8 NYAKANGA 2022 | YAHUJWE N’IGIHE KU ITARIKI YA 13 GICURASI 2024
U BURUSIYA

AMAKURU MASHYA—ABAVANDIMWE BARAFUNZWE | Gusenga bituma bagira imbaraga

FUNGURA

Ku itariki ya 13 Gicurasi 2024, urukiko rw’akarere ka Pervomayskiy ruir mu gace ka Izhevsk rwahamije icyaha umuvandimwe Sergey Ashikhmin, Maksim Derendyaev na Aleksandr Kutin. Buri wese yakatiwe igifungo cy’imyaka itatu. Bahise bajyanwa muri gereza, bakiva mu rukiko.

Uko ibintu byagiye bikurikirana

Ku itariki ya 14 Mata 2021

Abashinzwe ubutasi basatse amazu y’Abahamya ba Yehova agera kuri 12. Sergey bamuhase ibibazo mu gihe cy’amasaha arindwi. Maksim na Aleksandr barafashwe barafungwa
Ku itariki ya 15 Mata 2021

Maksim na Aleksandr bagiye kubafungira muri gereza y’agateganyo
Ku itariki ya 29 Mata 2021

Aleksandr yararekuwe by’agateganyo
Ku itariki ya 14 Gicurasi 2021

Aleksandr yatangiye gufungirwa iwe mu rugo
Ku itariki ya 9 Nyakanga 2021

Maxim yararekuwe ariko afungishwa ijisho
Ku itariki ya 14 Werurwe 2022

Urubanza ni bwo rwatangiye

Ibyo twabavugaho

Aleksandr Kutin

Igihe yavukiye: 1982 (Izhevsk)

Ibimuranga: Akora akazi ko gusudira

Amaze kwiga ibyerekeye Yesu, yumvise agomba kwigana urugero rwe. Yabatijwe mu mwaka wa 2002. Yashakanye na Guzel mu mwaka wa 2018

Ibyo yavuze

Ni iki cyagufashije gukomeza kugira ibyishimo igihe wari ufunzwe by’agateganyo?

Igihe bajyaga kumfunga bari bantandukanyije n’ibintu nkunda, urugero nk’incuti zanjye, amateraniro, Bibiliya n’ibindi bintu nari menyereye gukora. Mu rugo narabyukaga ngateka icyayi cyangwa ikawa maze njye n’umugore wanjye tukaganira kuri Bibiliya. Sinajyaga ntekereza ko hari uwantandukanya n’ibyo bintu. Ariko naje kumenya ko nta washoboraga kumbuza gusenga. Iyo nasengaga, Yehova yampaga umwuka we wera, maze ukamfasha gukomeza kugira ibyishimo kandi si ncike intege.

Nanone nabonye uburyo bwinshi bwo kubwiriza. . . . Igihe nari kumwe n’abandi bagabo umunani muri kasho imwe, buri wese yambajije impamvu nafunzwe, ubundi nkamusobanurira. Icyo gihe Yehova yaramfashaga ngatuza kandi nkagira amahoro yo mu mutima. Ibyo nabishimiraga Yehova.

Abavandimwe bacu bakomeje kwihanganira akarengane biringiye Yehova we wasezeranyije ati: “Ntutinye kuko ndi kumwe nawe.”—Yesaya 43:5.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU