“Shunenn ap mire tsele laba, balle han tumer mange kutcheda ha i tsele wawar menshe ap kai phub” (2. Mose 19:5)

Nai wah mer maala o Dewlestar?

• 1. Mose 22:18; Jakobo 2:23

  O Abraham shunas un patsas ap i Jehoweste. Doleske was job i maal o Dewlestar.

• 2. Kronik 16:9

  O Jehowah hi ap kolengri rig, gai ap leskre laba shunenna.

• Gilja 25:14; 32:8

  Peskre maalenge tsikerell o Jehowah o drom.

• Gilja 55:22

  O Jehowah hi peskre maalenge koi.

“An ko tselo kooma anas o Job kek doosh ap peste, witar gar penas lo ap i Dewleste, gai kras job leha tchimoni, hoi gar tchatcho hi” (Job 1:22, NWT)

Ha attakiras o beng ko morshes Job un hoi kras ko morsh?

• Job 1:10, 11

  O beng penas, gai o Job kokeres ap peste dikella un i Dewles ma gamella.

• Job 1:12-19; 2:7

  Hallauter, hoi ko morshes his, mukass o Jehowah i bengestar te lell. O beng krass ninna, gai lell o Job i djunglo nasslepen.

• Job 27:5

  Ninna, gai ma djinas o morsh Job, hoske jaake bud bibacht ap leste wajas, atchas job i loyaltiko maal.

“Hallauter, hoi i manushes hi, dell lo peskro djipaske” (Job 2:4, NWT)

Hoi krell o beng, te ma atchah mer maala i Jehowestar?

• 2. Korintarja 11:14

  Tchorchanes khamell o beng kowa te krell, gai ma gandah mer buda ap i Jehoweste.

• Gosewe laba 24:10

  Job khamell an maro dji te tchiwell, gai ham mer gar moldo doha, te nai djiwass i Jehoweske.

• 1. Petro 5:8

  O beng attakirell men ninna direkt.

• Gosewe laba 27:11

  Tsike, tu gandeh ap i Jehoweste un hal i loyaltiko maal lestar. Jaake tsikereh tu, gai hi o beng i chocheno.

“Maro gamlepen o Dewleske tsikerell pes, te krah mer kowa, hoi job penella” (1. Johanni 5:3)

Ha nai weh tu i maal i Jehowestar?

• 5. Mose 6:​5

  Tsike tiro gamlepen ap i Jehoweste. Tu te gameh i Jehowes o djiestar, hi tuke kowa gar phares, te gandess ap leskre laba.

• Jesajah 48:17, 18

  Shun ap i Jehoweste, ko hi tuke an hako tsiro mishto.

• 5. Mose 30:11-14

  Ma biste: O Jehowah ma khamell tutar tchimoni, hoi ma nai deh leske.

• Filiparja 4:13

  Kre kowa, hoi tchatcho hi un o Jehowah dell tut koja soor, hoi hunte well tuke.