SIKAIMOS 55

Shai azhutis ande kiri congregacion

THO

Pe sa e lumia millonuria manush chidenpe te luvudin ka o Jehova veselimasa. Gadala kristianuria len opre ai si kuchi lenge o sikaimos kai den len kana zhan ande congregacion. Pala godia, ilesa den but pendar te azhutin ande congregacion. Aliares tu gadia kai chides tu?

1. Sar shai azhutis mai but ande congregacion?

Savorhe shai keras vareso ande congregacion. Kai chides tu, prinzhares phralen vai phean kai si phurorhe vai kai si nasuale? Shai azhutis len te aven andel giesa kai chidas amen? Shai azhutis len te kinen vareso kai trobul len vai te avel lengo kher vuzho? (Chito Santiago 1:27, NWT). Vi shai azhutis te khosas e Rig kai chidas amen vai te lasharas vareso kai trobulpe. Khonik chi si te phenel amenge so trobus te keras, amen keras les sostar kamas, pala amaro kamlimos karing o Del ai vi le phralen (Salmo 110:3).

Le Marturia kai si bolde shai keren aver bukia ande congregacion. Le phral kai keren so mangel e Biblia shai aven servitori kai azhutin le phuren ai la vriamasa shai aven andal phure kai azhutin amen. Ai savorhe, phral ai phea, shai aven precursoruria kai den mai but anda pengi vriama te ningeren le lashe viesti. Aver Marturia zhan te azhutin kana vazden Riga te luvudin le Devles. Ai aver zhan te beshen ande aver foro te azhutin kal phral ai phea kai si kotse.

2. Sar shai azhutis ande congregacion amare loventsa ai aver prame?

E Biblia phenel amenge ke shai luvudis ka o Jehova amare pramentsa kai si kuchi (Proverbios 3:9). Amenge si bari diela te das amare love ai aver prame te shai azhutis kai chidas amen ai vi te zhan angle le lashe viesti pe sa e lumia (chito 2 Corintios 9:7, NWT). Ai le pramentsa kai das amendar keras te zhal angle e buki te azhutin godolen kai jan kino pala so zhalpe ande lumia. Pala godia but sam sikade te garavas vareso te shai azhutis (chito 1 Corintios 16:2, NWT). Shai thas le love kai garadiam ande iek caja kai tholpe le love kai chidas amen vai ande amari rig po internet donate.dan124.com. O Jehova mekel amen te sikavas amaro kamlimos karing leste le pramentsa kuchi kai si amen.

TE MAI SIKIOS

Dikhta so shai keres te azhutis ande kiri congregacion.

3. Shai azhutis ande congregacion le pramentsa kai si tu

O Jehova ai o Jesus kamen ka godo manush kai del veselimasa. Ai zhanas godo ke o Jesus lias sama o sakrifisio kai kerdias iek phivli. Chiton Lucas 21:1-4 [NWT] ai den duma pa:

Trobus te das but love te veselis ka o Jehova?
Sar aliarenpe o Jehova ai o Jesus kana das ilesa?

Te zhanas kai zhal so das amendar, dikhen o VIDEO. Polme den duma pa:

VIDEO: Das vareso anda o ilo ka o Jehova (4:47)

Sar azhutil so das amendar ka suako congregacion pe sa e lumia?

4. Shai keres vareso te azhutis

De dumut le servitori katar o Jehova arakhenas ai lasharenas veselimasa le riga te luvudin le Devles, ai na numa kerenas godo penge loventsa. Chiton 2 Crónicas 34:9-11 ai den duma pa:

So kerde sa la israelituria te arakhen o kher katar o Jehova?

Agies vi le marturia le Jehovaske keren gadia, dikhen o VIDEO. Polme den duma pa:

VIDEO: Trobus te arakhas le Riga kai luvudis le Devles (3:31)

Sostar si bari prama te avel e Rig kai luvudis le Devles vuzhi ai shukar?
So shai keres te azhutis te avel gadia?

5. Le phral shai thon but pendar te mai keren buki le phralenge

Ande Biblia phenelpe ke le Devles plachal les kana le phral barion ando chachimos ai keren mai but te azhutin ande congregacion. Te prinzhares iek phral kai kerdias gadia, dikhen o VIDEO. Polme den duma pa:

VIDEO: Phralale, keren buki te barion ando chachimos (5:23)

Save prame kerdias o Ryan te bariol ando chachimos ai te mai azhutil ande congregacion?

Ande Biblia motholpe so trobul te kerel iek phral te shai avel servitori vai phuro ande congregacion. Chiton 1 Timoteo 3:1-13 [NWT] ai den duma pa:

Sar trobul te avel iek phral kai kamel te avel servitori vai phuro?
Sar trobul te avel leski tsera? (Dikhen le verseturia 4 ai 11).
Savo mishtimos shai las ande congregacion kana le phral thon pendar te aven sar phenel e Biblia?