“Jaake plaisskerell lo peskro djipaha, te lell lo bud menshen dran o tchilatchepen un o merepen win” (Marko 10:45)

Hoske hunte well menge o win-gindo-lowe?

• 1. Mose 3:17-19

  Adam ma shunas ap i Dewleste. Jaake ma atchas job i maal i Jehowestar. Job nashras peskro perfekt djipen an o paradiso.

• Remarja 5:12

  Hoi o Adam krajas, anas i doosh ap mende. Jaake was o merepen pral mende.

• Efesarja 1:7

  O win-gindo-lowe hi kowa, hoi o Jehowah lella, te nai lell lo men dran i doosh un o merepen win.

“O Dewel tsikeras men peskro gamlepen, ha bitcheras lo peskro tchawes ap kai phub, te las mer lestar o tchatcho djipen” (1. Johanni 4:9)

Ha anas o Jehowah menge o win-gindo-lowe?

• Gilja 49:7-10

  Kekes mendar hi doha lowe, te nai ginell lo pes ko perfekt djipen, hoi o Adam nashras.

• Luka 1:35

  O Jehowah bitcheras peskro tchawes, koones job o djiestar gamella, ap i phub. Job was boldo un ap leste his kek doosh.

• Remarja 3:23, 24; Hebrearja 9:24

  O Jeseskro perfekt djipen his bud moldo. Ha o Jesus i muhlendar djangeras, djas job pale an o bollepen. Kote das job o moldepen peskro perfekt djipastar i Jehowes. Jaake was o win-gindo-lowe plaiskemen.

“Job khossella haki swar ap lengre jakka tele. Un o merepen dell gar buda” (Debleskro tsiro 21:4)

Hoi hi men dran o win-gindo-lowe?

• 1. Johanni 1:8, 9

  I doosh mendar nai wella bistedo.

• Hebrearja 9:13, 14

  Menge nai well i djudjo dji glan i Dewleste.

• Remarja 6:23

  Mer nai djiwah hake tsireske.

• Galatarja 2:​20

  O win-gindo-lowe tsikerella, gai o Jehowah un o Jesus men tchatchepaha gamenna.

“O Dewel gamas i menshen jaake bud, te das lo lenge peskro tchawes. Hakeno, koon patsell ap leste, djal gar nashedo” (Johanni 3:16)

Ha te tsikerass mer maro barkepen, gai wajas menge o win-gindo-lowe?

• Johanni 17:3

  Te brindjerah i Jehowes, te brindjerah i Jeses un te krah mer kowa, hoi jon penenna.

• Luka 22:19

  Te wah ketene ap ko diwes, gai o Jeses menge meras, te ma bisterass o Jeseskro merepen.

• Johanni 3:36; Jakobo 2:26

  Hi gar doha, te penass, mer patsah ap i Jeseste. Tu hunte kress ninna, hoi job penas, te krass mer.