Yin’we ya tindlela leti vapswali va nga pfunaka vanavu ha yone i ku va pfuna ku susa londzrovoto ka mintlhanganu ya wukriste. Leswi vampshwa va swi vonaka, ku swi yingela ni ku swi hlaya ka tiyangulu tavu, swi nga va pfuna ku dondzra ha Yehovha ni ku tlhela va va ni wunghanu na yene. (Dt 31:12, 13) Loko u li papayi kumbe mamana, u nga va pfunisa kuyini vanaku akuva va susa londzrovoto a mintlhanganwini?

• Yentxa hinkwaswu leswi u nga swi kotaka akuva u hlalela mintlhanganu hi xivizri.—Ps 22:22

• Tinyiki nkama wa ku bulisana ni vamakwezru na mintlhanganu yi nga si sungula kumbe loko yi gamile.—Hb 10:25

• Tiyiseka leswaku xizro xin’wana ni xin’wana xa ndangu xi na dzrone buku ledzri tizrisiwaka mintlhanganwini, ku nga ha va ledzri gandlisiwiki kumbe dzra eletroniku

• Pfuna n’wanaku ku nyikela nhlamulo hi ku tizrisa mazritu yake.—Mt 21:15, 16

• Vulavula ha hombe hi mintlhanganu ni leswi hi nga swi dondzraka ka yone

• Kutxa vanaku ku patsreka ka mintizro ya ku fana ni ku basisa yindlu ya wugandzreli ni ku tlhela va bula ni vamakwezru lava kuliki hi ntanga

Ku pfuna vana leswaku va va ni wuxaka na Yehovha swi djula ku tikazrata nakone minkama yin’wana swi nga ha kazralisana. Kambe a mi wuswenu, Yehovha a tiyimisele ku mi pfuna.—Eza 40:29.

HLALELANI VHIDIYU LEDZRI LIKI VAPSWELE, DUMBANI YEHOVHA NI NTAMU WAKE, MI GAMA MI HLAMULA SWIVUTISO LESWI LANDZRELAKA:

• Xana ku kazrala ku va khumbise kuyini vatekani lava?

  Nhlamulo

• Ha yini vapswali va fanela ku kombela mpfunu wa Yehovha?

  Nhlamulo

• Xana vapswali lava swi va fambele ha hombe hi kuva va dumbe Yehovha hi ndlela yini?

  Nhlamulo