“Te well ko tsiro sig, gai tu o rai hal pral i tseli phub! Te krenn i menshe ap i phub kowa, hoi tu khameh, jaake ha ninna kola an o bollepen krenna, hoi tu khameh” (Mateo 6:9-13)

Hoi djinah mer pral o Dewleskro Them?

• Debleskro tsiro 11:15

  O Dewleskro Them hi i pralstuni an o bollepen, hoi an i tikno tsiro ninna pral i phub rajella.

• 1. Timoteo 6:15

  O Jesus hi i krahlo an o Dewleskro Them.

• Debleskro tsiro 14:1, 4

  144 000 manusha rajenn i Jeseha ketene an o bollepen.

• Hebrearja 4:​15; 5:8

  O Jesus un kola 144 000 haiwenn men mishto. Jon djinenn, hawi probleme trul mende hi un ha menge djala.

“Job hi ko tchatchepaskro rai, gai djal pal o tchatchepen” (2. Timoteo 4:8)

Hoske hi o Jesus o fedesta krahlo an o Dewleskro Them?

• 1. Timoteo 6:16

  Hako pralstuno ap i phub hunte merella. O Jesus djiwell hake tsireske. Ko tselo latchepen, hoi o Jesus menge krella, atchella hake tsireske.

• Jesajah 11:2-4

  Kek phubjakro pralstuno nai krell jaake bud latchepen, ha o Jesus nai krella. Les hi budeda soor, ha i tsele pralstune ketene gindo. Job hi fair un haiwell mari dukh an peskro dji.

“Kanna hi o Dewel un leskro tchawo, o Jesus Christo, i raja pral i tsele menshende ap i phub hako tsireske” (Debleskro tsiro 11:15)

Hoi kras o Dewleskro Them an maro tsiro? Hoi krell o Them an ko tsiro glan mende?

• Debleskro tsiro 12:7-12

  An o bersh 1914 wajas o Jesus o krahlo an o Dewleskro Them. Balle witseras job i benges dran o bollepen ap i phub. Doleske denn jaake bud probleme, dukha un bibacht ap i phub.

• Ketenepaskro 8:9; Debleskro tsiro 16:16

  An Armageddon krell o Dewleskro Them haki tchilatchi un midjak pralstuni paash.

• Gilja 37:10

  Kola, gai khamenn tchilatcho kooma te krell, ma atchenna djides.

• Debleskro tsiro 22:1-3

  Te rajell o Dewleskro Them pral i phub, well kek buda nasslo, kek merella. Hakeno sharell o Dewleskro lab.