18. Sowel un Panjeskri Ceremonia – Krap kowa?
1 HOSKE MUKAP ME MAN TE BOLELL?
“Koi hi pani. Hi mange tchimoni an o drom tchiddo, te mukap man tutar an o pani te thowell?” * (Bitchepangre 8:36)
Hoske un ha hunte mukess tu tut te bolell?
I Panjeskri Ceremonia tsikerella, gai ma djiweh tu tiro phuro djipen buda. Kanna kreh tu an tiro newo djipen hallauter jaake, ha o Dewel kowa khamella.
-
Tu hunte mukess tut te bolell, te nai djiwess tu i Jehoweske.
-
Te djah tu an i Panjeskri Ceremonia, tsikereh tu ninna wawaren, gai khameh tu i Jehoweske te djiwell.
-
Tu hunte wess tseles tel o pani tchipdo, jaake, ha kowa pash i Jeseste his.
2 O JEHOWAH MA KHAMELL TUTAR BUDEDA HA BUD
“Maro gamlepen o Dewleske tsikerell pes, te krah mer kowa, hoi job menge penella. Un kowa, hoi job menge penella te krass, kowa hi gar pharo” (1. Johanni 5:3)
Hoske te well tuke kek traash, te dess tu i Jehowes an i mangepen sowel, gai deh tu les tiro djipen?
-
Tu hunte wess gar perfekt, te nai dess tu i Jehowes tiro djipen. Job hi tuke koi, te nai kress tu kowa, hoi tchatcho hi.
-
Tiro gamlepen ap i Jehoweste lell tutar koj traash, te dukreh tu leskro dji.
3 HOI ANELL TUT PASH I PANJESKRI CEREMONIA
“Miro Dewel, me khamau te krap o djiestar, hoi tu khameh. Un tiro lab hi an miro dji” (Gilja 40:8, 9)
Hoi hunte kress glanstunes, te nai deh tu i Jehowes tiro Sowel?
-
AN O BIBLAKRO KURSO HUNTE KRESS TU I BIBLAKRO RODEPEN
Tu hunte brindjeress i Jehowes, ninna i Jeses. Tu te brindjereh len fededa, well tiro gamlepen bareda.
-
TU HUNTE KRESS TIRO PATSEPEN SORLEDA
Ap i tsele laba o Dewlestar hunte patsess. Tu hunte patsess ninna, gai lell men o Jeseskro merepen dran i doosh un o merepen win.
-
TUKE HUNTE KHAITELL TIRI DOOSH
An tiro dji hunte dukell tuke kowa hallauter, hoi krajal an tiro phuro djipen.
TU HUNTE RISSRESS TUT
Tu mukeh ko tchilatcho kooma un kreh kowa, hoi tchatcho hi.
-
TU HUNTE DESS I SOWEL
An i mangepen peneh tu ap i Jehoweste, gai deh tut sowel, gai djiweh tu leske un gai hi kowa o baresta an tiro djipen, hoi job khamella.
^ Abs. 3 Ko lab “te thowell” hi gar jaake, ha te thowell jek peskre wasta/peskre pire. An kaja bibla khamenn le ko labeha te penell, gai mukell pes jek te bolell. An i Panjeskri Ceremonia mukell jek pes tseles tel o pani te tchiwell – jaake mukell lo pes te bolell.
