Yesaya 64:1-12
64 Ese iyo uba waratantamuye ijuru ukamanuka,maze imisozi ikanyiganyiga kubera wewe,
2 bikamera nk’igihe umuriro udometse ikigunda,ukabiza amazi.Abakurwanya boheza bakamenya izina ryawe,amahanga akajugumira imbere yawe.
3 Igihe wakora ibintu biteye akoba tutari twiteze na gato+,waramanutse maze imisozi iranyiganyiga imbere yawe+.
4 Kuva kera nta n’umwe yumvise, canke ngo atege ugutwicanke ngo abone iyindi Mana kiretse wewe,Imana igira ico ikoreye abaguma bayiteze*+.
5 Wahuye n’abanezerezwa no gukora ibigororotse+,bakwibuka bakagendera mu nzira zawe.
Raba! Igihe twaguma ducumura warashavuye+,kandi twacumuye igihe kirekire.
Ubwo none turakwiye gukizwa?
6 Twese dusigaye tumeze nk’umuntu ahumanye.Ibikorwa vyacu vy’ubugororotsi vyose bimeze nk’impuzu yahumanijwe n’ubutinyanka+.
Twese tuzokabirana nk’ibabi,amakosa yacu atugurure nk’umuyaga.
7 Nta n’umwe yambaza izina ryawe,nta n’umwe ava hasi ngo akwumireko,kuko waduhishije mu maso hawe+,kandi utuma tuyama* kubera amakosa yacu.
8 Ariko Yehova, ni wewe Data+.
Twebwe turi ibumba, nawe uri Umubumvyi wacu+.Twese turi igikorwa c’amaboko yawe.
9 Ewe Yehova, ntushavure birenze+,kandi ntiwibuke ikosa ryacu ibihe bidahera.
Turakwinginze uturabe kuko twese turi abantu bawe.
10 Ibisagara vyawe vyeranda vyose vyacitse agahinga.
Siyoni yacitse agahinga,Yeruzalemu isigara ari akarere kahebwe+.
11 Inzu* yacu nyeranda kandi y’ubuninahazwa*,imwe ba sogokuruza bacu bagushemerezamwo,yaturijwe umuriro+,kandi ibintu vyose twakunda cane vyarononekaye.
12 Uravye ivyo vyose ga Yehova, woba uzobandanya kwigumya?
Woba uzoguma winumiye, wemere dutezwe amarushwa ukuraho+?
Utujambo tw'epfo
^ Canke «abaguma bayirindiriye bihanganye.»
^ Mu giheburayo havuga ngo «dushonga.»
^ Canke «urusengero.»
^ Canke «ubwiza.»
