O Iehova dea amenghe iech șucar daro, i Biblia. Voi sili cărdi anda 66 lila mai țâne, phangle mașcar pende. Tha daștil-pe că pușes-tu: „Catar avel i Biblia? Con cărdea-la?”. Caște arachas o răspunso cadale pușimatande, te dichas sar arăslea i Biblia amende.

1. Dacă le manușa scriisarde i Biblia, sostar daisaras te phenas că avel catar o Del?

I Biblia sas-li scriime cam 40 murșendar ande 1 600 bărșa, mașcar o bărș 1513 a.a.e. hai o bărș 98 a.e. Codola cai scriisarde-la sas-le zurales diferime iech averestar hai cherenas diferime buchia. Cu sea cadala, sea-l buchia cai scriisarde-le, sas-le phangle mașcar pende. Sar daștisardea-pe cadai buchi? Anda codoia că i Biblia si o Cuvânto le Devlesco. (Citisaren 1 Tesaloniceni 2:13.) Le murșa ci șiute andi Biblia so sas ande lenghi goghi. Von „dine duma le Devlestar, anda codoia că sas-le phirade le spiritostar sfânto” a. (2 Petru 1:21). Ciaces, o Del folosisardea pesco spirito sfânto caște șiol andi goghi cadale murșenghe so vo camlea te scriin. (2 Timotei 3:16)

2. Cas daștil te avel-les iech Biblia?

Manușa anda „orisavi națiunea, tribo, șib hai them” daștin te arachen i vestea lași cai si andi Biblia. (Citisaren Revelația 14:6.) O Del lea sama ca i Biblia te avel ande mai but șiba sar orisavo lil cai sas vroiechdata pi phuv. Cam orisave manușes daștil te avel-les iech Biblia sau te citil-la, oricai beșel sau orisavi șib del duma.

3. Sar lea sama o Iehova pi Biblia?

I Biblia sas-li scriime pe materialea cai ci încărenas but, sar si i morci hai o papiruso. Cu sea cadala voi așilea ji aghies, anda codoia că sas manușa cai dichle-la cuci hai scriisarde-la atento le vasteia mai butivar. Chichiva manușa zurale dine penghi zor caște distrugin-la, tha sas vi manușa gata te meren caște len sama latar. O Iehova ci mechlea niciech buchi hai chanicas te așavel-les, te na mai del amenghe duma. I Biblia phenel: „o Cuvânto amare Devlesco așel anda sea o timpo”. (Isaia 40:8)

 HACHIAR MAI MIȘTO

5. I Biblia așilea ji aghies chiar cana aver manușa camle te distrugin-la

 6. Iech lil anda sea le manușa

I Biblia si o mai traducime hai o mai prinjiando lil andal timpuri purane ji aghies. Citisaren Faptele 10:34, 35 hai pala codoia den duma:

• Sostar camel o Del ca lesco Cuvânto te avel cărdo hai prinjiando ande cadea de but șiba?

• So placial-tu ca i Biblia?

 SO SICHILEAM

I Biblia si o Cuvânto le Devlesco, hai o Del lea sama ca sea-l manușa te daștin te citin-la.

So dichleam

• So însemnol că i Biblia avel catar o Del prin le manușa?

• So pusadea chio ilo cana sichilean anda sar așilea i Biblia ji aghies, sar sas-li traducime hai sar arăslea pe sea i phuv?

• So si ande chio ilo, acana că jianes sar o Del dea peschi zor caște del tuche duma?