‘Ạit aier ta, tä muạ‘ạkia fā ma‘oi la fạ‘ia ‘on a‘häe se ta puk a‘pumuạ‘ȧk pạu het. Puk heta‘ag ta Puk Ha‘a. Tē ne täe ‘e ‘on laloga ta muạ‘ạkiag ‘es‘ao ne ‘Ạitu pa ‘es la ‘äe la ‘inea.

‘Ạitu ‘inea tē ne lelei pumuạ se‘ se ‘isa, ma iạ tä Hū ne poto. ‘Ou la a‘fạit se ia, ‘äe täla hele‘ la pot ka huạg ‘atmại aier.​—Fäeag ‘Es Fuạga 1:5.

‘Ạitu pa ‘es la te‘ ne famör ‘atakoa ne rȧnte‘ la hat ‘on fäega ne täe ‘e Puk Ha‘a. ‘E ‘on ‘i‘i Puk Ha‘a fȧ‘ ‘e fäeag tūtū ma‘oi.

Kepoi ka ‘äe pa ‘es la noh a‘fại se ‘Ạitu, ma ‘äe kop la hat la ‘inea a‘lelei Puk Ha‘a.

Jihova Uetnes ta la po la hạiasoagan ‘äe la ‘inea a‘lelei Puk Ha‘a.

‘E ut tūtū ne rȧnte‘, iris rak‘ạkia aier ta hün se ‘Ạitu.

‘Äe kat a‘noa ra la tög te ne iris rak‘ạki. ‘Äe po se ma la rakoa ‘Ạitu ‘e Kingdom Hall ‘on Jihova Uetnes ta ne ‘el se ‘äe.