Кала о мануш простий, во на ритярэл андо ди холи. Но када на сыкавэл, кай во тэ на шол сама пэ кода, со тердяпэ или тэ терэл муй, кай нисо на сас.

БИБЛЕЙСКО ПРИНЦЫПО. «На холявэн ек пэ ек и анда вся оди простин ек еқэс, если варикастэ исин васо тэ холявэл пэ авэр» (Колоссянам 3:13).

«Если тути варико куч, тоди ту на шоса сама пэ кода, со лэстэ най кадя вижал, но диқэс пэ кода, сар во старыийпэ тэ парудёл» (Эроно).

Кала ритярэс и холи андо ди, кадэлэстар можэт тэ римойпэ о зор и тэ авэл ԥарэс по ди. Ужэ на ԥэнас пала кода, кай кадэлэстар можэт тэ роспэрэлпэ о ери.

«Еқвар мэрно хулай фартэ ман холярдя, но потом мангля ман, кай тэ простисарав лэс. Манди сас ԥарэс када тэ стерав. Прожыля время и мэ простисардэм лэс. Сар дэ най драго, кай мэ на стердэм када инке кала, манди ужэ дэлмут авелоп май вушэро» (Джулия).

ПУШ ПЭСТАР

Кала пэ авэр разо о хулай или хулаи холярэла тут, пуш пэстар

• «Можэт мэ вся пашэ прилав каринг о ди?»

• «Када кацави дэ бари бида, кай манди трэбуй тэ ԥэнэн простисар? Чи фэдэр тэ на шав сама пэ кода, со сас?»

ПОДЭН ДУМА ЕК ЕҚЭСА

• Скати тумэнди трэбуй время, кай тэ простин ек еқэс?

• Со можно тэ стерэн, кай йто тэ простин ек еқэс?

СОВЕТОРЯ

• Если о хулай или хулаи тут холярдя, на гиндосар, кай во или вой спецыально када стердя.

• Старысав тэ полэс, васо кадя пэс андярдя о хулай или хулаи и сэр, кай амэ всаворэ часто шылисавас (Иакова 3:2).

«Вушэро тэ простис, если тумэ лэдуй дошалэ. Май ԥарэс, кала здэлпэ, кай ту ни андэр со найдошало. Кай тэ простин о хулай или и хулаи ек еқэс, трэбуй тэ пэрэуштавэн через пэстэ» (Кимберли).

БИБЛЕЙСКО ПРИНЦЫПО. «Йто поладисар кодэлэса, ко тут дошалярэл» (Матфея 5:25).