ʻOS MȦÜR FAKKARISTO
ʻOn la Aʻesʻaoʻȧk ne Puk ta
Puk ruạ ʻi Teach Us (kat ʻes ra ʻe fäeag Rotuạm ta) ma Puk Haʻa ʻEa iriạ tatạu. Tē garueag ruạ ʻi fäeagʻạkia aier ʻeseat ma ʻe fūfū ʻeseat ma. Ka puk ta Teach Us iạ ʻesʻaoʻȧk fäeag ne vavhiạn pạu. Puk heteʻ ös se iris ne kop ma la aʻnoa la ʻineaʻia tē ne fȧʻ ʻe puk ta Puk Haʻa ʻEa. Puk heteʻ Teach Us kat ʻes ra ʻe ʻon asoa, ka iạ ʻes ʻe suiʻȧk tä fạʻ heta, taʻag iạ suiʻạkia fūạg ne fäega ne noʻ ʻe laloag ne väe ta. Iạ kat ʻes sạioʻ ra ʻe kamatag ne väe ta, ma kat ʻes tapeʻma ʻe kes ne ʻio höʻ ta. Ka iạ aʻvȧh ʻe ʻon aʻluạk ne aier ne Puk Haʻa ne suiʻȧk ʻe laloag ne väe ta. Fak ma se puk ta Puk Haʻa ʻEa, puk heteʻ Teach Us la pō la nā ʻe av het ma, aier ma ne puk teʻ kat afʻȧk ra la nā ʻe laloag ne huạl ta. Ka ʻis la ʻesʻaoʻȧk tapen puk heteʻ Teach Us ʻe av ne ʻis la aʻsoko e ta Rak Puk Haʻ het?
AʻLUẠK NE VÄE TA (SUMMARY): Se famör maʻoi, hat ne pärakraf ta ma nā ne sạiʻo ʻe puk ta Puk Haʻa ʻEa la lelei se irisa. Ka kepoi ka leʻ rak ta kat ʻineaʻia ra fäeag ta ne ʻon hat tē ta kat lelei ra, ʻäe la pō la ʻesʻaoʻȧk puk ta Teach Us. Ma aʻluạk ne väe ta la pō hünʻȧk sin rak ma farʻȧk la leʻ rak ta la hat väe ta ʻe av ne iạ ʻesea het. Rak ne aier ne Puk Haʻa ʻon roa kop ma la menet 15. Iạ kat laloagʻȧk ra tē ne täe ʻe laloag ne väe ta, iạ ne rakʻȧk tē kop la ösös aʻlelei pạu. Iạ kop la aʻhäe aʻlelei se fūfū ʻon iạ ne rako. Kepoi ka rak ta la hünʻȧk se väe ta, aʻluạk ne väe ta la pō la ʻesʻaoʻȧk la ʻio höʻ sin.
SUIʻȦK TÄ FẠʻ HETA (ENDNOTES): Fäega ʻe suiʻȧk tä fạʻ heta noʻ la fak ma se ʻon noʻ ʻe väe heta. Iạ ne rakʻȧk tē la pō la hil la hạifäegag se suiʻȧk tä fạʻ ne puk ta Teach Us ʻe av ne iriạ rak Puk Haʻa e.
