ЛЭ МОИСЕЁСКО законо мэкэлас, кай и мануша тэ солахан. Но андэ лэ Иисусости время евреёря линэ тэ солахан пэ кажно алав, кай и мануша тэ патян кодэлэсти, со вонэ ԥэнэнас. Но о Иисусо важ када сындосардя лэн. Во када тердя дуй разоря. Во сытярэлас: «Мэк тумаро алав „да“ авэл „да“ и тумаро „най“, „най“» (Матф. 5:33—37; 23:16—22).

Андо «Теологическо словарё Нового Завета» ԥэнэнпэ, со запистромэ андэ книга Талмуд, кай всаворэ евреёря солаханас. Вонэ присытелэ тэ дэн солах пэ кажно пэско алав, кай и мануша тэ патян кодэлэсти, со вонэ ԥэнэн. Андо Талмуд пистромэ, сави солах трэбуй о мануш тэ зритярэл, ай сави най (Theological Dictionary of the New Testament).

Но пала када сындосардя най кати о Иисусо. Акэ, со пистросардя иудейско историко Иосифо Флавий пала мануша анда ек секта: «Любо алав, саво вонэ ԥэнэн, май баро, чем и солах, сави вонэ никала на дэн. Вонэ гиндон, кай тэ дэн солах май хуже, чем тэ на зритярэн ла. Вонэ гиндон, кай если лэ манушэсти патян тоди, кала во солахал, када мануш хохавно. Андэ апокрифическо книга Премудрости Иисуса, сына Сирахова ԥэнэнпэ: «Человек, часто клянущийся, исполнится беззакония» (Сирах 23:11, Синодальный перевод). О Иисус Христос сындосардя, кала пэ кажно алав дэн солах. Если амэ вся время ԥэнас чачимос, амэнди на трэбуй тэ дас солах, кай амэнди тэ патян.