“Zrezra Madrungula Lamanene!”
Kongresu Dzra Timboni Ta Yehovha Dzra 2024
Ku ngheniwa mahala • A ku fambisiwi xiparatwana xa minhlengo
Leswi Taka Dondzriwa
Wawuntlhanu: Vona leswi tiyisekisaka leswaku a madzrungula lamanene mayelanu na Yesu lawa ma kumekaka ka Tievhangeli kunene i ntiyiso. U ta dondzra ndlela leyi a wudzrunguli lebyi bya le Bibeleni byi nga hi pfunaka ha yone namunhla.
Mugqivela: I yini leswi profetiwiki mayelanu ni ku pswaliwa ka Yesu kun’we ni wutsrongwana byake, nakone xana leswo swi yentxekile hakunene?
Sonto: Ka wukaneli lebyi seketeliwiki a Bibeleni, lebyi liki “Ha Yini Hi Nga Ma Txhavi Madzrungula Lama Nga Liki Manene?” vona leswaku ha yini namunhla vhanu vanyingi ngopfu swinene va ni swivangelo swa ku titwa na va sizrelelekile va tlhela va va ni ku lavisela, swi nge na mhaka ni leswi xiyimu xa misava xo ko ya xi bindzra.
Drama
Matimu Ya Wutizreli Bya Yesu Bya Lani Misaveni: Xiyenge 1
Livaningu Bya Hakakunene Bya Misava
A hlolana dzra ku pswaliwa ka Yesu ke va xin’we xa swikombiso swa ku sungula swa wutomi byake. Yene a djuleteliwe hi hosi leyi a yi li mudlayi, nakone a yisiwe a Egipta. Hi ku famba ka nkama, a hlamalise mun’we wa vadondzrisi lavakulu va le nkameni wake. Hlalela drama ledzri nga ni swiyenge swibidzri, ledzri taka kombisiwa hi Wawuntlhanu ni hi Mugqivela.
Hlalela mavhidiyu lama landzrelaka mayelanu ni kongresu dzra lembe ledzri
Ku Yentxeka Yini Ka Makongresu Yezru?
Vona leswi u nga swi yimelaka ka kongresu dzra Timboni ta Yehovha.
Kongresu Dzra Timboni Ta Yehovha Dzra 2024: “Zrezra Madzrungula Lamanene!”
Xinavetiso xa drama dzra lembe ledzri.
Xinavetiso Xa Drama: Matimu Ya Wutizreli Bya Yesu Bya Lani Misaveni
Vanyingi va dzri tiva hlolana dzra ku pswaliwa ka Yesu. Kambe ku yentxeke yini na Yesu a nga si na pswaliwa ni loko kutani a pswaliwile?