LECȚIA 21
Sar si phendi i vestea lași le manușenghe?
Na pa but timpo, prin pesco Regato, o Iehova va chosela sea-l pharimata le manușenghe. Cadai vestea sili cadea de șucar, că sea-l manușa trebun te așunen-la. O Isus camlea ca lesche discipoli te phenen savorenghe cadai vestea lași! (Matei 28:19, 20) Sar cheren le Martori le Iehovasche cadai buchi pala i porunca cai dea-la o Isus?
1. Sar pherdiol-pe ande amare ghiesa o Matei 24:14?
O Isus phendea: „Cadai vestea lași anda o Regato va avela phendi pe sea i phuv”. (Matei 24:14) Le Martori le Iehovasche cheren cadai buchi pherde bucuria. Amen phenas i vestea lași pe sea i phuv ande mai but sar 1 000 șiba! Cadaia si iech buchi zurales bari. Anda codoia trebul te das sea amari zor hai te avas mișto organizime. Cadai buchi ci daștilas te avel cărdi bi te ajutil-ame o Iehova.
2. Sar das amari zor caște phenas le manușenghe i vestea lași?
Amen phenas i vestea lași oricai arachas manușa. Sa cadea sar cărde le creștini anda o iechto secolo, vi amen phenas cadai vestea „chăr chărestar”. (Faptele 5:42) Cadea, daisaras te das duma milioanea manușența ande fiesavo bărș. Anda codoia că ci arachas le manușen sea o timpo chăre, phenas i vestea lași vi andel thana cai chiden-pe but manușa. Amen rodas sea o timpo te das duma le manușența anda o Iehova hai anda so va cherela vo.
3. Con trebul te phenel le manușenghe i vestea lași?
Sea le ciace creștini trebun te phenen i vestea lași averenghe. Anda amende cadai buchi si zurales importanto. Jianas că cadai vestea daștil te salvil i viața le manușenghi, anda codoia das sea amari zor caște das duma chichi mai but lența. (Citisaren 1 Timotei 4:16.) Ci sam pochinde te cheras cadai buchi, anda codoia că i Biblia phenel: „Bi lovengo primisardean, bi lovengo te den”. (Matei 10:7, 8) But manușa ci camen te așunen-ame. Cu sea cadala, amen phenas mai dur i vestea lași, anda codoia că cadea camel o Iehova hai camas te bucurisaras lesco ilo.
HACHIAR MAI MIȘTO
Va avela te diches sar den le Martori le Iehovasche sea penghi zor, caște phenen i vestea lași pe sea i phuv hai sar si o Iehova lența ande cadai buchi.
Phenas i vestea lași pe sea i phuv: A) Costa Rica, B) Statele Unite, C) Benin, D) Thailanda, E) Yap, F) Suedia
4. Das sea amari zor caște arăsas ca sea le manușa
Le Martori le Iehovasche den sea penghi zor caște phenen i vestea lași le manușenghe oricai beșen von. Dichen o MATERIALO VIDEO hai pala codoia den duma:
-
So si ande chio ilo cana diches sar le Martori le Iehovasche den sea penghi zor te phenen i vestea lași?
Citisaren Matei 22:39 hai Romani 10:13-15 hai pala codoia den duma:
-
Sar sicavas prin i buchi cai cheras-la că iubisaras le manușen?
-
Sar dichel o Iehova codolen cai phenen i vestea lași? (Dich o verseto 15.)
5. Amen cheras buchi ande iech than le Devleia
Si but exemplea cai sicaven că o Iehova si amența cana cheras leschi buchi. Sar exemplo, ande iech teharin, iech jiuvli anda Noua Zeelandă manglea-pe le Devlesche te bișalel late varecas cai te ajutil-la te prinjianel-les. Voi phendea lesche po anav, Iehova, cana manglea-pe. Pala numai trin ceasuri, iech phral po anav Paul, cai sas andi buchi le Devleschi chăr chărestar, mardea ca laco udar.
Citisaren 1 Corinteni 3:9 hai pala codoia den duma:
-
Sar sicavel cado exemplo hai vi aver, că o Iehova si amența cana cheras leschi buchi?
Citisaren Faptele 1:8 hai pala codoia den duma:
-
Sostar trebul amenghe o ajutorii le Iehovasco caște cheras leschi buchi?
Jianglean că?
Ca i întrunirea cai si ando mașcar le curchesco, sam sicade sar te phenas averenghe i vestea lași. Dacă sanas ca iech anda cadal întruniri, sar fal-tu o sicaimos cai primisaras-les code?
6. Amen phenas i vestea lași anda codoia că așunas le Devlestar
Ando iechto secolo, sas manușa cai camle te așaven le discipolen le Isusosche caște na mai phenen i vestea lași. Le dintune creștini cărde sea so daisarde caște na hasaren pengo drepto te den duma anda o Del, hai dine sea penghi zor caște cheren ca „i vestea lași te arăsăl te avel legalo”. (Filipeni 1:7) Vi le Martori le Iehovasche de aghies cheren sa cadea. a
Citisaren Faptele 5:27-42 hai pala codoia den duma:
-
Sostar phenas mai dur i vestea lași, chiar cana aver așen amenghe contra? (Dichen le versetea 29, 38 hai 39.)
UNII DAȘTINAS TE PUȘEN-TU: „Sostar jian le Martori le Iehovasche chăr chărestar?”
-
So pheneias lenghe?
SO SICHILEAM
O Isus phendea pesche discipolenghe te phenen i vestea lași sea le manușenghe. O Iehova ajutil pesche manușen te cheren cadai buchi.
So dichleam
-
Sar si phendi i vestea lași pe sea i phuv?
-
Sar sicavas că iubisaras le manușen prin i buchi cai cheras-la?
-
Pachias că dacă phenas averenghe i vestea lași, cadai buchi daștil te pherel amaro ilo bucuriatar? Sostar?
RODE MAI BUT
Va avela te diches sar phenen le Martori le Iehovasche i vestea lași andel bare foruria.
Sar ajutisarde le Martori le Iehovasche codolen cai sas-le refugiați?
I vestea lași arăslea ca le refugiați cai sas-le trușale pala o ciacimos (5:59)
Va avela te diches so bucurii sas iecha pheia anda codoia că alosardea te cherel mai but andi buchi le Devleschi.
Va avela te diches chichiva victorii juridico bare, cai cărde ca i buchi le Devleschi te jial mai dur hai te bariol.
a O Del si codo cai phenel amenghe te cheras cadai buchi. Anda codoia, le Martori le Iehovasche phenen i vestea lași le manușenghe, chiar cana le autorități mechen-le sau nici.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
