Guhera tariki ya 24 kugeza ku ya 25 Mutarama 2022, umwuzure n’umuyaga mwinshi byatejwe n’inkubi y’umuyaga ikaze yiswe Ana, byangije byinshi muri Malawi no muri Mozambike. Iyo nkubi y’umuyaga yishe abantu benshi, yangiza imihanda, isenya amazu kandi ituma ababarirwa mu bihumbi bava mu byabo.

Malawi

• Ikibabaje ni uko, hari umuvandimwe wabuze umugore we utari Umuhamya n’abana be babiri, umwe w’imyaka 3 n’undi wa 5, barohamye igihe ubwato barimo bwiyubikaga

• Mushiki wacu 1 hamwe n’umwana w’umukobwa w’imyaka 7 ufite ababyeyi be ni Abahamya, barakomeretse

• Ababwiriza 1 000 bavanywe mu byabo

• Amazu y’Ubwami 2 yarangiritse bidakabije

• Amazu 100 yarangiritse bidakabije

• Ugereranyije amazu 100 yarasenyutse

Mozambike

• Nta muvandimwe cyangwa mushiki wacu wapfuye

• Abavandimwe 2 barakomeretse

• Ababwiriza 381 bavuye mu byabo

• Inzu z’Ubwami 3 zarangiritse bidakabije

• Inzu z’Ubwami 3 zarangiritse cyane

• Inzu z’Ubwami 3 zarasenyutse

• Amazu 51 yarangiritse byoroheje

• Amazu 96 yarangiritse cyane

• Amazu 79 yarasenyutse

• Hashyizweho Komite Zishinzwe Ubutabazi muri ibyo bihugu byombi

• Izo komite zirimo gutanga ibyokurya, amazi meza yo kunywa n’ibindi bikenewe

• Imirimo yose y’ubutabazi ikorwa ari na ko hubahirizwa amabwiriza yo kwirinda icyorezo cya COVID-19

Twizeye ko Yehova azakomeza guha imbaraga abavandimwe bacu muri ibi bihe by’amakuba.—Zaburi 46:1.