Xana Xikwembu Nkulukumba A Ni Mavito Mangani?
Nhlamulo Ya Bibele
Xikwembu Nkulukumba a ni vito dzrin’we ntsena dzra ximhunu. Hi Xiheberu dzri tsralisiwa xileswi יהוה kasi hi xizronga dzri talisa ku vitaniwa swanga “Yehovha.” * Hi ku tizrisa muprofeta Ezaya, Xikwembu Nkulukumba a te: ‘Hi mine Yehovha, hi dzrone vito dzranga.’ (Ezaya 42:8) Vito ledzri dzri humelela makhambi ya kolomu ka 7000 ka makopiya ya khale ya Bibele. A ku na vito dzrimbeni a Bibeleni ledzri humelelaka makhambi ya manyingi ku fana ni ledzri. Vito ledzri mfuzri ko va dzrone dzri humelelaka minkama yinyingi ku tlula xiga xin’wana ni xin’wana lexi tlhamuxelaka Xikwembu Nkulukumba kumbe vito dzrini na dzrini dzra ximhunu. *
Xana Yehovha A Ni Mavito Mambeni?
Nambi leswi Bibele dzri tizrisaka vito dzrin’we ntsena dzra ximhunu akuva dzri vulavula hi Xikwembu Nkulukumba, dzri tlhela dzri tizrisa mavitanela mambeni akuva dzri vulavula ha yene. Nxaxamelo lowu landzrelaka wa man’we ya mavitanela wolawo ni mintlhamuxelo wu kombisa xa kukazri mayelanu ni wumhunu kumbe matsrhamela ya Yehovha.
Mavitanela |
Lomu dzri humelelaka kone |
Ntlhamuxelo |
|---|---|---|
Allah |
(A ku kone) |
Zritu “Allah” dzri pfa ka xiharabe nakone a hi vito dzra ximhunu, kambe ko va mavitanela lama tlhamuxelaka leswaku “Xikwembu”. Wundzruluteli bya Bibele hi xiharabe ni hi tindzrimi timbeni byi tizrisa zritu “Allah” akuva byi ndzrulutela mavitanela lama liki “Xikwembu”. |
Wa Ntamu Hinkwawu |
Genesis 17:1 |
A nga kone a nga ni ntamu wa ku tlhasa ka Xikwembu Nkulukumba. Zritu dzra Xiheberu ledzri liki ʼEl Shad·daiʹ, “Xikwembu Nkulukumba wa Ntamu hinkwawu”, dzri humelela 7 wa makhambi a Bibeleni. |
Alfa na Omega |
“Wa ku sungula ni wa wugamu” kumbe “masungulo ni wugamu.” Leswi swi tlhamuxela leswaku a ku samanga ku va ni Xikwembu xa Ntamu Hinkwawu handle ka Yehovha nakone a xi nge he vi kone. (Ezaya 43:10) Alfa na Omega i maletela ya ku sungula ni dzra wugamu ka maletra ya Xigrika. |
|
Lwe Wa Masiku |
Xikwembu Nkulukumba a nga vanga na masungulo. A ve kone hi la ku nga helikiki na ku nge si na vumbiwa mhunu kumbe ntxhumu.—Amapsalma 90:2 |
|
Mutumbuluxi |
Ezaya 40:28 |
A tumbuluxe mintxhumu hinkwayu. |
Papayi |
Munyiki wa wutomi |
|
Xikwembu Nkulukumba |
Genesis 1:1 |
Ntxhumu wun’wana ni wun’wana lowu gandzreliwaka, wu nga ha vitaniwa “xikwembu”. Zritu dzra Xiheberu ledzri liki ʼElo·himʹ dzri tizriseliwa ku yengesela ku tlhamuxela ndlela leyi Yehovha a tlakukiki ha yone, bya ku fana ni: wukulu, ku faneliwa, kumbe mutxhaviseki. |
Xikwembu Nkulukumba wa swikwembu |
Deuteronoma 10:17 |
Xikwembu Nkulukumba lwa tlakukiki, ku hambana ni ‘swithombe swa swikwembu’ a gandzreliwa hi va ku tala.—Ezaya 2:8. |
Mudondzrisi Lwenkulu |
