«И акэ, авэн внимательни, важ кода кай на ӷанэн ни о дес, ни о часо» (МАТФЕЯ 25:13).

«Диқэн, авэн внимательни, важ кода кай на ӷанэн, кала авэла кадэя время» (МАРКА 13:33).

Сар дицол, ни ек мануш пэ ԥув нэ можэт точно тэ ӷанэн, кала авэла конец лэ найлашимасти андэ люма. Но и время, кала авэла конец лэ найлашимасти андэ люма ужэ витиди. О Дэл стодя точно о дес и время (Матфея 24:36). Вижал амэндэ примерно тэ уӷанас, кала авэла конец лэ найлашимасти андэ люма? Да. О Иисусо ԥэндя пэстирэ учениконэнди, со лэла тэ терэлпэ андэ люма англа кода, сар авэла конец.

Кода, пала со ԥэнэнас о Иисусо, трэбуй тэ авэл англа кода, сар тэ авэл конец кадэла люмати. О Иисусо ԥэндя: «Народо жала пэ авэр народо, и царство пэ авэр царство, андэ ек ҭан и андэ авэр ҭана лэла тэ тинойпэ и ԥув и авэла боқалимос» (Матфея 24:3, 7). Во кадяжэ ԥэнэнас пала кода, кай авэна эпидемии и пандэмии (Луки 21:11). Диқэс ли ту, кай исполнинпэ лэ Иисусостирэ алава?

Войны, боқалимос, землетрясении, ай кадяжэ бут насвалимос и эпидемии, вся када залэл бут лэ манушэндирэ жызни. Например, андо 2004 бэрш, через и бари землетрясения андо Индийско океано сас бари цунами, (када кала ваздэлпэ о паи), через сави помулинэ варикай 225 000 мануша. Ай важ и трин бэрш через и пандэмия COVID-19 помулинэ варикай 6,9 милионоря мануша па вся и люма. О Иисусо ԥэндя, кай кала амэ додиқаса кацаво, када сыкавэл, кай пашол конец кадэла люмати.

Андэ Библия ԥэнэнпэ пала послиднё время кадэла люмати. Пэр латэ ԥэнэнпэ «послидни деса» (2 Петра 3:3, 4). Андэ 2 Тимофею 3:1—5 ԥэнэнпэ, кай андэ послидни деса ӥто ашэна фартэ вэрыти мануша. (Дик рамка « Англа кода, сар тэ авэл конец лэ найлашимасти андэ люма».) Шутян ли ту сама, кай и мануша адес кати пала пэстэ гиндон, жадни, холинатирэ, забистэрдэ, со када тэ любис лэ пашутнэ манушэс. Вся када драго доԥэнэн, кай пашол и время, кай тэ авэл конец лэ найлашимасти андэ люма.

Сар дэ долӷо авэна тэ жан и послидни деса? Сар ԥэнэнпэ андэ Библия, най долӷо авэла тэ жал кадэя время. Тоди о Дэл умарэла кодэлэн, ко римой и ԥув (Откровение 11:15—18; 12:12).

Сар амэ ужэ уӷанглям, о Дэл ужэ витидя о дес и о часо, кала улэла вся о найлашимос андэ люма (Матфея 24:36). Но исин инке райкани новость. О Дэл на камэл, кай варико тэ мэрэл (2 Петра 3:9). Во дэл всаворэ манушэнди возможность тэ уӷанэн, со тэ терэн, кай тэ спасынпэ. Васо во када терэл? Важ кода кай камэл, кай амэ тэ спасысавас и тэ жувас пэ лэстири райкани ԥув.

О Дэл стердя проӷрамма, сави па вся и люма, кай тэ дэл помощь лэ манушэнди, савэ закамэна тэ жувэн тала правления лэстирэ Царствости. О Иисусо ԥэндя, кай и радосно новость пала лэ Дэвлэско Царство авэла росԥэнди па вся и ԥув (Матфея 24:14). Кажно бэрш па вся и люма лэ Иеговастирэ свидетеля проандярэн андэ служэния милиардоря часоря, кай тэ росԥэнэн лэ манушэнди пала библейско надежда, кай вонэ тэ спасынпэ. О Иисусо ԥэндя, кай кадэя кампания важ и служэния авэла англа кода, сар тэ авэл конец.

Ла времяти, андэ сави и мануша правин ек пэ еқэстэ, жал ужэ конец. Но исин лащи новость. Када, кай амэ можэм тэ пэрэжувас, кала авэла конец лэ найлашимасти андэ люма и тэ жувас андо раё пэ ԥув.