Андэ кадэя часть росԥэнэнпэ пала кода, со пистромэ андэ Христиански Гречески Писания. О Иисусо арақаделяпэ андо найбарвало ери и вибареля андо найбаро форо. Во терэлас бути пэстирэ дадэса. Лэско дад бут со терэлас анда каш и важ када пэр лэстэ ԥэнэнас плотнико. О Иисусо ашэля спасителё важ и всаворэ мануша. О Иегова стодя лэс царёса андо царство, саво по нэбо. О Иегова стердя вся, кай кадэва ери, андэ саво о Иисусо арақадёлпэ, тэ авэл лашо и тэ полэл и тэ дарал лэ Дэвлэстар. Кала ту адинос кадэя книжка лэ бэятоса, шу сама пэ када. Кадяжэ росԥэнэн, сар о Иегова фэрисардя лэ Иисусос, кала о Иродо камэлас тэ умарэл лэс. Инке росԥэнэн, кай нисо на тердярдя, кай тэ авэл кода, со загиндосардя о Иегова. Ай инке, кай о Иоанно  росԥэнэнас лэ народости, кай авэла о Иисусо. Шон сама, кай о Иисусо жы тэрнэ бэршэндар андэ вся кандэлас лэ Иеговас.