“I tsele bollepangre ... witsran pen glan o rajeskro beshepaskro tele o mujeha ap i phub, un sharan o Dewles” (Debleskro tsiro 7:11)

Hoi djinah mer pral i bollepangrende?

• Job 38:4-7

  O Jehowah gerdas i bollepangren glanstunes. Pal lende gerdas job i phub.

• Debleskro tsiro 5:11

  Denna bud millione bollepangre.

• 1. Petro 1:11, 12

  I bollepangre interessirenn pen, hoi o Jehowah mari phubjaha khamell te krell.

• Luka 15:10

  I bollepangre hin bachteles pral kolende, gai djiwenn i Dewleske.

“O baro Dewleskro bollepaskro hi trul kolende, gai mukenn o Dewles pengro rai te well, un lell len wri dran i bibacht” (Gilja 34:7, 8)

Ha te djinass mer, gai lan bollepangre manushen ap o wast?

• 1. Mose 19:15, 16; Daniel 6:22; Luka 22:43; Bitchepangre 12:6-11

  Bollepangre hins i Loteske, i Danjeske, i Jeseske, un i Petreske koi.

• Hebrearja 1:​7, 14

  O Jehowah bitcherell peskre bollepangren, te wenn le ap i rig peskre budepangrendar.

“Me khamau gar, te taperell men o beng. Mer djinah mishto, hoi koles hi an leskro shero” (2. Korintarja 2:11)

Koon hi kola demone – kola tikne benga – un hoske hin le menge tchilatcho?

• Debleskro tsiro 12:9

  Jek bollepaskro khamas pes pral i Jehoweste te hadell. Job well satan kharedo.

• 1. Mose 6:2

  An ko tsiro, gai o Noa djiwas, hadan pen ninna wawar bollepangre un wan tele ap i phub.

• Mateo 9:34

  Kola bollepangre wan tikne benga – jon wan demone un atchan tel o pralstuno bengeste, gai wella ninna satan kharedo.

• 5. Mose 18:10, 11

  Kola demone khamenn men te chochell. Jon hi midjak un hin bachteles, te nai tchiwenn le bibacht ap mende.

“Ma krenn, hoi o beng khamella! Jaake nashell o beng tumendar” (Jakobo 4:7)

Hoi hunte kress tu, te nai rikerell o Jehowah peskro wast pral tute?

• Bitchepangre 19:19

  Ninna te hi tuke kowa interessant, witse hallauter krik, hoi bengeskro kooma hi. Ma rike ko kooma, hoi pral i demone djala.

• Efesarja 6:16, 18

  Kre i Biblakro Kurso, te nai well tiro patsepen sorleda. Mange ninna i Dewles, te dell lo garda ap tute.

• Gosewe laba 18:10

  Penn o Dewleskro lab, te hi tut traash.