Сар ԥэнэнпэ андэ Библия, о Дэл камэл, кай и мануша «тэ на андярэн пэс билажавардэс» (1 Фессалоникийцам 4:3). Андэ Библия о алав «билажавардимос» кадяжэ сыкавэл, кала изменяют андо брако, кала о мурш жувэл лэ муршэса (чи жувли ла жувляса) или кала о мурш и жувли, савэндэ нинай реӷистрацыя, жувэн ек еқэса.

•  Васо важ о Дэл важно, исин реӷистрацыя кай о мурш и жувли чи най?

•  Трэбуй лэ муршэсти и ла жувляти тэ пожувэн дуйжэнэ жы каринг кода, сар тэ жэнинпэ, кай тэ полэн, поджан вонэ ек еқэсти чи най?

•  Со трэбуй, кай о брако тэ авэл састо?

•   О брако создал о Дэл. Во стердя пэрво брако, кала стидя лэ Адамос и ла Ева, кай вонэ тэ авэн ек ери (Бытие 2:22—24). Во на камэлас, кай о мурш и жувли тэ жувэн вмести, если вонэ на жэнисайлэ.

•   О Дэл ӷанэн, со важ амэндэ май фэдэр. О Дэл загиндосардя, кай о брако тэ авэл пэ вся и жызня. Када поможый, кай всаворэ андо ери тэ чуствуют пэс защищёно. Сар и инструкцыя поможый правильно тэ стидас и мебель, кадя жэ и кода, со ԥэнэн о Дэл, поможый, кай тэ авэл састо и бахтало ери. Вся, со ԥэнэн о Дэл, вся и время анэн амэнди кати о лашимос (Исаия 48:17, 18).

•   Кала о мурш и жувли жувэн, сар хулай и хулаи, сар инке на стердэ реӷистрацыя, када можэт тэ анэн каринг и бида. Например, и жувли можэт тэ заԥирэл, хоть вонэ и на камэнас када. Можэт тэ авэл насвалимос, саво пэрэдэлпэ, кала о мурш и жувли совэн ек еқэса, ай кадяжэ можэт тэ авэл ԥарэс эмоцыонально a.

•   Кода, со можэт тэ авэл кати машкар хулай и хулаи — када возможность, кай тэ авэл нэви жызня. Важ о Дэл и жызня свынто, и кай о мануш можэт тэ анэн бэятонэн — када лэско подарко. Во камэл, кай амэ тэ цэнисарас кадэва подарко и тэ стас патив пэ кода, со во ԥэнэн пала брако (Евреям 13:4).

 Кацаво брако, андэ саво ни пэ мурш, ни пэ жувли нинай отвецвенность, на поможыя, кай тэ авэл бахтало ери. Важ кода кай и отношэния машкар дуй мануша ашэн май састэ, кала лэдуй фартэ преданни ек еқэсти и вмести виритярэн о ԥаримос b. О алав, саво дэн ек еқэсти о тэрно и тэрни, поможый, кай и отношэнии машкар хулай и хулаи тэ авэн май састэ (Матфея 19:6).

 Идеально брако нэ бывает. Но если о хулай и хулаи жувэн па библейски советоря, лэнго брако авэла па чачимастэ бахтало. Акэ дэсавэ анда кадэла советоря:

•   Гиндосар спэрва пала кода, со трэбуй тирэ манушэсти, ай най пала кода, со трэбуй тути (1 Коринфянам 7:3—5; Филиппийцам 2:3, 4).

•   Тер вся через и любовь и стов патив (Эфесянам 5:25, 33).

•   Гиндосар англа кода, сар варисо тэ ԥэнэс (Притчи 12:18).

•   На грабисав тэ холявэс и ӥто простисар (Колоссянам 3:13, 14).