Ka vhanu vanyingi, xihambanu i mfungu wa wukriste. Nambi leswi Timboni ta Yehovha ti nga vakriste, a ti xi tizrisi xihambanu loko ti gandzrela. Ha yini?

 Xin’we xa swivangelo, hi kola ka leswi Bibele dzri kalaka dzri nga hlayi leswaku Yesu a fele ka xihambanu, kambe dzri li a fele mhandzrini. Handle ka leswo, a Bibele dzri hlaya leswaku vakriste va fanela ku ‘txhava ku gandzrela swifaniso’, leswi patsraka kuva va nga tizrisi xihambanu loko va gandzrela.—1 Ba-le Korinte 10:14; 1 Yohan 5:21.

 I swa lisima ku xiya leswi Yesu a swi hlayiki. A te: ‘Hi laha hinkwavu va taka tiva leswaku n’wi va dondzrisiwa vanga, loko n’wi zrandzrana.’ (Yohan 13:34, 35) Hi mazritu lawo, Yesu a dondzrise leswaku a lizrandzru hi dzrone a mfungu wa vakriste va ntiyiso, ku nga li xihambanu kumbe ntxhumu wun’wana.