Guhera ku itariki ya 11 Nzeri 2024, inkubi y’umuyaga yiswe Boris yateje imvura nyinshi ndetse n’umuyaga wari ufite imbaraga nyinshi mu bice bimwe na bimwe byo mu Burayi bwo Hagati. Igihe iyo nkubi y’umuyaga yibasiraga amajyepfo y’igihugu cya Polonye ku itariki ya 12 Nzeri, hari uduce two muri icyo gihugu twaguyemo imvura nyinshi cyane, kandi iteza imyuzure mu mijyi myinshi. Iyo mvura yanangije ibikorwa remezo byinshi, kandi isiga abantu benshi nta muriro bafite. Ku munsi wakurikiyeho, ari ku itariki ya 13 Nzeri, iyo nkubi y’umuyaga yatumye hagwa imvura nyinshi kurushaho mu duce two mu majyaruguru y’igihugu cya Repubulika ya Tchèque, maze yangiza amazu, imihanda ndetse n’ibiraro.

Ku itariki ya 14 Nzeri, hari ibice byinshi byo muri Rumaniya byibasiwe n’umwuzure bitewe n’imvura nyinshi yahaguye. Mu ntara ya Galați yo muri Rumaniya, amazu agera ku 5.000 yarangiritse, kandi ingomero zigera kuri ebyiri ziraturika. Nanone ku itariki ya 18 Nzeri inkubi y’umuyaga yiswe Boris yageze mu majyaruguru y’u Butaliyani. Uduce twinshi two mu Butaliyani twagushije imvura nyinshi, ndetse n’imigezi iruzura.

Iyo nkubi y’umuyaga yari iteye ubwoba yatumye abantu benshi bo muri ibyo bihugu bine bahunga, kandi abagera kuri 19 bahasize ubuzima.

Repubulika ya Tchèque

• Nta muvandimwe cyangwa mushiki wacu wapfuye cyangwa ngo akomereke

• Ababwiriza 79 bavuye mu byabo

• Amazu 12 yarangiritse bikabije

• Amazu 2 yarangiritse bidakabije

• Inzu y’Ubwami 1 yarangiritse bikabije

• Inzu y’Ubwami 1 yarangiritse bidakabije

U Butaliyani

• Nta muvandimwe cyangwa mushiki wacu wapfuye cyangwa ngo akomereke

• Ababwiriza 63 bavuye mu byabo

• Amazu 7 yarangiritse bikabije

• Amazu 21 yarangiritse bidakabije

• Inzu y’Ubwami 1 yarangiritse bikabije

• Amazu y’Ubwami 4 yarangiritse bidakabije

Polonye

• Nta muvandimwe cyangwa mushiki wacu wapfuye cyangwa ngo akomereke

• Ababwiriza 87 bavuye mu byabo

• Amazu 61 yarangiritse bikabije

• Amazu 85 yarangiritse bidakabije

• Amazu y’Ubwami 2 yarangiritse bikabije

• Amazu y’Ubwami 8 yarangiritse bidakabije

Rumaniya

• Nta muvandimwe cyangwa mushiki wacu wapfuye cyangwa ngo akomereke

• Umubwiriza 1 yavuye mu bye

• Amazu 2 yarangiritse bikabije

• Amazu 5 yarangiritse bidakabije

• Nta Nzu y’Ubwami yangiritse cyangwa ngo isenyuke

• Hashyizweho Komite Zishinzwe Ubutabazi 6 kugira ngo zihuze ibikorwa by’ubutabazi

• Abagenzuzi b’uturere n’abasaza b’itorero bo muri utwo duce barimo gufasha abagizweho ingaruka n’iyo nkubi y’umuyaga kandi bakabahumuriza bifashishije Bibiliya

Dukomeje gusenga dusabira abagizweho ingaruka n’iyo nkubi y’umuyaga, kandi twizeye ko Yehova azabahumuriza kandi akabafasha abigiranye urukundo rwinshi.—Yesaya 40:11.