17-23 Ka Marsu
AMAPROVERBIA 5
Lisimu 122 Ni Xikhongoto | Mazritu Ya Ku Pfula (1 min.)
1. Fambela Kule Ni Mahanyela Ya Ku Biha Hi Tlhelo Dzra Tinkuku
(10 min.)
U nga ha dzringeka hi ku va ni mahanyela ya ku biha hi tlhelo dzra tinkuku (Pr 5:3; Sentinela 15/07/2000 p. 29 § 1)
Mahanyela ya ku biha hi tlhelo dzra tinkuku ma tisa mihandzru leyi bavaka (Pr 5:4, 5; Sentinela 15/07/2000 p. 29 § 2)
Fambela kule ni mahanyela ya ku biha hi tlhelo dzra tinkuku (Pr 5:8; Sentinela 15/07/2000 p. 29 § 5)
Makwezru wa xisati lweyi a yalaka ku nyika numeru yake djaha dzra kukazri
2. Tindzralama Ta Moya
(10 min.)
-
Pr 5:9—Xana ku va ni mahanyela ya ku biha hi tlhelo dzra tinkuku swi ‘nyika van’wana ku twala kwaku’ [kumbe ku susa lisima] hi ndlela yini? (Sentinela 15/07/2000 p. 29 § 7)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Ka Bibele
(4 min.) Pr 5:1-23 (th dondzro 5)
4. Ku Sungula Mabulu
(3 min.) KU ZREZRA KA LE LIVALENI. Zramba mhunu lweyi a kalaka a nga li mukriste leswaku a va kone a Xidzrimuxweni, u gama u mu komba ndlela ya ku kuma lomu Xidzrimuxo xi taka hambeliwa kone. (Zrandzra Vhanu dondzro 6 mhaka 4)
5. Ku Hamba Timpinda
(4 min.) HI MUTI NI MUTI. Ka liyendzro ledzri khalutiki, lweyi u mu nyikiki xizrambu a xi yamukelile a tlhela a kombisa ku nyonxela. (Zrandzra Vhanu dondzro 9 mhaka 5)
6. Ku Yentxa Vadondzrisiwa
(5 min.) Hanya Hi Ku Nyonxa! xidondzro 16, nkatsrakanyu, mpfuxeto ni lwela leswi. Loko lweyi u dondzraka na yene a ku vutisa leswaku Yesu a a txhatile kumbe im-him, mu kombe ndlela ya kuva a hamba wusetxhi akuva a kuma nhlamulo. (Zrandzra Vhanu dondzro 11 mhaka 4)
Lisimu 121
7. Tikazrateli Ku Tsrhama Na U Basile Loko U Namorara
(15 min.) Ku bulisana ni vayingiseti.
Hi ntolovelo, ku namorara ku nga ha hlaya “hinkwaswu leswi vhanu vabidzri va swi yentxaka akuva va kombisa leswaku va zrandzrana”. Leswo va nga ha swi yentxa na va voniwa hi van’wana, loko va li wuswavu, a xihundleni, loko va khanela hi telefone kumbe loko va zrumelana mamensaji. A hi fanelanga hi teka ku namorara swanga ntxhumu wa ku tlanga ha wone kumbe ndlela ya ku hungata, kambe hi fanela ku ku nyika lisima, hi vona ku namorara swanga ndlela leyi hi yisaka ka mutxhatu. He yini yin’we ya mintxhumu leyi nga pfunaka vhanu, swi nge na mhaka ni leswaku i vampshwa kumbe i vakulu akuva va tingawula mahanyela ya ku biha hi tlhelo dzra tinkuku loko va namorara?—Pr 22:3.
Txhaya VHIDIYU ledzri liki Ku Tilulamisela Ku Txhata—Xiyenge 1: Xana Ni Lulamile Akuva Ni Namorara?—Xitlephu. U gama u hamba swivutiso leswi landzrelaka ka vayingiseti:
-
Ha yini mhunu a nga fanelanga ku sungula ku namorara na a nge si na tilulamisela akuva a txhata? (Pr 13:12; Lk 14:28-30)
-
I yini leswi u swi zrandzriki ka ndlela leyi vapswele va pfuniki n’wanavu wa xisati ha yone?
Dondzra Amaproverbia 28:26. U gama u hamba swivutiso leswi landzrelaka ka vayingiseti:
-
Xana vhanu lava namoraraka va nga kunguhata na ke he nkama hi ndlela yini akuva va tingawula swiyimu leswi va nga kumekaka na va li wuswavu, lani hi ku nabyala va nga dzringekaka ku va ni mahanyela ya ku biha hi tlhelo dzra tinkuku?
-
Ha yini ku li wutlhazri kuva lava namoraraka va bulisana na ke he nkama mayelanu ni ku va ni swipimelo ka ndlela leyi va kombanaka matitwela yavu ha yone loko swi ta mhakeni ya ku khomana hi mavoko ni ku nyuntana?
Dondzra Vaefesa 5:3, 4. U gama u hamba xivutiso lexi landzrelaka ka vayingiseti:
-
I yini leswi lava namoraraka va fanelaka ku va na swone a miyanakanywini mayelanu ni mabulu yavu hi telefone kumbe loko va tizrisa maredi sosiyali?
8. Dondzro Ya Bibele Ya Bandla
(30 min.) Nyikela Wumboni ndzr. 10 §§ 13-21
