“Tu hal o djido pani, hoi newo djipen della” (Gilja 36:9, 10)

Ha tsikerah mer, gai hi menge o djipen i kutch prossepen?

• Bitchepangre 17:28; Debleskro tsiro 4:11

  O djipen wella i Jehowestar, doleske hunte well menge o djipen kutch un bud moldo. Kowa hunte tsikerass mer an maro djipen.

• 2. Mose 21:22, 23; 5. Mose 5:17

  Mer penah “naa” ap o marepen, ninna ap o marepen i tikne tchawendar, gai gar boldo hin.

• 1. Johanni 3:11, 12, 15

  Mer hunte tsikerass gamlepen.

• 2. Korintarja 7:1

  Mer krah kek tchiklo kooma, mer pijah kek pimangre, ninna lah mer kek djunglo drab.

• Gilja 11:5

  Entertainment un sport pherdo i khurepastar ma khamah mer.

“O djipen hakenestar, gai djiwella, hi peskro ratt doleske, gai o djipen an o ratt hi” (3. Mose 17:14, NWT)

Ha dikell o Dewel ap o djipen un ap o ratt?

• 1. Mose 4:10; 5. Mose 12:23

  O ratt hi an i Dewleskre jakka o djipen.

• 1. Mose 9:3, 4

  Mass nai chah, o ratt ma lass.

• Bitchepangre 15:28, 29; 21:25

  O Dewleskro lab, te ma lass ratt, hi ninna pash dramaskreskro kooma.

• Hebrearja 11:6

  O baresta kooma an maro djipen hi, te hi o Jehowah maro maal.

“O ratt leskro tchawester thowell mari tseli doosh mendar tele” (1. Johanni 1:7)

Hoi nai lah mer dran o Jeseskro merepen?

• 3. Mose 17:11

  An o biblakro tsiro, te anas i israelitari doosh ap peste, mangas lo nai i Jehowes, te bisterell lo i doosh lestar. Job anas i ficho an o Dewleskro Kher, te well kowa i rashajestar ap i chatchepaskri chatchedo. Tchimoni o ficheskro rattestar was balle ap i chatchepaskri tchoredo.

• Mateo 20:28; Hebrearja 9:11-14

  Ha o Jesus ap i phub wajas, das job peskro djipen – peskro ratt – te nai bisterell o Dewel mari doosh. Jaake endas ko phuro lab, te hunte well i ficho chatchemen.

• Johanni 3:16

  O Jeseskro djipen his jaake kutch, gai nai dell o Jehowah hakenes, gai ap i Jeseste patsella, i chanca, te nai lell lo o djipen hake tsireske.