Savore camas te aven-ame amala pachivale. Vi o Iehova ajucărel pesche amalendar te aven pachivale. Cu sea cadala, ci si ușoro te aves pachivalo ande iech lumea cai le manușa sile nepachivale. So miștimata si amen cana sam pachivale ande sea-l buchia?

1. Sostar si cadea de importanto te avas pachivale?

Cana phiravas-ame pachivales avere manușența, sicavas le Iehovasche că iubisaras-les hai das-les pachiv. Gândisar-tu: o Iehova prinjianel sea amare gânduri hai sea-l buchia cai cheras-le. (Evrei 4:13) Vo dichel cana alosaras te avas pachivale hai cadaia cherel ca lesco ilo te bariol. Lesco Cuvânto phenel: „O Iehova ci mai daștil te dichel andel iacha codoles cai athavel averen, tha codo orta bucuril-pe catar iech amalimos chidino Leia”. (Proverbe 3:32)

2. Sar daisaras te sicavas că sam pachivale ande sea le buchia?

O Iehova camel ‘te phenas o ciacimos iech averesche’. (Zaharia 8:16, 17) So însemnol cadaia? Cana das duma codolența andai familia, codolența casa cheras buchi, amare phralența sau codolența cai silen autoritatea, amen ci hohavas hai ci phenas dumes cioricane. Iech manuș pachivalo ci ciorel hai ci athavel averen. (Citisaren Proverbe 24:28 hai Efeseni 4:28.) Mai but, vo pochinel sea le taxe hai le impozitea. (Romani 13:5-7) Cadea, „phiravas-ame pachivales ande sea le buchia”. (Evrei 13:18)

3. So miștimata si amen cana sam pachivale?

Cana sam prinjiande sar manușa pachivale, le coaver pachian-pe ande amende. Cadea, cheras ca i congregația te avel sar iech familia cai savore simțosaren-pe andi siguranța. Si amen iech conștiința uji. Mai but, cana phiravas-ame pachivales, ‘cheras mai șucar o sicaimos amare Salvatorosche, o Del’ hai țârdas vi averen ca i închinarea ciaci. (Tit 2:10)

 HACHIAR MAI MIȘTO

5. Phirav-tu sea o timpo pachivales

 6. O phiraimos pachivalo anel amenghe miștimata

Poiechdata, iech phiraimos pachivalo fal-pe că anel numai pharimata. Tha, ji la urmă, dichas că sea o timpo anel amenghe miștimata. Citisaren Psalmo 34:12-16 hai pala codoia den duma:

• Sar ajutil-tu iech phiraimos pachivalo te avel-tu iech viața mai lași?

1. Cana o rrom hai i rromni phiraven-pe pachivales iech avereia, zuriaren penghi căsătoria

2. Cana iech manuș phiravel-pe pachivales ca i buchi, lesche șefos siles mai but pachiamos ande leste

3. Cana phiraven-pe pachivales, le manușa sile mișto dichle catar le autorități

 SO SICHILEAM

O Iehova camel ca lesche amala te sicaven că phiraven-pe pachivales prin sea so phenen hai cheren.

So dichleam

• Ande save buchia trebul te phiravas-ame pachivales?

• Sostar ci si goghiaver te pachias că daisaras te garavas o ciacimos?

• Sostar cames te avel-tu sea o timpo iech phiraimos pachivalo?