“Hallauter, hoi an o Dewleskro Lab tchindlo hi, tchiwas o Dewel an i menshengre djia” (2. Timoteo 3:16)

Hoske hi i bibla jaake, ha kek wawar libro?

I bibla della an budeda ha 3 200 tchipja, ninna was li milliarde koppe kopiremen.

I bibla penell menge kowa, hoi kek wawar menge penella nai.

• 1. Tessalonikarja 2:13

  Ko jek, gai mukass i bibla te tchinell, hi o Dewel.

• 2. Petro 1:21

  O Dewel mukas morshen kowa te tchinell, hoi an leskro shero his.

“O Dewel ... chochella gar” (Tito 1:2)

Hoske patsass nai ap i bibla?

• Jesajah 44:27–45:2

  Circa 200 bersha glan lakro perepen, his an i bibla tchindlo, gai perell o foro Babilon.

• 2. Timoteo 3:​1-5

  Ninna an maro tsiro nai dikah, gai was o profetike lab tchatchepen.

• 4. Mose 23:19

  Mer nai patsah, hoi i bibla pral ko tsiro glan mende penella.

“‘Me khamau tute te sikerell, hawo drom tu hunte djass, un penau tuke, ha tu les djas, un dau jakk ap tute,’ penell o baro Dewel” (Gilja 32:8)

Hoi djineh tu kanne pral i bibla?

• Job 26:7; Jesajah 40:22

  Hoi i bibla penella, hi ninna an o manushengro gosewepen tchatcho.

• 4. Mose 20:2-12

  I biblakre tchinepangre tchinan ninna pral pengri doosh.

• Mateo 5-7

  O Jesus penas menge, ha te wass bachteles, ha te wass latches ap wawarende, ha te mangass, ha te dikass ap i lowe.

“O Dewleskro Lab hi djido un sorlo” (Hebrearja 4:12)

Hoi nai haiweh tu dran o Dewleskro Lab?

• Tu nai haiweh, hoi o Dewel khamella.

• Tu nai haiweh, koon tu an tiro dji hal.

• Tu nai haiweh, hoi o Dewel tutar khamella.

O Dewel khamella, te traberess i bibla, te rodess an late un te well li tuke bud moldo.