Ezaya 30:20, 21, Tradução do Novo Mundo, NM |
A nyikela dondzro ni nkongomiso lowu pfunaka.—Ezaya 48:17, 18. |
Muvumbi |
Ampsalma 149:2 |
A tumbuluxe mintxhumu hinkwayu.—Apfuletelo 4:11. |
Xikwembu Nkulukumba lwa nyonxiki |
A tiveka hi ku va lwa tsrhaviki.—Amapsalma 104:31 |
|
Muyingeli wa swikhongoto |
Amapsalma 65:2 |
A yingiseta hi wuswakwe swikhongoto hinkwaswu leswi yisiwaka ka yene hi lipfumelo. |
Ndzri Lweyi Ndzri Nga Yene |
Eksoda 3:14 |
A va lexi a xi djulaka akuva a hetisisa nkongometo wakwe. Xiga lexi xi nga ha tlhela xi ndzruluteliwa hi ndlela leyi: “Ni Ta Va Lexi Ni Hlawulaka Ku Va Xone” Kumbe “Ni Ta Tikombisa Ni Li Lexi Ni Taka Tikombisa Ni Li Xone”. (NM) Matlhamuxelela lawa ma pfuna ku twisisa vito dzra Xikwembu Nkulukumba, Yehovha, ledzri kombisiwaka ka ndzrimana leyi landzrelaka.—Eksoda 3:15. |
Wa Litsimbu |
Eksoda 34:14 |
Xikwembu Nkulukumba a djula kuva hi gandzrela yene ntsena. Xiga lexi xi nga ha tlhela xi ndzruluteliwa xi va “Wa Wukwele” kumbe “lwa tiviwaka hi ku djula ku gandzreliwa wuswakwe ntsena” |
Hosi ya hi la ku nga helikiki |
Apfuletelo 15:3, NM |
Wuhosi byakwe, a byi na masungulo kumbe wugamu. |
Hosi |
Amapsalma 135:5 |
Nwinyi kumbe muzrangeli hi ku ya hi mazritu lawa ya Xiheberu ʼA·dhohnʹ na ʼAdho·nimʹ. |
Hosi ya makhandzra |
Ezaya 1:9,; Romans 9:29 |
Muzrangeli wa makhandzra lamakulu ya tintsrumi. Mavitanela lama liki “Hosi ya makhandzra” ma nga ha tlhela ma vitaniwa swanga “Yehovha wa mabutsru” kumbe “Hosi ya makhandzra ya le tilweni.”—Ba-le-Roma 9:29, New World Translation; NET Bible, footnote. |
Lwa Nga Henhlahenhla |
Amapsalma 47:2 |
A le ka xiyimu xa ku tlakuka ngopfu swinene. |
Lwe wa ku xwengisisa |
Amaproverbia 9:10 |
A xwengile nakone a base ngopfu (hi mahanyela) ku tlula vhanu hinkwavu lava nga kone. |
Muvumbi |
Ezaya 64:8 |
Swanga hi leswi mhunu lwa tizraka hi vumba a nga yentxaka xini na xini a xi djulaka ha dzrone, na yene Yehovha a ni wulawuli a henhla ka vhanu ni matiko.—Ba-le-Roma 9:20, 21. |
Mutizruli |
Ezaya 41:14 |
Hi ku tizrisa xitlhavelo xa xitizrulo xa Yesu Kriste, Xikwembu Nkulukumba a hi tizrula ka xidoho ni lifu.—Yohane 3:16. |
Zribye |
Amapsalma 18:2, 46 |
Mbangu wa ku sizreleleka ni nhlovo ya huluku. |
Muhuluxi |
Ezaya 45:21 |
A huluxa ka makhombo kumbe ka lifu. |
Mubyisi |
Amapsalma 23:1 |
Awa zron’weka hi vagandzreli vakwe. |
Hosi Leyi Tlakukiki |
Genesis 15:2, NM |
Xiga xa Xiheberu lexi liki ʼAdho·naiʹ xi kombisa leswaku a ni wulawuli lebyi tlakukiki. |
Lwa tlakukiki |
Daniyele 7:18, 27, NM |
Hosi leyi tlakukiki swinene ka hinkwatu. |
Mavito ya mimbangu ka Matsralwa ya Xiheberu
Mimbangu yimbeni leyi kombisiwa a Bibeleni yi patsra vito dzra Xikwembu Nkulukumba. Kambe a swi hlayi swone leswaku i mavito Yakwe man’wana.
