4 MUNYONYO 2014
Greece
Amakuru y’igikorane mpuzamakungu: Ivyabona vya Yehova ku kibuga c’inkino za olympique mu Bugiriki
Samuel Herd (iburyo), wo mu Nama Nyobozi y’Ivyabona vya Yehova, buri musi yarasozera porogarama n’insiguro ishingiye kuri Bibiliya yahindurwa mu kigiriki.
Ku wa gatandatu igenekerezo rya 28 Ruheshi harabaye ibatisimu; ababatijwe bose hamwe bari 337, ni ukuvuga 305 mu Bugiriki na 32 i Shipre.
I ATENE mu Bugiriki: Ku wa 27-29 Ruheshi 2014, Ivyabona vya Yehova bo mu Bugiriki baragize igikorane mpuzamakungu cataziriwe ngo “Gume mubanza kurondera Ubwami bw’Imana!” Ico gikorane cabereye muri Complexe olympique d’Athènes, aho hakaba ari ho habereye inkino za olympique mu 2004. Ico gikorane citabwe n’abantu 35.863. Abandi bantu 3.093 bo mu Bubiligi n’i Shipre barakurikiranye biciye kuri videwo ibiganiro bimwebimwe vyaba biriko birashikirizwa muri ico gikorane, ivyo bikaba vyatumye abakurikiranye ico gikorane bose hamwe baba 38.956.
Mu bitavye ico gikorane harimwo abavuye muri Afrika y’Epfo, Hongiriya, Koreya, Krowasiya, Leta Zunze Ubumwe za Amerika, Rumaniya na Tirkiya. Uwitwa Christina Michail, uwo akaba ajejwe ikibuga c’inkino gikuru co ng’aho, yavuze ati: “Vyari bihimbaye kubona abantu badasangiye ibara ry’urukoba, bo mu bihugu bitandukanye, bose bicaye hamwe, bafotorana; kandi narashimye urukundo rwaharangwa . . . Ivyo ni ibintu vy’ukuri bidasanzwe. Ivyo bintu ntidukunda kubibona muri kino kibuga. Kenshi turakira abakunzi b’inkino, kandi uko bigenza ntaho guhuriye n’uku kw’aba; ni co gituma twatangajwe cane no kubona ibi bintu kandi turahimbawe cane.”
Abitavye igikorane cabereye ku kibuga c’inkino za olympique i Atene.
Robert Kern, umuvugizi w’ishami ry’Ivyabona vya Yehova ryo mu Bugiriki, yongeyeko ati: “Abantu benshi baraturungikiye amakete yo gukenguruka ico gikorane no gukenguruka akaryo baronse ko kwifatanya n’abantu bo mu mihingo myinshi y’isi. Vyari bihimbaye kuba twari kumwe n’abo dusangiye ukwemera bo mu bihugu bitandukanye muri ico kiringo c’intibagirwa.”
Abajejwe amakuru:
Ku rwego mpuzamakungu: J. R. Brown, wo mu biro bijejwe amakuru, tél. +1 718 560 5000
Ubugiriki: Babis Andreopoulos, tél. +30 210 617 8606
Raba kandi
AMAKURU AGEZWEHO
Ivyabona vya Yehova baramenyesheje ko bazogira amahwaniro mpuzamakungu
Ivyabona vya Yehova bazogira amahwaniro mpuzamakungu azomara imisi itatitatu mu bihugu icenda, akaba azotangura muri Ruheshi 2014 abandanye gushika muri Nzero 2015.
AMAKURU AGEZWEHO
Ivyabona vya Yehova batanguye amakoraniro mpuzamakungu
Ku wa gatanu igenekerezo rya 6 Ruheshi 2014, irya mbere muri ya makoraniro mpuzamakungu y’Ivyabona vya Yehova ryaratanguye i Detroit muri Leta Zunze Ubumwe za Amerika. Ibice vy’iryo koraniro bizokurikiranwa biciye kuri internet no mu bindi bibanza cumi vyo muri Leta Zunze za Amerika.
AMAKURU AGEZWEHO
Amakuru y’igikorane mpuzamakungu: Ivyabona vya Yehova baragize ibikorane vy’intibagirwa ku kibuga c’inkino citwa MetLife Stadium
Abantu ibihumbi bari buzuye mu kibuga c’inkino citwa MetLife Stadium mu gisagara ca East Rutherford co muri New Jersey muri Leta Zunze Ubumwe za Amerika, baje ku bikorane mpuzamakungu vyari vyataziriwe ngo “Gume mubanza kurondera ubwami bw’Imana!” vyabaye kw’igenekerezo rya 20-22 Ruheshi no ku rya 27-29 Ruheshi 2014.
AMAKURU AGEZWEHO
Amakuru y’igikorane mpuzamakungu: Ivyabona vya Yehova barasohoye Bibiliya i Séoul
Ku gikorane mpuzamakungu cataziriwe ngo “Gume mubanza kurondera Ubwami bw’Imana!”, Ivyabona vya Yehova barasohoye Bibiliya y’isi nshasha y’ikinyakoreya yasubiwemwo.
IBITWEREKEYE
Niwitabe igikorane co mu 2024 cataziriwe ngo “Numenyeshe inkuru nziza”
Turagutumiye n’igishika cinshi kwitaba igikorane c’Ivyabona vya Yehova c’uyu mwaka kizomara imisi itatu.
IBIKORANE
Akavidewo: Ivyashikirijwe vyerekeye amahwaniro mpuzamakungu
Ivyabona vya Yehova baragira amahwaniro adasanzwe mu bibanza vyatowe hirya no hino kw’isi. Niwumvirize igituma abatari bake bahimbarwa no kuyitaba.