lowe hunte plaissras, ninna te djinah gar, hoi jon i lowentsa krenna.
“Hunte plaissras mer o Themeskro Lowe?” (O Gardeskro Kheer, September 1, 2011)
Kate drawereh, har jek morsh, kai chocheno koowa an peskro djipen kras, kowa mukas.
“O Jehowah bistrell mari doosh o djiestar” (O Gardeskro Kheer, Mai 1, 2015)
