Mer te khamah, te dikell o Jehowah latches ap mende, hunte shunass mer ninna ap i wawareste, gai bud moldo hi. Glan i Adameste gerdas o Jehowah i sorlo bollepangres an o bollepen.

Koles bitcheras o Jehowah ap i phub. Jaake was job an Bethlehem i tarni tchatar boldes, gai kek romeha ketene his. Lakro lab his Maria. Ko tarnepen las ko lab Jesus (Johanni 6:38).

An peskro djipen tsikeras o Jesus, ha o Dewel hi. Job his jaake latcho un gamles, ha o Dewel. I manusha hins bachteles, gai nashte wan le pash leste. Les his kek traash un jop penas wawerenge o tchatchepen pral o Dewleste Jehowah.

O Jesus kras i nasslen sassto un i muhlen pale djido.

Kola glanstune rashaja chatchan ap i Jeseste. Hoske? O Jesus penas i manushenge, gai kola rashaja len chochan.

I glanstune rashaja khaman i lurdendar, te denn le i Jeses un te marenn le les. I lurde kran kowa ninna.