МАНУША

Со пистромэ андэ Библия: «О Дэл создал и ԥув „най евья, ай создал ла важ кода, кай пэр латэ тэ жувэн“» (ИСАИЯ 45:18).

ԤУВ

Со пистромэ андэ Библия: «Поколение ужал и поколение авэл, ай и ԥув ашэлапэ пэ вечность» (ЭККЛЕЗИАСТ 1:4).

САР КАДА ТЭ ПОЛАС? Анда Библия дицол, кай амари ԥув авэла вся и время, и всегда пэр латэ авэна тэ жувэн и мануша. Тоди, со када значит конец лэ найлашимасти андэ люма?

ПОГИНДОСАР. Андэ Библия ԥэнэнпэ, кай англа кода, сар тэ авэла конец лэ найлашимасти андэ люма, пэ ԥув авэла кадяжэ, сар кала жувэлас о Ноё. Андэ кодэя время пэ ԥув сас фартэ жэстоки мануша (Бытие 6:13). О Ноё сас лашо мануш англа Дэл. Важ када о Дэл спасысардя лэ Ноёс и лэстирэ ерес, ай лэ найлашэ манушэн во потасадя андо Потопо. Акэ, со пистромэ андэ Библия пала када: «и вся со сас андэ кодэя время, сас уничтожыно, кала кадэва паи вся потасадя» (2 Петра 3:6). Кадя кончисайля и время важ кодэла мануша. Шув сама, со сас уничножэно? Най и ԥув, ай и найлашэ мануша, савэ жувэнас пэр латэ. Важ када, кала андэ Библия пистромэ, кай авэла конец лэ найлашимасти андэ люма, када на сыкавэл, кай авэла уничтожэно и ԥув. И дума жал пала найлашэ мануша, савэ жувэн пэ ԥув. И пала лэндири правления.

ПРОБЛЕМЫ И НАЙЛАШИМОС

Со пистромэ андэ Библия: «Инке найбут, и найлашэ манушэс будэр на авэла, Диқэса кордэ, кай во сас, Ай лэс котэ нинай. Ай кодэлэнди, кастэ ковло ди, ашэлапэ и ԥув И вонэ авэна лошалэ кодэлэстар, кай авэла мирно жызня» (ПСАЛОМ 37:10, 11).

САР КАДА ТЭ ПОЛАС? О Потопо, саво сас андэ лэ Ноёстирэ деса, на уля о найлашимос пэ вся и время. Посли Потопо упалэ появисайлэ найлашэ мануша и вонэ линэ тэ андярэн пэс найдраго. Через када упалэ ашэлэ проблемы. Но ӥто, о Дэл улэла вся о найлашимос пэ вся и вечность. Андэ Библия ԥэнэнпэ, кай будэр на авэла найлашэ манушэн. О Дэл стерэла порядко пэ ԥув через пэско Царство. Лэ Дэвлэско Царство, када правительство по нэбо, саво авэла тэ правий. Пэ ԥув авэна кати кодэла мануша, савэ жувэн па лэ Дэвлэско законо.

ПОГИНДОСАР. Закамэна и правителя андэ кадэя люма тэ отдэн пэстири власть лэ Дэвлэстирэ Царствости? Андэ Библия ԥэнэнпэ, кай най. Хоть када найгодявэрнэс, вонэ дажэ жана против лэ Дэвлэско Царство (Псалом 2:2). Со кадэлэстар вижала? Лэ Дэвлэско Царство залэла и власть кай и правительстворя и екжэно авэла тэ правий вечно. (Даниил 2:44). Но васо трэбуй тэ парувэн лэ манушэндирэ правительства?

Со пистромэ андэ Библия: «Най андэ лэ манушэско зор тэ сыкавэл пэсти каринг тэ жал» (ИЕРЕМИЯ 10:23).

САР КАДА ТЭ ПОЛАС? О Дэл нэ создал лэ манушэн, кай вонэ тэ правин ек пэ еқэстэ. Важ када лэндэ на вижал драго тэ правин и тэ ришын всаворэ проблемы андэ люма.

ПОГИНДОСАР. Андэ «Британско энцыклопедия» ԥэнэнпэ, кай «отдельно правительство на вижала тэ улэл и проблемы кацавэ сар, кала и мануша чорорэс жувэн, боқалимос, насвалимос, бида андэ природа, войны и авэр жэстокость». Андэ кадэя энцыклопедия кадяжэ ԥэнэнпэ: «Дэсавэ гиндон, кай если всаворэ кадэла правительстворя тэ стидэнпэ андэ ек, тоди лэндэ вижала хоть варисо тэ стерэн, кай тэ ришын кадэла проблемы» (Britannica Academic). Но дажэ если лэндэ вижала тэ стидэнпэ андэ ек правительство, лэндэ всаек на вижала тэ ришын всаворэ кадэла проблемы, важ кода кай андэ кадэва правительство авэна найсовершэни мануша. Кати ек лэ Дэвлэско Царство можэт тэ улэл всаворэ кадэла проблемы, важ кода кай лэстэ исин пэ када зор.

Акэ васо андэ Библия ԥэнэнпэ, кай и лашэ мануша на трэбуй тэ даран, кала авэла конец лэ найлашимасти андэ люма. Конец лэ най лашимасти андэ люма када сыкавэл, кай начнётся о раё пэ ԥув.

Кала када авэла? Атвето пэ кадэва вопросо ту уӷанэса анда авэр статья.