Андэ статья, сави сас май англал, амэ уӷанглям, кай о Дэл уничтожыт о найлашимос андэ люма и всаворэ латирэ проблемы. Када стопроцэнтово ӷарантия, важ кода, кай андэ Библия пистромэ

«И ла люмако миро на авэла» (1 ИОАННА 2:17).

Ту можэш тэ авэс уверено, кай авэна кодэла, ко пэрэжувэна конец лэ найлашимасти андэ люма важ кода, кай андэ кадэва жэ библейско стихо пистромэ.

«Ай ко терэл кадя, сар камэл о Дэл, лэла тэ жувэл вечно».

Дицол, кай о мануш тэ жувэл андо раё пэ ԥув, во трэбуй тэ терэл кода, со камэл о Дэл. Ай, кай тэ уӷанэс, со камэл о Дэл, спэрва трэбуй тэ уӷанэс лэс.

О Иисус Христос ԥэндя: «Кай тэ авэл вечно жызня, трэбуй тэ уӷанэн тут, еқэ чачунэ Дэвлэс, и лэ Иисусос Христос, савэс ту бишалдян» (Иоанна 17:3). Кай тэ пэрэжувэс конец лэ найлашимасти андэ люма и тэ жувэс вечно, трэбуй тэ уӷанэс лэ Дэвлэс. На хутилэл кати тэ прижанэс, кай о Дэл исин или набут пала лэстэ варисо тэ ӷанэс. Трэбуй тэ ашэс лэстирэ друӷоса. Кай тэ дружыс варикаса, пэ када трэбуй время и зор. Кадяжэ трэбуй время и зор, кай тэ дружыс лэ Дэвлэса. Давай роздиқаса дэсаво важно чачимос анда Библия, через саво ту можэш тэ дружыс лэ Дэвлэса и тэ фэрис кадэя дружба лэса.

Кай тэ жувас, амэнди трэбуй кажно дес тэ хас. Акэ со ԥэндя о Иисусо: «Лэ манушэсти важ и жызня трэбуй най кати о марно, но и кажно алав, саво ԥэнэн о Иегова» (Матфея 4:4).

Адес лэ Иеговастирэ алава ту можэш тэ виарақэс андэ Библия. Кала адинос кадэя свынто книӷа, ту можэш тэ уӷанэс важно чачимос, пала кода, со терэлас о Дэл андэ дэлмутни время, со терэл акана и со стерэла англэ.

Со если ту камэс тэ кандэс лэ Дэвлэс, но тути ԥарэс тэ на терэс кода, со лэсти фартэ на чалёл. Тути трэбуй май драго лэс тэ уӷанэс.

Акэ со сас андэ жызня еқа манушнятэ анда Азия. Вой на жувэлас па лэ Дэвлэско законо. Кала вой ля тэ изучает и Библия, вой уӷангля, кай лэ Дэвлэсти фартэ на чалёл, если кай о мануш, саво най андо брако исин кода, со можэт тэ авэл кати машкар хулай и хулаи (1 Коринфянам 6:18). Вой мангэласпэ лэ Дэвлэсти, кай во тэ дэл лати помощь и зор, кай тэ на терэл кода, со лэсти на чалёл. Но дэкала лати всаек камэлпэ кода, со лэ Дэвлэсти нэ уӷодно. Вой росԥэнэн: «Кала андо шэро ӷулен билажавардэ гиндоря, мэ росԥэнав вся, сар исин, лэ Иеговасти андэ молитва. Мэ ӷанав, кай мандэ би лэско на вижала када тэ улав. И молитва дэл манди зор и терэл мэрни дружба лэ Иеговаса май састи. Милионоря мануша, кадяжэ, сар кадэя жувли, май драго уӷанэн лэ Дэвлэс. Во дэл лэнди зор, кай вонэ тэ парувэн пэстири жызня, кай лэнди тэ на авэл лажаво англа лэстэ (Филиппийцам 4:13).

Со май драго ту авэса тэ уӷанэс лэ Дэвлэс, со май драго во авэла тут тэ ӷанэн и тэ цэний, сар пэстирэ друӷос (Галатам 4:9; Псалом 25:14). Тоди тири жызня авэла кацави, сар трэбуй, кай тэ жувэс андо раё пэ ԥув. Но саво авэла о раё пэ ԥув? Пала када амэ подаса дума андэ авэр статья.