Vito dzra mbangu |
Lomu dzri humelelaka kone |
Ntlhamuxelo |
|---|---|---|
Yehovha-Yire |
Genesis 22:13, 14 |
“Yehovha a ta nyika.” |
Yehovha-Nissi |
Eksoda 17:15 |
Yehovha i Xikwembu Nkulukumba lweyi vhanu vakwe va nga tsrutsrumelaka ka yene akuva va kuma nsizrelelo ni mpfuno.—Eksoda 17:13-16. |
Yehovha-Xalom |
Abaṭemi 6:23, 24 |
“Yehovha i ku zrula.” |
Yehovha-Xamma |
Ezekiel 48:35 |
“Yehovha A Lani.” |
Swivangelo swa ku tiva ni ku tizrisa vito dzra Xikwembu Nkulukumba
Vito dzra Xikwembu Nkulukumba i dzra lisima ka yene hikusa a yentxe dzri humelela makhambi manyingi a Bibeleni.—Malaki1:11.
A N’wana wa Xikwembu Nkulukumba a khanele makhambi ya ku tala hi lisima dzra vito dzra Xikwembu Nkulukumba. Hi xikombiso, a khongotile ka Xikwembu Nkulukumba a ku: “A vito dzraku a dzri xwengisiwe.”—Matewu 6:9; Yohan 17:6.
A ku tiva vito dzra Xikwembu Nkulukumba ni ku dzri tizrisa i magwansu ya ku sungula ya ku va munghanu wa Yehovha. (Amapsalma 9:10; Malaki 3:16) Xikwembu Nkulukumba a dumbisa ku tovokisa vanghanu vakwe: ‘Leswi a ndzri namazrelaka, ndzri ta mu kulula. Ndzri mu tlakuxa hikusa a tiva vito dzranga.’—Amapsalma 91:14.
Bibele dzra pfumela leswaku: Swi kone leswi txhuliwaka swikwembu a matilwini ni le misaveni swanga hi leswi, ku vhanu, swikwembu swi nga swinyingi ni tihosi ti nga tinyingi.’ (1 Ba-le-korinte 8:5, 6) Kambe dzri kombisa leswaku ku ni Xikwembu Nkulukumba mun’we wa ntiyiso lweyi vito dzrakwe a nga Yehovha.—Amapsalma 83:18.
^ par. 1 Swidondzri swin’wana swa xiheberu swi zrandzra ku hlaya leswaku “Yahweh” ka vito dzra Xikwembu Nkulukumba.
^ par. 1 Vito dzra Xikwembu Nkulukumba dzra ku gomisiwa, ledzri liki , “Yah”, dzri humelela kolomu ka 50 wa minkama a Bibeleni, ku patsra ni ku tizrisiwa ka ka dzrone ka “Haleluya”, leswi tlhamuxelaka leswaku “Dzrumisani Yah.”—Apfuletelo 19:1
You May Also Like
SWIVUTISO LESWI HLAMULIWAKA HI BIBELE
I Mani Yehovha?
Xana i Xikwembu xa tiko dzrin’we ntsena, ku fana ni tiko dzra va-Israyele?
ESSENTIAL BIBLE TEACHINGS
Xana Xikwembu Nkulukumba A Ni Vito?
Xikwembu Nkulukumba a ni mavitanela manyingi, ku patsra lama liki Wa Ntamu Hinkwawu, Muvumbi ni Hosi. Vídeo ledzri dzri kandzrakanya vito dzra Xikwembu Nkulukumba ledzri kumekaka 7.000 wa makhambi a Bibeleni.
MAYELANU NI TIMBONI TA YEHOVHA
Kombela ku Yendzreliwa Hi Timboni Ta Yehovha
Bula hi timhaka ta Bibele ni Timboni Ta Yehovha, kumbe u dzringisa ku yamukela xidondzro xa Bibele mahala.