ПОМОЖЫСАР, КАЙ ТЭ АВЭЛ МАЙ БАРО ИНТЕРЕСО
УРОКО 8
Терпения
Библейско принцыпо: «Кодэва, ко любий, тэрпий» (1 Кр. 13:4).
Со терэлас о Иисусо
1. Дик ВИДЕО или адиносар Иоано 7:3—5 и 1 Каринфо 15:3, 4, 7. Тоди погиндосар пала кацавэ вопросоря:
Сости амэ сытювас кай о Иисусо
2. Амэнди трэбуй терпения, важ кода кай дэсавэ манушэнди трэбуй май бут время, кай тэ прилэн и библейско новость.
Тер кадя, сар о Иисусо
3. Используй разни подходоря. Если о мануш сразу на камэл тэ изучает и Библия, на трэбуй пэр лэстэ тэ тасавэс. Кала када трэбуй, сыкав лэсти видео или статьи, андэ савэ росԥэнэнпэ, состэ тэ изучает и Библия и сар прожал и изучения.
4. На сыстосар еқэ манушэн аврэнца. Всаворэ мануша разни. Если варико анда тиро ери или кодэла, каса ту дэс дума пала Библия, отԥэндён тэ изучают или на соӷласинпэ варисоса, со пистромэ андэ Библия, погиндосар, васо во када терэл. Можэт лэсти куч варисо анда кода, андэр со во патял? Ай можэт, пэр лэстэ тасавэл о родо или сосидоря? На бистэр, лэ манушэсти трэбуй время, кай тэ погиндой пала тирэ алава и тэ полэл, пэ скати дэ куч о чачимос анда Библия.
5. Мангпэ пала помощь. Манг лэ Иеговас тэ поможый тути тэ на умэкэс и вас и тэ дэс дума пативалэс. Кадяжэ манг тэ поможый тэ полэс, интересно лэ манушэсти о чачимос и трэбуй ли лэстэ тэ авэс и дальшэ (1 Кр. 9:26).
