Jasardian ande martia varekas kai kames but? Ande godia phari vriama shai avela ke pushlian tu “So si kana meras? Shai dikhau pale godolen zhenen kai kamau?”. Ande kako sikaimos ai o kolaver si te dikhas sar del amen pacha so phenel e Biblia pa kako.

1. So si kana meras?

O Jesus phendias ke e martia si sar iek lindri phari. Ande soste mialpe e martia ai iek lindri phari? Kana iek manush sovel gadia phares, chi zhanel so si pasha leste. Gadia kana varekon merel, chi mai aliarel dukh ai chi mai nekezhil. E Biblia phenel ke “le mule chi zhanen khanchi khanchestar” (chito Eclesiastés 9:5).

2. Sar shai azhutil amen te zhanas o chachimos pa e martia?

But manush daran katar e martia ai katar le mule. Te avela aliares godo, so phenel e Biblia pa e martia shai del tu pacha. O Jesus phendias ke o chachimos skepila amen (Iovano 8:32). E Biblia chi sikavel ke ka o manush si vareso kai trail polme te merel, sar sikaven but religionuria. Pala godia khonik chi nekezhil polme te merel. Sar le mule chi zhanen khanchi khanchestar nashtin te keren amenge khanchi nasul. Atunchi nai musai te rhugis pala lende, te lasharas iek pomana vai te das len vareso te na joliavon.

Uni manush phenen ke shai den duma le mulentsa, numa godo nashtilpe. Sar dikhliam le mule “chi zhanen khanchi khanchestar”. Kon pakial ke del duma peske niamonentsa kai mule chi del duma chaches lentsa, si le dujuria chorhe kai thonpe ande lengo than. Pala godia, kana zhanas o chachimos pa e martia arakhel amen katar le angeluria chorhe. Sar o Jehova kamel amaro mishtimos phenel amenge ke chi trobus te rodas te das duma le mulentsa ke zhanel ke godo anel amenge so si nasul (chito Deuteronomio 18:10-12).

3. O chachimos pa e martia

But manush ande lumia chi pakianpe iek fialo pa so si kana meras. Numa, nashtil te avel chachi suako prama kai pakian le manush.

• Kai tu beshes, so pakianpe le manush pal mule?

 4. O chachimos pa e martia skepil amen

Kana sikiuas o chachimos pa e martia, chi mai daras katar le mule. Chiton Eclesiastés 9:10 ai den duma pa:

• Shai keren amenge vareso nasul le mule?

So sikavel e Biblia skepil amen katar suako pakiamos jojamno pal mule, sar te das len vareso ai te luvudis len te na joliavon. Chiton Isaías 8:19 ai Apocalipsis 4:11 [NWT], ai den duma pa:

• So gindis, sar aliarelpe o Jehova kana le manush mangen katar le mule te azhutin len vai kana luvudin len?

5. O chachimos pa e martia del amen pacha

But manush sikile ke kana merena, si te nekezhin pala penge bezeja. Numa del amen pacha so sikavel e Biblia, ke khonik chi si te nekezhil polme te merel, makar kerdias but prame nasul. Chiton Romanos 6:7 [NWT] ai den duma pa:

• E Biblia phenel ke kana varekon merel, pokinel le bezeja kai kerdias kana trailas. Atunchi, shai nekezhin le mule pala le bezeja kai kerde?

Sode mai prinzharas ka o Jehova, mai das po gor ke vo chi kerel te nekezhin le mule. Chiton Deuteronomio 32:4 ai 1 Juan 4:8 [NWT], ai den duma pa:

• Kakala verseturia sikaven ke fialo si o Del. Shai mekel vo te aven po kino le manush polme te meren?

• Del amen pacha te zhanas o chachimos pa e martia? Sostar?

 SO DIKHLIAM

Kana le manush meren khanchi anda lende chi mai trail. Le mule chi aven po kino ai chi keren khanchi nasul khanikaske.

So sas te mothos?

• So si kana meras?

• Sostar skepil amen te zhanas o chachimos pa e martia?

• Sostar del amen pacha te zhanas o chachimos pa e martia?