ВАЖ О ХУЛАЙ И ХУЛАИ
3. Стов патив
ВАСО?
О хулай и хулаи, савэ стон патив ек пэ еқэстэ, на парашэн тэ любин ек еқэс дажэ, кала гиндон най еқэндар. Андэ книжка «Десять советов, которые преобразят ваш брак» пистромэ: «Кацавэ еря обжан кода, кай кажно тердёл пэ пэско. Вонэ стон патив и виашунэн ек еқэс, кай тэ полэн, андэр со тэ уступин ек еқэсти» (Ten Lessons to Transform Your Marriage).
БИБЛЕЙСКО ПРИНЦЫПО. «И любовь... на родэл пэско» (1 Коринфянам 13:4, 5).
«Тэ став патив пэ хулаи, када тэ обжавпэ ласа драго и тэ на терав кода, через со о ери можэт тэ роспэрэлпэ» (Майко).
ВАСО КАДА ВАЖНО?
И учони ԥэнэн через кода, кай о хулай и хулаи на стон патив ек пэ еқэстэ, нащи диқэн ек пэ ек, вонэ лэн тэ подасанпэ ек еқэстар, ԥэнэн, кай вся най кадя, лэн тэ дэн амрая ек еқэс, и через када вонэ йто моӷут тэ розжанпэ.
«Если о хулай ехидно андярэл пэс пэстиря хулаяса, приасалпэ латар, и ехидно ԥэрясует ласа, через када лати можэт тэ авэл ԥарэс. Вой можэт тэ парашэл тэ патял лэсти и тэ ужалтар» (Брайано).
СО МОЖНО ТЭ СТЕРЭС?
ПУШ ПЭСТАР
Важ о курко шув сама, со ту дэс дума и сар пэс андярэс. Тоди пуш пэстар
«Со май часто мэ терав, хвалисарав или ԥэнав, со най кадя стердя?»
«Андэр со дицол, кай мэ став патив по хулай или хулаи?»
ПОДЭН ДУМА ЕК ЕҚЭСА
Пар со дицол, кай пэр тутэ стон патив?
Пар со дицол, кай пэр тутэ на стон патив?
СОВЕТОРЯ
Погиндосар пала кода, андэр со ту камлоп, кай пэр тутэ тэ стон патив. Кадяжэ манг лэ хулас или ла хулая тожэ тэ погиндой пала када. Тоди подэн дума и пристон зор, кай кадя тэ терэн.
Погиндосар пала кода, со тути фартэ чалёл андо тиро хулай или хулаи. Тоди ԥэн лэсти или лати, васо во фартэ тути куч.
«Дицола, кай ту стос патив по пэско хулай, кала ту пэ дила сыкавэса, кай во тути куч. И када май важно тэ дицол най кати андэ бари дила, но и андэ мелочи» (Меган).
Ай тирэ хуласти дицол, кай ту стос пэр лэстэ патив, чи кати ту гиндос, кай тутэ када драго вижал? Ай тиря хулаяти дицол, кай ту стос пэр латэ патив?
БИБЛЕЙСКО ПРИНЦЫПО. «Утидэнпэ андэ бари любовь, кай тэ полэн и тэ жалуин, и андо лашимос. На гиндон пала пэстэ бут, тэ авэл тумэндэ ковло ди, и тэ ӷанэн тэ аштярэн» (Колоссянам 3:12).
