Si o Del pe sa le riga?
So sikavel e Biblia
O Del dikhel sa ai usil peski zor ande so vo kamel (Proverbios 15:3; Zhiduvuria 4:13). Numa e Biblia chi sikavel ke o Del si ande sa le riga, ai ande sa le prame. Sikavel ke si iek dujo ai si les iek rig kai beshel.
Sar si o Del: Vo si iek dujo (Iovano 4:24). Pala godia, chi iek manush nashtil te dikhel les (Iovano 1:18). Andel visionuria katar e Biblia, o Del sikavelpe numa pe iek rig, na ande sa le riga (Isaías 6:1, 2; Sicharimos 4:2, 3, 8).
Kai beshel: O Del beshel ande iek rig dujoski, iek rig kai nai sar e phuv. Vo si les iek rig andel cheri kai beshel (1 Reyes 8:30). Ande Biblia mothol ke iek data le angeluria gele kai sas o Jehova, a godo sikavel ke o Del si les iek rig (Job 1:6).
Te avela ke o Del nai ande sa le riga, chachimasa shai arakhel man?
Ei. Makar vo trail ande iek rig dujoski, si leske pala sa le manush la lumiake. Dikhel kal manush kai thas amendar te pakias lesko mui ai azhutil amen (1 Reyes 8:39; 2 Crónicas 16:9). Sar sikavel ke si leske pala amende ai arakhel amen?
Kana rhugis: Kana getosaras te rhugis zhanas chachimasa ke o Jehova ashundias so phendiam leske (2 Crónicas 18:31).
Kana aliaras amen nekezhime: “O Jehova si pasha godola kai si lengo ilo dukhado, skepil godolen kai si defial nekezhime” (Salmo 34:18).
Kana trobul amen iek lasho suato: Mashkar leski Vorba, e Biblia, o Jehova del amen o jaraimos ai ningerel amen po drom kai trobus te zhas (Psalmo 32:8, E Nevi Viasta ai o Psalmo [ENV]).
Ginduria kai nai chaches ke o Del si pe sa le riga
Uni manush phenen: O Del si pe sa le prame kai vo kerdias.
O chachimos: O Del chi trail pe Phuv ai pe chi iek rig kai vo kerdias (1 Reyes 8:27). E Biblia sikavel ke le cheraia ai aver prame kai vo kerdias den les barimos (Salmo 19:1). Numa godo chi sikavel ke o Del trail andel prame kai vo kerdias, sar iek manush kai forbol chi trail andel prame kai kerdias. Gadia sar so forbol o manush shai sikavel amen prame pa leste, sa so dikhas kai kerdias o Del sikavel amenge ke fialo si, sikavel amen leski zor, lesko jaraimos ai lesko kamlimos (Romanuria 1:20).
Uni manush phenen: Ka o Del nashtil te avel les sa e zor ai te zhanel sa te avela ke nai pe sa le riga.
O chachimos: O sunto dujo si e zor le Devleski, e zor kai shai kerel sa le prame. Mashkar o sunto dujo o Del shai zhanel sa so nakhel ai makar vo nai ande suako rig shai kerel fersavi prama kana ai kai vo kamela (Psalmo 139:7 [ENV]).
Uni manush phenen: Psalmo 139:8 [ENV] sikavel ke o Del si pe sa le riga, sostar mothol: “T’ankliava me ande le cheri, tu san kothe; Te me sovava kai si le mule, eta tu san kothe”.
O chachimos: Gado texto chi sikavel ke o Del si pe sa le riga, sikavel shukar vorbentsa ke shai azhutil amen avasa kai avasa.
a E Biblia phenel ke o anau katar o Del si Jehova.
Shai avela plachal tu
SO PUSHAS AMEN PA E BIBLIA
So si o sunto dujo?
Si pala soste ke e Biblia mothol ke o sunto dujo si sar o “vast” le Devlesko.
PA AMENDE
Mang te zhas tute
Dikhta so phenel e Biblia pa iek divano vai sikio mai pal marturia le Jehovaske.