“O merepen dell gar buda” (Debleskro tsiro 21:4)

Hawo latcho lab dell i bibla menge, te nashram jekes an o merepen?

• 2. Korintarja 1:3, 4

  Te hi jek an maro dji un job merella, nai well kowa an mende jaake, ha te perals hallauter ketene. I biblatar lah mer soor.

• Jesajah 25:8; 26:19

  I Jehowes hi koj soor, te nai lell lo o merepen krik. I muhlen krell job ninna pale djides.

“Tchai, me penau tuke: ‘Ste pre!’” (Marko 5:41)

Hoske nai patsah ap o djangepen?

• Johanni 11:1-44

  O Jesus djangeras i Lazares.

• Marko 5:22-24, 35-42

  O Jesus djangeras i tikni tchat.

• Johanni 11:41, 42

  Koj soor, te krell lo i muhlen pale djides nai, las o Jesus i Jehowestar.

• Johanni 12:9-11

  Bud dikann pengre jakkentsa, gai djangeras o Jesus i muhlen. Ninna kola, gai tchilatcho ap leste hins, djinan, gai his les koj soor, te nai krell lo kowa.

“Tiro prahl stella pale i muhlendar pre” (Johanni 11:23)

Koon wella djangedo?

• Johanni 5:28, 29

  Kola, gai an o Jehoweskro shero hi, lenn o djipen pale.

• Bitchepangre 24:15

  Latche un tchilatche wenna djangedo.

• Jesajah 40:26

  O Jehowah brindjerell o lab i tsele bollepaskreskre momlia. Jaake haiwah mer: O Dewel bisterella tchi kolendar, gai meran.

“Me djau koi un dikau, te wenn kol iseme tumenge gerdo” (Johanni 14:2)

Koon lell o djipen an o bollepen?

• 1. Petro 3:18

  O Jesus his o glanstuno, gai was djangedo, te lell lo o djipen an o bollepen.

• Luka 12:32

  O Jesus penas, gar bud peskre maalendar lenna o djipen an o bollepen.

• Debleskro tsiro 14:1

  O Jehowah khamas, te djiwenn 144 000 pash peste an o bollepen.